hósdagur 16. juli 2015síða 11

Fríggjadagur 17. juli 2015 sosialurin 81 11 Í summarútgávuni av Vikuskiftis Sosialinum kanst tú á hesari síðu lesa hvørji boð føroyskir sniðgevar hava, tá ið umræður klæðir til eitt hvørt høvi í summar. Sniðsíðan Beinta Poulsen er kreativi heilin handan vakra, klassiska merkið Soulmade Tað eru í ár 10 ár síðani, at Beinta fór undir sín dreym um egið merkið. Síðani hevur hon arbeitt fulla tíð við fyritøkuni, og í dag kann Soulmade keypast í Týsklandi, Danmark, Norra, Svøríki, Hollandi, USA og í Íslandi. Í Føroyum kann merkið fáast í handlinum á Tróndargøtu 29 í Havn. Beinta hevur í dag trý fólk í føstum starvið umframt fleiri fríyrkjafólk, sum eru knýtt at ymiskum uppgávum í fyritøkuni. Yvirskipað kann sigast um Soulmade, at tað er eitt ógvuliga klassiskt merkið, sum leggur dent á at lata klassisk pløgg í vakrar smálutir. Soulmade Leður shorts og ullint troyggja – Leður shortsini rigga væl til heitu summarkvøldini uttanlands, til teirra, sum fara at ferðast. Í Føroyum kunnu tey setast saman við sokkabuksum og síðani stylast eftir ynski. Til dømis við stilettum og einum vøkrum toppi til fínari høvini, og einum leðurjakka og stivlum fyri at fáa tað ráa lookið, sigur Beinta Skaterniðurdeilur til øll høvi - A formaði niðurdeilurin hóskar seg eisini ógvuliga væl til summarið. Hann er í sær sjálvum heldur klassiskur og einfaldur, og kann tí setast saman við ymiskum klæðum fyri at fáa ymisk look. Við einum leðurjakka, troyggju, sokkabuksum og stivlum riggar hann væl til festivalarnar. Við einari blondublusu og berum beinum riggar hann væl til tey fínaru høvini. Bert hugflogið setir markið, greiður Beinta frá. Denim hittar í ár – Denim er tað stóra hittið hesa tíðina, og riggar væl bæði sum skjúrtur og nærum alt annað. Vit hava fleiri ymiskar denim skjúrtur, summar meira klassiskar enn hendan. Hendan skjúrtan er mótarøtt og hevur vakrar leður smálutir frammanfyri. Hendan skjúrtan fevnir breitt, tí hon kann bæði nýtast til arbeiðis og til onnur høvi - alt eftir hvørjum hon verður sett saman við, sigur Beinta. Perfektur til summarið - Hesin fótsíði kjólin hóskar seg væl til tey fínaru tiltøkini í summar. Eitt nú ímyndi eg mær, at hesin riggar væl til eitt summarbrúdleyp ella ein stóran føðingardag. Men hann kann avgjørt eisini setast saman við fløtum sandalum og einum avslappaðum jakka, og nýtast til hugnaligu summarkvøldini á café ella líknandi. Hann er eisini perfektur til uttanlandsferðir, tí tað er júst í teimum heitaru londunum, at ein slíkur kjóli kemur til sín rætt, greiður Beinta frá.