mánadagur 20. juli 2015síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 20. juli 2015 · Nr. 82 Fiskivinnan bíðar framvegis eftir einari nýggjari lóg Orðini um, at fiskivinnan og onnur vinna hevur tørv á tryggum karmum, eru gjørd til skammar í politisku skipanini Árni Gregersen Hendan samgongan hevur í mesta lagi tveir veruligar arbeiðsmánaðir eftir áðrenn tað verður løgtingsval. Og onki bendir á, at tað í hesums tutta tíðarskeiði fer at eydnast at gera eina nýggja lóg um vinnuligan fiskiskap. Gjøgnum mong ár hevur politiska skipanin verið vit­ andi um, at 1. januar 2018, so fella øll fiskiloyvir aftur til landið. Tað stendur heilt einfalt í lógini. Og longu fyri næstan 10 árum síðani søgdu polit­ikk­ arar, at tað var neyðugt at koma í góðari við eianri nýggjari lóg. At tað er neyð­ ugt ásannaði skipanin eisini eianferð, tí tá var evstamark fyri nýggjari lóg flutt til 1.januar 2018. Men enn er langt frá kom­ ið á mál. Hendinga fundir hava verið við andstøðuflokkar­ nar, men onki ítøkiligt er komið burturúr teimum fundunum. Samgongan sjálv hevur eisini fundast nakað, men útmeldingarnar frá sam­ gongu­flokkunum eru heldur ymiskar. Summi siga, at sam­gong­ an er samd um eitt útspæl, sum skal forma fiskivinnu­ politikkin eftir 2018, meðan aðrar útmeldingar staðfesta, at tað er langt eftir á mál áðrenn sjálv samgongan er samd. Løgmaður tikið málið Upprunaliga var tað Jacob Vestergaard, lands­stýris­ mað­ur við fiskivinnumálum, sum gekk á odda og royndi at fáa flokkarnar at koma saman at tosa um framtíðar fiskivinnuna. Tað gekst ikki serliga væl – fyrst og fremst tí tað var torført at finna nakað áralag millum politisku flokkarnar. Síðani hevur løgmaður tikið hetta málið til sín og nú liggur tað á borðinum hjá løgmanni. Sjálvur hevur løgmaður sagt fleiri ferðir, at tað ber væl til at koma til eina semju í hesum valskeiðnum, tí samgonguflokkarnir í høvuðsheitum eru samdir um, hvussu ein nýggj fiskivinnulóg skal síggja út. Ósemja Hóast flokkarnir eru samdir um fleiri partar av einari nýggjari fiskivinnulóg, so eru tað framvegis partar, sum semja ikki er um. Ein avgerandi partur er um útlendingar skulu hava møguleikar at eiga partar av fiskivinnuni. Harafturat stendur spurn­ ingurin um uppboðssølu framvegis á pappírinum. Kortini er ikki greitt hvat øll meina við, tá ið tosað verður um uppboðssølu. Summi meina, at fiski­ loyvir sum heild eiga at verða seld yvir uppboðssølu, meðan onnur tosa um upp­ boðssølu av uppsjóvarfiski. Hetta eru politiskir spur­ ningar, sum skulu loysast, men sum ongin beinleiðis loysn sæst á í løtuni. Karmarnir Tað er ein standandi setn­ ingur millum politikarar og vinnulívsfólk, at neyðugt er, at finnan hevur tryggar karmar at arbeiða undir. Vinnan sigur hetta, tí tað er avgerandi at kenna fram­ tíðar treytir fyri vinnuna, tá ið stórar íløgur skulu gerast í skip og annað. Politikararnir meta helst tað sama, men tað gongur striltið hjá teimum at umseta orðini til veruleika. Sum støðan er júst nú, so er onki sum bendir á, at ein nýskipan av føroysku fiski­ vinnuni verður gjørd, so hon fer at virka 1.januar 2018. Politikkur Jacob Vestergaard, landsstýrismaður við fiskivinnumálum, royndi, men kom ikki á  mál. Alt ov stutt tíð til broytingar í 2018 Fiskivinnan hevur nú bíðað eftir einari nýskipan í nógv ár, men nú er skotbráðið ov stutt, heldur Reiðarafelagið Einaferð var lógin um vinnu­ ligan fiskiskap longd, men so skuldi hon eisini vera klár í góðari tíð undan 1.janaur 2018. Men lítið og onki er hent og nú er ov stutt til skiftis­ dagin, sum er settur til 1. januar 2018. – Tað ber als ikki til nú at fara at samtykkja eina nýgg­ ja lóg, sum hevur álvarsligar broytingar við sær. Og so halda, at tað fer at bera til at seta hana íldi 1.januar 2018. Formaðurin í Føroya Reiðarafelag, Anfinn Olsen, reiðari, er púra avgjørdur, tá ið hann ger status yvir, hvar lógin um vinnuligan fiski­ skap er – og hvussu tíðar­ ætlanin við henni er. – Vit hava bíðað leingi. Eg veit, at landsstýrismaðurin við fiskivinnumálum hevur verið klárur við einum uppskoti, men semja er ikki innanhýsis í sam­gongu­flokk­ unum, hvussu lógin skal vera, sigur Anfinn Olsen. Ov stutt tíð Formaðurin í Reiðarafelag­ num er rættuliga avgjørdur, tá ið hann vísir á at tíðin er gingin undan. Vinnan eigur at hava nøk­ ur ár at fyrireika seg, ætlar politiska skipanin at gera broytingar í lógini. – Nú er tíðin til ein slík lóg fer at koma í gildi gingin undan. Vit halda ikki, at politiska skipanin á nakran hátt kann gera álvarsligar broytingar í lógini, nú bert góð tvey ár eru eftir til lógin fær virknað, sigur Anfinn olsen. Eydnast tað ikki at fáa eina semju longu nú á ólavsøku, so ber als ikki til at koma á mál við lógini. Seinasti møguleikin er tá, at landsstýrismaðurin leing­ ir núverandi lóg í nøkur ár uttan broytingar. Tað hevur hann heimild til. Ger hann tað og talan er um eini fýra ár, so kann ein øgulig nýggj samgonga eftir løgtingsvalið í heyst, átaka sær at gera lógina um vinnu­ ligan fiskiskap av nýggjum – og so kortini geva vinnuni stundir at tillaga seg møgu­ liga broyttum fortreytum. Men sum støðan er nú, so síggi eg ongan møguleika fyri, at vit 1.januar 2018 fara at virka undir einari nýggjari lóg, sigur Anfinn Olsen. For­ maður í Føroya Reiðarafelag. Fiskivinnan bíðar framvegis Anfinn Olsen, formaður í Føroya Reiðarafelag, heldur at tíðin er gingin undan til, at tað ber til at gera stórar broytingar 1.januar 2018.