mánadagur 20. juli 2015síða 8

Mánadagur 20. juli 2015 · Nr. 82 8 Sosialurin Hugskot og viðmerkingar – send sms til 225000 Um eina viku leggja 10 vanligir føroyingar út á hav við árabáti Vil geva føroyingum smakk fyri havrógving HAVRÓGVING Áki Bertholdsen – Eg má siga, at eg føli meg eitt sindur einsamallan. So hevði hetta givið onkrum blóð upp á tonnina, hevði tað ikki verið so galið. Tað sigur Livar Nysted, heimskendur havrógvari við fleiri heimsmetum á baki. Nakað síðani tók hann stig til at bjóða púra van­ ligum føroyingum at fáa ein smakk av havrógving við at rógva ímillum Skotland og Føroyar, og niðuraftur. Og tað er greitt, at nú um ólavsøkuna, verður lagt til havs í Skotlandi, við Livari sum nátúrligum skipara, og níggju øðrum monnum. Livar er sjálvur til við Saeborg hjá einum boripalli í Norðsjónum, og hann kemur heim 22. juli, og longu 24. juli fara teir allir til Skotlands. Síðani tekur tað ein dag, ella tveir, at rigga til, og so verður lagt til havs úr Thurso í Skotlandi, so skjótt, veðrið er til vildar. Og Livar sigur, at fáa teir veðrið við sær, klára teir túrin upp á fýra dagar, men gong­ur illa í hond, kann tað taka eina viku. Tað er eisini greitt, at teir vera 10 mans, sum fara at rógva úr Skotlandi til Føroya, og sum støðan er nú, verða teir seks mans at rógva bátin aftur til Skotlands, einaferð í august, so har eru nøkur pláss eftir, skuldi onkur havt áhugað. Men tað er eisini greitt, at nakrir skotar koma við at rógva bátin niður aftur til Skotlands. Hann sigur, at enn eru tað bara menn, sum hava bjóðað seg fram. Báturin, teir fáa at rógva við, er Avalon, sum er 45 føtur, og sum Livar áður hev­ ur róð um heimshøv við. – Tað er ein stórur, og ógvu­liga góður bátur, so vit flóta trygt, sigur Livar. – Teir, sum fara avstað, eru púra vanligir mans, sum hava hug til at royna nakað heilt øðrvísi enn vanligt. Vit hoyra ofta um, at fólk, sum vilja royna okkurt óvanligt, fara í fjøllini at klintra, men at rógva um eitt heimshav er so aftur nakað heilt fyri seg. Livar Nysted sigur, at endamálið við at skipa fyri eini ferð, sum hesar, er at vekja áhugan fyri hav­rógv­ ing. Hann er einsamallur før­ oy­ingar um at dyrka hend­ an víðgongda og óvan­liga ítróttin, sum eitur hav­rógv­ ing, og hann við­gongur, at hann følir seg eitt sindur einsa­mallan viðhvørt. – Hetta er ein passaliga stuttur túrur, so er tað onkur, sum als ikki trívist umborð, er tað yvirstaðið upp á nakr­ ar fáar dagar. Men vóanandi fer hetta at geva onkrum smakk fyri havrógving, og fer at geva teimum hug til at royna seg á onkrum longri teini eisini, leggur hann afturat. Spentur at rógva við føroyingum Ferðin um Atlantshav hjá nøkrum vanligum føroyingum, er eisini stuðulsrógving, har tað ber til at savna inn pening til eitt heim til fátækar dreingir í Kenja í Afrika Áki Bertholdsen Tað er nú greitt, at higartil hava 11 føroyingar tikið av tilboðnum um at rógva úr Skotlandi til Føroya, og aftur til Skotlands. Sum greitt verður frá í hinari greinini, verður fyrst róð úr Skotlandi til Føroya og tað verður rundanum ólav­ søkuna, og síðani verður róð aftur til Skotlands í august. Menninir hava goldið 3.000 ensk pund, ella einar 30.000 krónur fyri at vera við. – Tað er eitt sindur av pengum, ásannar Livar, men slíkar ferðir eru dýrar, og hetta er lítið av miklum aftur ímóti tí, eg sjálvur plagi at rinda fyri at sleppa umborð á ein bát at rógva um hav. Sjálvur er Livar bjart­ skygd­ur um manningina. Hann heldur, at føroyingar eru væl skikkaður at rógva um heimshøv, tí teir eru so vanir at rógva. – Eg eri rættiliga spent­ur upp á, hvussu tað verð­ur at rógva við fullari báts­mann­ ing av føroyingum, sigur hann. Stuðla fátækum Men í hesar ferðirnar um Atlants­hav, eru eisini stuðuls­rógving, har tað ber til at stuðla einum dreingja­ heimi í Kenja í Afrika. Tað er Svanna, kona Livar, sum er virkin í eini verk­ ætlan við einum drongja­ heimi í Kenja og í samband við ferðina yvir um hav, ber til hjá øllum at stuðla verk­ ætlanina at byggja eitt nýtt dreingjaheim í Nakuru í Kenya. Varna av Rana, sum er ein annar stigtakari, sigur, at higartil eru 900.000 krónur savnaðir inn, men enn mangla 1,4 millión í til eitt nýtt dreingjaheim. Livar Nysted sigur, at fólk kunnu stuðla við at binda seg til at lata ein ávísan stuðul fyri hvønn fjórðing teir rógva. – Bindur onkur seg til at lata 50 oyru fyri hvønn fjórð­ ing, fer tað at kosta teimum einar 150 krónur, tí teinurin, teir skulu rógva ímillum Skotland og Føroyar, er einar 300 fjórðingar. Øll, sum eru við at stuðla, eru samstundis við í luta­ kast­inum um ein máln­ing, sum eingin annar enn Livar Nysted málar, og har vinn­ arin og listar­mað­urin avgera motivið í felag. Tað verður hendan mann­ ingin, sum skal rógva við Livar Nysted úr Skotlandi til Føroyar Bergleif Brimvík, Fróði Magnussen, Jógvan Jacobsen, Niclas Olsen, Ove Heinesen, Sjúrður Gullbein, Ingi Á Tórgarði, Petur Kári Funding, Livar Nysted og Jógvan Clement­sen. Fyribils hevur ein før­ oy­ingur meldað seg til at rógva aftur til Skotlands, og tað er Róar W. Dalsgard. Annars verða tað nakrir skotar, sum fara at rógva aftur til Skotlands, men á tí túrinum er pláss eftir. Manningin Á tryggum kjøli Hetta er báturin, teir skulu rógva við. Vit hava trygt undir okkum, sigur Livar Nysted, sum áður hevur verið við sama báti um Atlantshav