fríggjadagur 10. juli 2015síða 7

Fríggjadagur 10. juli 2015 sosialurin 78 7 ■ Suni hevur í dag 77 stk. av titanum í kroppinum. Í vinstra armi hevur hann 25 stk. Í høgra armi hevur hann 27 stk. Og í høvdinum hevur hann seks plátur, eina stong frá pannuni niður til nøsina, frá høgra eyga til munnin eru eisini plátur, og kjálkabeinini eru bæði uppbygd við titaniumplátum. ■ Hann varð skurðviðgjørdur tvær ferðir í Íslandi beint eftir óhappið. Einaferð var tað vinstri armur, sum varð lagdur undir skurð. Síðani var tað høgri armur og høvdið, sum var skurðviðgjørt. Síðani varð hann lagdur undir skurð fýra ferðir næstu 10 mánaðir­ nar. Hetta var fyri at rætta upp uppá ymiskar trupulleikar, sum stóðust av eitt nú slanguni, hann hevði í hálsinum fyrstu tíðina og líknandi. ■ Í dag er hann blindur í høgra eyga, og hevur tunnilsjón í vinstra eyga. Umframt hetta fær hann lætt høvuðpínu, tí titanium plátur­ nar í høvdinum trekkja seg saman, tá ið hann gerst kaldur. Eisini eru hendur­nar illa viðtiknar. Hann hevur niðursett rørsluevnir í báðum handliðum. – Eg veit tað er trupult at halda fram, eins og einki er hent. Men eg skal vera timburmaður. Eg vil tað, og um eg eri blindur ella ikki, so skal eg aftur til arbeiðis, sigur Suni úr Hørg Mynd: Álvur Haraldsen