hósdagur 16. juli 2015síða 16

Fríggjadagur 17. juli 2015 sosialurin 81 16 Munurin í krónum og oyrum Løgmaður, sum býr í Havn: Løn......................................................................58.527 krónur Borðfæ (skattavirði).........................................15.960 krónur Eftirløn................................................................64.380 krónur Tilsamans .......................................................138.867 krónur Eftir broyting Løn......................................................................76.085 krónur Efitløn 15 prosent............................................11.413 krónur Tilsamans...........................................................87.498 krónur Munur....................................................... 51.369 krónur Landsstýrismaður, sum býr í Havn: Løn .....................................................................49.845 krónur Borðfæ (skattavirði)...........................................5.320 krónur Eftirløn................................................................54.830 krónur Tilsamans........................................................109.995 krónur Eftir broyting Løn......................................................................64.380 krónur Eftirløn 15 prosent.............................................9.657 krónur Tilsamans...........................................................74.037 krónur Munur....................................................... 35.958 krónur *Legg til merkis: Ongin fríur bilur, men afturat kemur koyring, har goldnar verða 3,20 krónur fyri hvønn koyrdan kilometur, tá ið landsstýrisfólk búgva uttanfyri Havnina. *Erftirlønin eftir verandi skipan er dýr, tí landsstýrisfólk vinna sær fulla eftirløn eftir átta árum. Lønarlagið hjá teimum ráðandi Landsstýrisfólkini í einum nýggjum landsstýri fara at fáa hægri løn enn tey sum sita nú. Kortini sleppur landskassin heldur bíligari Árni Gregersen Tað verður uppgávan hjá einum nýggjum landsstýri at syrgja fyri, at lønarviðurskiftini hjá landsstýrisfólkunum verða broytt. Løgtingið hevur samtykt broytingar, men tær fáa ikki gildi fyrr enn eftir eitt løgtingsval og eftir at nýtt landsstýri hevur tikið við. Uppskotið um at broyta lønar- og eftirlønarviðurskiftini hjá landsstýrisfólki er upprunaliga gjørt av einum arbeiðsbólki, men tað var løgmaður, sum legði uppskotið fyri tingið. Samanlagt fer nýggi mát­in at løna løgmanni og landsstýrisfólkum at spara landskassanum pening. Hetta hóast lønin hækkar hjá hvørjum einstøkum lands­stýris­fólki og løgmanni. Broytingarnar gera lønirnar meira gjøgnumskygnar. Nú verður tað soleiðis, at løgmaður fær 130 prosent av lønini í 40. lønarflokki hjá starvsfólkum og landsstýrisfólkini fáa 110 prosent av lønini í 40. lønarflokki. Við øðrum orðum fær løgmaður 30 prosent meira í løn enn hægst lønti tænastumaðurin hjá landinum og landsstýrisfólkini fáa 10 prosent meira. Sjálv lønin hjá løgmanni og landsstýrisfólkum fer upp, tá ið nýtt landsstýri tekur við. Sparingarnar liggja í, at nú fer onki skattafrít borðfæ at fylgja við og eftirlønarskipanin verður eisini broytt. Eftir nýggju skipanini verður tað soleiðis, at omaná lønina, so fáa løgmaður og landsstýrisfólkini 15 prosent í eftirløn, goldið inn á eina góðkenda eftirlønarkonto. Eftirlønarviðurskiftini fara at líkjast teimum hjá vanliga borgaranum. Fría telefon og internet – men ikki frían bil Løgtingið helt ikki, at tað er hóskandi, at landsstýrisfólk fáa frían bil frá tí almenna Upprunaliga uppskotið um at gera broytingar í samsýningum og lønum til løgmann og lands­stýrisfólk, bar í sær, at tey fingu frían bil frá tí almenna. Løgmaður og landsstýrisfólk ferðast rímuliga nógv og fleiri teirra búgva ikki har, sum aðalráðini eru. Tí metti nevndin, sum gjørdi eina frágreiðing um lønarviðurskiftini hjá landsstýrinum, (Maria á Dul, starvsfólkaleiðari, Miriam Harald­sen, statsaut.rev., og Jóhan Lam­hauge, advokatur) at tað hevði verið greiðast um landsstýrisfólkini og løgmaður fingu frían bil frá tí almenna – tó uttan bilførara. Hetta var eisini ein partur av uppskotinum, sum løgmaður legði fyri tingið. Tað vísti seg tó rættuliga skjótt, at hesum fór tingið ikki at taka undir við. Ein serlig nevnd var sett at viðgera málið og har vóru minniluti og meirluti samd um, at fríur bilur kemur ikki uppá tal. Minnilutin í nevndini segði í álitinum: Sambært uppskotinum skulu løgmaður og landsstýrismenn fáa skattafrían bil tøkan. Minni­lutin tekur ikki undir við hes­um. Minni­lutin metir, at nú­verandi kostn­ aðarendurgjald ikki sam­svarar við veruligu útreiðslurnar, ið lands­ stýrisfólk og løgmaður hava í dag, tá umræður flutning. Mælt verður tí til at taka burtur verandi kostnaðarendurgjald. Meirilutin mælir í staðin tí til eina aðra skipan, har endurgjald verður latið, sum í mest møguligan mun samsvarar við veruligu flutn­ ingsútreiðslurnar hjá lands­stýris­ fólkum og løgmanni. Tað vísti seg, at tað var hesum Løgtingið tók undir við. Í staðin sigur nýggja lógin, at landsstýrisfólk og løgmaður, sum búgva uttanfyri Tórshavn, fáa koyri­ pening av sama slag, sum tæn­ astumenn og starvsmenn land­sins. Samskiftisútgerð Løgmaður og landsstýrisfólk hava fyri neyðini at vera tøk, so at siga alt samdøgnið. Tí er neyðugt at tey eisini hava samskiftisútgerð, sum er fram­komin. Í galdandi lóg stendur onki um hesi viðurskifti, men siðvenja er, at landsstýrisfólk hava eina arbeisfartelefon, farteldu og inter­ netsamband. Tað er eisini vanligt, at tá ið landsstýrisfólk leggja frá sær, so verður útgerðin latin umsitingini aftur. Eitt sindur misjavnt hevur kortini verið, hvussu hetta hevur verið gjørt higartil. Eftir nýggju reglunum skal tað vera soleiðis, at landsstýrisfólk fáa framvegis neyðuga sam­skiftisútgerð við setan í starv. Tað almenna rindar útreiðslur til útvegan, hald og nýtslu, og landsstýrisfólk verða skattað av hesum fría ágóða eftir galdandi skattareglum. Meira í løn til