fríggjadagur 3. juli 2015síða 30

Fríggjadagur 3. juli 2015 sosialurin 75 30 Neli Heldarskarð F yri einum ári síðani leikti B36 á heimavølli ímóti norðurírska Linfield í undankappingardysti til Europa League. Talan var um ein javnan dyst, sum tó koppaði til fyrimuns fyri bretarnar, ið vunnu 1-2 við máli, ið varð skorað í 85. minutti. Tíverri fyri B36 og føroyskan fótbólt endurtók søgan seg í gjár. Tí at í gjár var tað eisini eitt bretskt lið, The New Saints úr Wales, ið gjørdi Linfield bragdið eftir og vann 1-2 við einum máli, sum bleiv skorað sera seint í dystinum. B36 má iðra seg um, at enn einaferð tykist ein góður møguleiki at leika seg víðari í evro­ peiskum fótbólti at vera spiltur. Lívlig byrjan The New Saints, ella bara TNS, setti seg á dystin frá dystarbyrjan og var eisini nær við at koma til onkran heilt stóran kjans. Kortini var tað før­oyska árstalsfelagið, ið legði seg framum longu eftir fimm minuttir, tá ið bólturin eftir innlegg úr høgru endaði fyri fótunum á Hans Paula Samuelsen, ið ísakalt plaseraði bóltin í málið. Ein sonn dreymabyrjan fyri heimaliðið, men gleðin var stokkut. Eyðsæð var, at TNS dámdi best at spæla eyðkenda »Kick n’ Rush«-fót­ bóltin, ið eyðkendi bretska fótbóltin, áðrenn alheimsgerðin førdi til, at nógvar útlendskar stjørnur settu høvuðs­dagsskránna í Premier League. Hjá TNS eru nógv teir flestu leik­arar­nir tó bretskir, og tí lá væl fyri hjá teimum at skjóta langar bóltar nið­an á og aftur um B36-verjuna. Tað var eisini ein slíkur langur bóltur, ið førdi við sær, at tveir minuttir aftaná málið hjá B36 lá bólt­urin í teirra egna máli. TNS sendi langan bólt av miðum vølli oman í høgru síðu, har bólturin varð sendur innfyri. Ongin B36-leikari var nóg avgjørdur at rudda burtur, og so kundi Scott Quigley skora eitt av sín­ um lættastu málum í yrkisleið hans­ ara, tá ið hann ein metur burtur frá mál­inum kundi stýra bóltin í netið. Ein góð og lívlig byrjan fyri áskoð­ ararnar, men B36 hevði verið betri statt við 0-0, tí at í evropeiskum fót­ bólti hava útivallarmálini sum kunn­ ugt eyka stóran týdning. Fjálturstungið B36-lið Áðrenn dystin hevði Eyðun Klakstein, B36-venjari, sagt í samrøðu við heima­síðuna hjá felagnum, at leik­ ar­arnir máttu tora at spæla og ikki tyngjast av, at talan var um ein undan­kappingardyst til Champions League. Júst hetta tyktist tó annars at vera ein trupulleiki í fyrra hálvleiki, har B36-liðið onkursvegna tyktiskt fjáltur­stungið. Fleiri løgnar og skeivar sendingar blivu gjørdar á egnari hálvu, og í fyrra hálvleiki hendi tað seg ov ofta, at walisiska mótstøðuliðið fekk ov nógv pláss at spæla á. B36- liðið tyktist snøgt sagt ikki at vera tað sama, ið er farið í summarsteðg í Fótbóltur B36 tapti fyrra dystin ímóti The New Saints. Munurin var lítil, men søgan var tann sama sum tann, tá ið B36 leikti evropeiskan fótbólt á Tórsvølli fyri einum ári síðani Søgan endurtók seg Alex er við aftur Alex Mellemgaard, ið var fastur fúsur á meistaraliðnum hjá B36 í fjør, hevur næstan ikki spælt fótbólt í ár vegna drúgvan skaða. Seinastu vikurnar hevur Alex tó fingið tveir dystir í beinini á næstbesta liðnum hjá B36, og mikukvøldið var hann aftur at síggja á besta liði felagsins, tá ið hann bleiv skiftur inn 10 minuttir fyri dystarlok. ítróttur Champions League Tað var sera vátt á Tórsvølli, tá B36 tók ímóti walisisku meistarunum í Champions League kappingini Hans Pauli Samuelsen legði heimaliðið á odda longu í 7. minutti