mánadagur 13. juli 2015síða 4

Mánadagur 13. juli 2015 · Nr. 79 4 Sosialurin Hugskot og viðmerkingar – send sms til 225000 Alt gekk upp á Hans Olivur Joensen, ein av fyriskiparunum, sigur, at festivalurin gekk upp á stás í gjár. – Vit høvdu munandi fleiri fólk í ár, enn vit høvdu í fjør, og veðrið var eisini betri í ár enn í fjør, tá ið tað regnaði av grimd, sigur hann. Hanus framførdi í árabáti Eitt av hæddarpunktunum á festivalinum í ár var framførslan hjá Týr í nátt, og Hans Olivur Joensen sigur, at tá var veruligur festivalstemningur á økinum.   – Tá stóðu kanska eini 800-900 fólk og hoppaðu og sungu við, sigur hann. Fyrireikararnir høvdu eis­ ini eitt yvirraskilsi til festi­ valgestirnar. Lýst var við einum tiltaki, sum kallaðist Nørður. Talan var um eina framførslu hjá einum før­ oyskum tónleikara á einum óvanligum stað við festival­ øki. – Tað var so Hanus G. Johansen, sum hevði eina framførlsu inni í svimji­ høllini í skúlanum, har hann sat í einum norskum árabáti og framførdi, og tá vóru fólk vóru ordiliga hugtikin, sigur Hans Oliver Joensen. Ikki bert lokal fólk Í fjør var bróðurparturin av áskoðarafjøldin við Brúnna lokal fólk, og bert nøkur fá fólk komu aðrastaðnis úr landinum. – Men í ár sóu vit væl fleiri fólk, sum ikki vóru lokal, og tað var ótrúliga hugaligt. Vit sóu tað eisini á billetsøluni hjá okkum, at tað vóru fólk úr øllum landinum, ið keyptu, sigur Hans Olivur Joensen. Hann greiðir frá, at undirtøkan til við Brúnna í ár hevur staðfest, at grund­ arlag er fyri festivalinum, og at hann tí ivaleyst verður aftur komandi ár. – Hetta er gott fyri alt økið við Sundalagið. Fólk standa eisini saman um tiltakið, og øll ítróttarfeløgini í økinum eru við. Tað eru eisini tey, sum fáa ágóðan av tiltakinum, sigur hann at enda.