fríggjadagur 3. juli 2015síða 28

Fríggjadagur 3. juli 2015 sosialurin 75 28 ítróttur André Olsen T riði og fjórði dagurin á oyggja­leikunum bjóðaði uppá eina rúgvu av ymiskum upplivingum. Svimji­gent­urnar settu nýtt oyggja­ leika­met í blandaðari stafett týs­ kvøldið, meðan Jógvan Niclasen og Marius F. Joensen millum annað eis­ini vunnu gull heiðursmerki fyri Føroyar. Stjørnuskotið úr Vági Av teimum nógvu heiðurs­merkj­ unum, sum vit hava vunnið á oyggja­leikunum, eiga svimjararnir tey flestu. Tá mikukvøldið var av, átti svimjararnir 27 av teimum 41 heiðurs­merkjunum, sum Føroyar høvdu vunnið. Serliga er tað ein svimjari, ið er á oyggjaleikum fyri fyrstu ferð, sum av álvara hevur sligið sítt navn fast. Hon eitur Sára Nysted úr Suðuroyar svimjifelag, og er júst fylt 14 ár. . Av teimum átta gull heiðurs­merkj­ unum, sum svimjararnir higartil hava vunnið, hevur Sára verið við til at vunnið heili fimm av teimum. Fýra hevur hon vunnið einsamøll, meðan hon eisini var við til at vinna gull í stafettini hjá kvinnum týskvøldið, har tær føroysku svimjigenturnar settu bæði nýtt føroyskt og nýtt oyggja­leikamet. Í samrøðu við in.fo týskvøldið, segði Sára Nysted at talan er um góða uppliving at vera á oyggjaleikum fyri fyrstu ferð, har tað serliga er stuttligt at vera við millum tey fremstu. Pál Joensen, ið uttan saman­líkn­ ing, er størsta navnið innan svimj­ing í Føroyum, segði eftir svimji­kapp­ing­ ina mánadagin, at avrikið hjá Sáru mána­kvøldið, har hon vann tvey gull heiðurs­merki, var heilt fantastiskt. Torkil í harðari kapping Týsdagin var kapping í landavegs­ koyring, har fleiri føroyskir súkklarar vóru við. Undan kappingini vóru vón­ irnar serliga settar til Torkil Veyhe, sum mánadagin vann gull í einkult­ starti. Tað gekk eisini væl hjá Torkil, sum var við alla kappingina. Í enda­spurt­ inum vóru tað fýra súkklarar, ið allir komu lið um lið um málsstrikuna, har Torkil var millum teirra. Torkil endaði sum tann triðfremsti av teimum fýra, men var bert eitt sekund eftir tann, sum endaði fremst. Hóast Torkil Veyhe var líka við at vinna gull­ið, so var Torkil eftir kappingina nøgd­ur við avrikið hjá sær sjálvum. Per­són­ liga hevði Torkil sett sær fyri at vinna eitt heiðursmerki undan oyggja­leik­ unum, men týsdagin vann hann sítt triðja. Gull í einkultstarti, bronsu í lið­ kapp­ingini í einkultstarti, og bronsu í landavegssúkklingini. Enn eitt gull í bogaskjóting Bogaskjúttarnir, sum mánadagin vunnu gull í liðkappingini í com­ pound, fingu aftur mikudagin nakað at gleð­ast yvir. Jógvan Niclasen vann nevniliga gull í head to head kapp­ing­ ini í compound, har hann eisini var seedaður sum nummar eitt undan kappingini. Jógvan møtti í finaluni Michael Lerberg av Gotlandi, har Jógvan vann við 14 stigum fleiri enn mót­støðumaðurin. Gull til Marius Marius F. Joensen kom týsdagin í finaluna í skeet skjóting, har hann møtti Lennert Åkerblom av Álandi. Marius vann í finaluni móti vin­ mann­inum, Lennart Åkerblom, sum er giftur við føroysku Rannvu Åkerblom. oyggjaleikir Eftir fyrstu fýra dagarnar á oyggja­ leikunum, liggja Føroyar á einum samanlagdum triðja plássið í heiðursmerkjakappingini. Serliga er tað svimjingin sum munar væl í samlaða heiðursmerkjatalinum, har tað serliga er ein ung og evnarík genta úr Suðuroynni, ið hevur sligið sítt navn fast á oyggjaleikunum Føroyar á triðja plássið Mynd: André Olsen