hósdagur 16. juli 2015síða 21

Fríggjadagur 17. juli 2015 sosialurin 81 21 tónleikur, men eisini ein lívsstílur, tilætlað ella ikki. Gjøgnum tíðina hava vit sæð dømir um, hvussu tónleikafestivalar eru blivnir ein lívsstílur fyri mong, ið liva sítt vanliga, borgarliga lív í 362 dagar um árið, men so í tríggjar dagar eru nakað heilt annað, enn tey eru í vanliga dagligdegnum. Eisini her eru bæði G! og Summar­festivalurin góð dømi um júst hetta. Her verður skapt eitt serligt upplivilsi fyri tann einstaka, ið tey sjálvi eru við til at skapa. Og so er tað veðrið, sjálvandi. Ætlaði ikki at koma inn á veðrið, men jú, nú geri eg tað alíkavæl, tí veðrið hevur alt at siga fyri okkum her í Føroyum, og hvussu upplivilsi av einum tónleikafestivali verður. Veðrið er, um vit vilja tað ella ei, avgerandi fyri, hvat fyri slag av festivali, tann einstaki fær ella er við til at skapa sær. Tí hóast heimstjørnur til tíðir ikki fáa lent í Føroyum, tí veðrið ikki loyvir tí, so vita vit hetta vikuskiftið, at G! lendur altíð Seinastu vikurnar hava vit sæð eitt videobrot á youtube og eisini á sosialu miðlunum, ið kemur við einum boðið uppá, hvussu G! kann upplivast fyri tey ymisku í videobrotinum, hóast tað kanska kann blíva eitt sindur útfordrandi fyri onkran, at yvirhøvur skilja videobrotið ella boðskapin aftanfyri. – Heimurin er enn eitt merkiligt stað, hóast mína stremban eftir at fáa skil á og finna meining í øllum. - Hunter S. Thompson. Hetta stendur at lesa á undir hesum videobrotinum frá youtube, har tað er felagsskapurin, ið vit verða presenteraði fyri, men eg veit ikki. Gamalt var, at tann einstaki gjørdi sær sítt egna G! og fekk tað burturúr, ið tann einstaki sjálvur hevur sett sær fyri. Hinvegin, so er eitt vikuskiftið sum G! kanska bara eitt vikuskiftið sum flestøll hini vikuskiftini fyri summi. Hjá teimum er tað kanska ikki tónleikurin, ið er í hásæti. Her er tað heldur sjálvt ballið, sum er tað týdningarmiklasta. Tað er so upp til tann einstaka at avgera sjálvur. Summi hava tað kanska heldur eins og hálvi toftamaðurin, ið til sítt polterabend varð íklæddur kjóla og nógv damuprýði, um­framt at verða sminkaður til við kvinnuligari krígsmáling. Eftir at menn høvdu fingið nakrar ølir niðurum, varð hesin hálvi toftamaðurin spurdur, hvussu tað nú kendist at ganga í damuklæðum í almenna rúmi­num. Hálvi toftamaðurin fekk sær ein tár av ølini og kom við hesum aftursvari. – Eg eri á veg inn í kenningina, so nú skíti á tað! »Tá nógv ymisk fólk verða blandað saman, so fáa vit nógv ymisk sjónarmið viðvíkjandi tónleikinum. Hvør einstakur hevur sín egna yndisbólk og hava kanska eisini ein tanka um, hvussu tey vilja uppliva og njóta tónleikafestivalin.« myndir: sigmar mørkøre