fríggjadagur 3. juli 2015síða 29

Fríggjadagur 3. juli 2015 sosialurin 75 29 Merkisvert er, at Lennert og Rannvá eiga ein son saman, sum tey hava uppkallað eftir Marius. Marius segði tó í samrøðu við Hera Simonsen týsdagin, at hóast hann og Lennart eru góðir vinmenn til dag­ligt, so fingu teir ikki verið vinir til final­ una í skeet skjóting. Tá ræddi tað um at vinna, og tí fegnaðist Marius F. Joensen eisini um sigurin og um gull heiðursmerki. Marna kom sterkt aftur Marna Egholm, sum sunnudagin small um í hálvum marathon, kom miku­kvøldið sterkt aftur. Marna rann seint mikukvøldið 10.000 metrar, og tað gekk væl hjá Marnu. Marna kom næst á mál og vann silvur. Marna segði eftir kappingina, at talan var um eina uppreisn í mun til sunnu­ dagin, har hon small um tá hon rann hálvt marathon. Hon segði tó at hon ikki var von við at renna 10.000 metrar á einari rennibreyt, og at tein­ urin í hálvum marathon meira var ein teinur til hennara. Í frælsum ítrótti vóru vit eisini í fleiri øðrum finalum. Týskvøldið vann 19 ára gamli Hallur Simonsen silvur í klingru­ kast­ið. Hallur Simonsen kastaði klingr­una 44,89 metrar, sum eisini var per­sónligt met fyri Hallur. Eftir kappingina týskvøldið segði Hallur, at hann var væl nøgdur við av­rikið hjá sær sjálvum, har hann ser­ liga fegnaðist um at kastið týs­kvøldið, var tað longsta, ið hann nakrantíð hevði kastað. Í spjótkasti vóru vit eisini nær við at fáa heiðursmerki. Hanus Bergs­son, endaði á fjórða plássið, men var bert ein metur frá at fáa bronsu heiðurs­ merki. Hanus Bergsson iðraðist eftir kappingina, at tað ikki bleiv til heiðurs­merki, tí at hann fór eftir at vinna kappingina. Fjórða plássið hevur tó givið Hanus Bergsson blóð á tánna við venjing til framtíðar av­ bjóðingar innan spjótkast. Eisini í longdarlopi, høvdu vit ein finalist. Tað var Tórur Mortensen, sum endaði á einum sjeynda plássið. Niclas knógvaði Benjamin Í kappingini í einmansleiki hjá monn­ um, hittust teir báðir føroyingarnir, Niclas H. Eysturoy og Benjamin Gunnar­stein í hálvfinaluni miku­ dagin. Teir spældu ein javnan og spenn­andi dyst, sum tó endaði við ein­um sigri til Niclas H. Eysturoy. Niclas skal fríggjadagin spæla finalu móti Mark Constable frá Jersey. Føroyingar áttu eisini luttøku í hálvfinaluni í tvímansleikinum hjá kvinn­um, har tær báðar systrarnar, Rannvá og Brynhild Djurhuus Carlsson spældu. Hóast Rannvá og Brynhild Djurhuus Carlsson vóru seedaðar eitt hægri enn mót­støðu­ leik­ararnir frá Gotlandi undan kapp­ ingini, so vóru tað tó kvinnurnar úr Gotlandi sum drógu longra stráðið í hálvfinaluni mikudagin. Rannvá Djurhuus Carlsson skal tó spæla finalu í einmansleiki fríggjadagin, har hon skal spæla móti Cristen Marrit frá Jersey. Menninir vunnu seinasta dystin Føroyar hevur til oyggjaleikirnar í ár havt umboð til strandflogbólt hjá monnum og kvinnum. Talan er um nýggja ítróttargrein, sum fyri fyrstu ferð hevði føroyska umboðan á oyggja­leikum til oyggjaleikirnar á Bermuda í 2013. Sum heild er torført at samanbera strandflogbólt við vanligan flogbólt í eini høll, tí tungi sandurin ger tað torført hjá leikarunum at flyta seg. Ser­liga fyri teir føroysku leikararnir, ið ikki hava umstøður til at spæla strand­flogbólt heima hjá okkum, er talan um fremmandar umstøður. Tó so, so vunnu okkara menn sein­ asta dystin í strandflogbólti miku­ kvøldið. Jóhan Petur á Stongum og Ólavur Jensen vunnu nevniliga 2-0 móti Isle of Man. Teir taptu tó allar hinar dystirnar í bólkinum. Kvinnurnar, Randi og Anna Larsen, taptu eisini allar sínar dystir. Heitasti dagur í níggju ár Hesar seinastu dagarnar sum oyggja­ leikirnir hava verið á Jersey, hevur veðrið spælt við vertslandinum. Hitabylgja hevur herja Jersey, har hitin alla tíðina hevur ligið langt omanfyri 20 stig. Hitamátarin týs­ dagin vísti enntá 32 hitastig, sum er tað heitasta tað hevur verið á Jersey síðani 2006. Myndir: sigmar mørkøre