mánadagur 6. juli 2015síða 27

27 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 6. juli 2015 · Nr. 76 ítróttur fótbóltur Renna undan botninum Skála vann tryggan sigur á KÍ, sum harvið tapti fyri fyrstu ferð í átta dystum Jóannes Hansen Leygardagin fór næstbesta fótbóltsdeildin í summarfrí. Tá var punktum sett fyri 19. umfar. Fyrsti dystur varð spældur 28. apríl, tá ið 07 Vestur á heimavølli vann 2-1 á NSÍ. Fríggjakvøldið vann Skála 3-1 á heimavølli ímóti KÍ, og leygardagin vóru hinir tríggir dystirnir. Øll liðini hava ikki spælt 19 dystir. Tveir heimadystir hjá NSÍ eru útsettir. Annar – frá 15. umfari – er ímóti Víkingi. Hann verður spæld­ ur 11. august. Hin er tann ímóti B36 í 18. umfari. Hann er sett­ur at vera 16. sep­ tember. Hesi trý liðini – NSÍ, Víking­ur og B36 – eru í niður­ flytingar­vanda og stríðast fyri at sleppa undan at flyta niður saman við MB, sum burtur­úr nítjan dystum hevur vunnið tvey stig. B36 hevur 12 stig, og Víkingur og NSÍ hava 16 stig. Tað verður ofta tikið til, at tað hevur stóran týdning fyri bestu feløgini, at næstbesta liðið hjá teimum er í næst­ bestu deildini. Í løtuni eiga fýra av fimm teimum fremstu í Effo deildini lið í 1. deild. Einasta felagið av hes­ um, sum ikki er um­boðað í fremstu røð, er HB. Næst­ besta liðið hjá sigurs­vanda felagnum flutti í fjør niður í 2. deild. Sambært faroesoccer. com hevur HB kós ímóti 1. deild. HB er topplið við 29 stigum, KÍ er næstfremst við 26 stigum, TB er á triðja plássi við 24 stigum, og B36 er nummar fýra við 20 stigum. Dómaraseðlarnir siga, at tað er ikki í øllum feløgum, at tað eru so nógvir, ið venja saman við teimum bestu, sum spæla í 1. deild. At teir, sum hjálpa til, gera góðan mun, tá ið teir spæla, hevur undan summarsteðginum verið sjón fyri søgn. Hvussu nógvir hjálpa til á næst­besta liðnum vald­ ast um, hvussu nógvir eru við í kappingini um pláss­ini á besta liðnum, og hvussu gamlir teir eru. Ungu menninir hava loyvi at spæla uttan avmarkingar. Politikkurin er, at teir við at hava møgu­leika at spæla nógvar dystir skulu mennast betri og skjótari. Nógvir ungir klaks­vík­ ingar hava verið við at lyfta næst­besta KÍ liðið fram á triðja plássið í 1. deild. Leygar­dagin var KÍ á Skála, har setningurin var at vinna áttanda sigurin á rað. Tað gekk ikki. Skála vann 3-1, og KÍ datt av triðja og aftur á fimta plássið. Hesaferð vóru tríggir ungir menn á KÍ liðnum, sum eru fastir menn í Effo hópinum. Skála sigurin var sann­før­ andi. Skálamenn eru tíggju stig frammanfyri triðja pláss­ið, og lítil ella eingin ivi er um, at Skála í 2016 aftur verð­ur partur av bestu deild­ ini. Brian Jacobsen skor­aði tvey av málunum. Topp­ skjútt­in hevur nú skorað 21 mál. At KÍ eftir tapið datt av triðja og aftur á fimta pláss komst av, at bæði B68 og AB vunnu. B68 hevði vitjan av MB, sum fór vestur aftur við 3-0 tapi. Tað var so nógv frægari úrslit, enn tað var mikukvøldið, tá ið Skála vann 9-1 í Miðvági. AB vann tætta uppgerð á Argjum 2-0 ímóti B71. Tað var málleyst, inntil tað rest­aðu tíggju minuttir. Tá skoraði gamli kenningurin í B71, Dan í Soylu, og fimm min­ uttir seinni staðfesti Ivan Hofgaard sigurin, sum lyfti AB fram á fjórða plássið. Bárður Olsen, Dion B. Splidt og Jónas Stenberg hjálptu til á AB liðnum. Teir fara frá á ólav­søku og út á heystið at vera við í bjargingarroyndini hjá besta liðnum. Tá ið Víkingur vann 3-1 í Gundadali, vóru tað kend fót­bólts eftirnøvn í Gøtu, sum skoraðu Víkinga málini – Justinussen og Jarnskor. Alex Mellemgaard, sum var sentralur, tá ið B36 í fjør vann FM, men sum orsaka av skaða einki hevur verið at sæð til í ár, skoraði B36 málið. Merkisvert var tað, at Rasmus Dan Sørensen, sum higar­til í ár hevur verið í EB/ Streymi, aftur var á B36 lið­ num. Nú er summarfrí fram til leygardagin 8. august, tá ið 20. umfar er á skránni: MB-AB, B36-Skála, NSÍ-B68, Víkingur-B71 og KÍ-07 Vestur. 1. Deild støðan nr. lið dystir vunni javnt tapt + mál - mál +/- stig 1 Skála 19 15 3 1 59 14 +45 48 2 07 Vestur 19 11 5 3 47 21 +26 38 3 B68 19 11 3 5 42 20 +22 36 4 AB II 19 10 4 5 32 24 +8 34 5 KÍ II 19 11 0 8 51 34 +17 33 6 B71 19 7 6 6 28 31 -3 27 7 NSÍ II 17 5 1 11 27 33 -6 16 8 Víkingur II 18 4 4 10 18 28 -10 16 9 B36 II 18 2 6 10 14 51 -37 12 10 MB 19 0 2 17 11 73 -62 2 AB - B71 2-0 (0-0) 1-0: Dan í Soylu 80. 2-0: Ivan G. Hofgaard 85. B36 - Víkingur 1-3 (1-2) 0-1: Sveinur Justinussen 3. 1-1: Alex Mellemgaard 8. 1-2: Magnus Jarnskor 29. 1-3: Sveinur Justinussen 31. Skála - KÍ 3-1 (1-0) 1-0: Brian Jacobsen 16. 2-0: Brian Jacobsen 56. 2-1: Eivindur Sørensen 67. 3-1: Jákup Johansen 86. B68 - MB 3-0 (2-0) 1-0: Esmar P. Clementsen 8. 2.0: Albert R. Johannesen 28. 3-0: Ari Johannesen 88. 1. Deild Hin 30 ára gamli týski álopsleikarin, Lukas Podolski, fer nýggjar leiðir í yrkisleiðini. Leysasøgurnar hava staðið á í eina tíð, og leygardagin kunngjørdi heimasíðan hjá turkiska Galatasaray, at tað verður í teirra felag, at týskarin við buldrasliga vinstra fótinum fer at spæla komandi árini. Sjálvur sigur Lukas Podolski, at tað serliga eru víðgongdu viðhaldsfólkini hjá Galatasaray og stemningurin, ið tey skapa á heimavølli felagsins, ið hava gjørt skiftið lokkandi fyri hann. Eisini vónar Podolski at spæla fast og fáa eitt gott kappingarár í felagnum, so at hann kann spæla seg í landsliðshópin hjá Týsklandi, ið óivað fer at luttaka í EM í Fraklandi í komandi ári. Sáttmálin hjá Podolski er galdandi í trý ár. neli@sosialurin.fo Podolski til Turkalands Týski framherjin spælir ongan dyst afturat í Arsenal-troyggjuni Seinastu vikurnar hevur heimsmeistaraskapið í kvinnufótbólti verið leikt í Canada. Á sama hátt sum HM hjá monnum, so taldi kappingin 32 lið. At enda vóru tað favorittarnir úr USA, og Japan, sum stóðu eftir í finaluni. Og í hesari finalu var ongin ivi um, hvør fór at vinna. Longu aftaná 16 minuttir var greitt, hvat land fór at standa sum heims­meistari, tí at tað tók bara USA 16 minuttir at leggja seg á odda heili 4-0. Japan kom tó fyri seg so mikið, at endaliga úrslitið gjørdist 5-2 til USA. Amerikanski sigurin merkir, at USA er fyrsta kvinnu­landsliðið nakran­ tíð, ið hevur vunnið trý HM-steyp í kvinnufótbólti. Tey sjey málini í finaluni gjørdu eisini, at hendan kvinnu­finalan stendur eftir sum tann mest mál­ ríka í HM-søguni hjá kvinn­um. neli@sosialurin.fo USA heims­meistari HM hjá kvinnum er júst avgreitt – finalan var avgjørd eftir bara 16 minuttir