mánadagur 20. juli 2015síða 10

Mánadagur 20. juli 2015 · Nr. 82 10 Sosialurin Hugskot og viðmerkingar – send sms til 225000 G! Festivalurin G! Festivalurin er meira enn bert ein tónleikauppliving, og formurin á festivalinum tykist verða betri enn undanfarin ár Jonhard Hammer Stóra G! vikuskiftið er farið aftur um í øllum góðum, og niðurstøðan eftir festivalin er, at undirtøkan fyri G! er vaksandi aftur, og konseptið stendur framvegis sera sterkt. G! Festivalurin er nógv meiri enn ein tónleika­upp­ living, og í lívliga bygda­ meldrinum í Syðrugøtu eiga føroyingar eina heilt ser­ staka mentanaruppliving, sum tað er vónleyst at finna aðrastaðni í heiminum. Eitt er, at tað ber til at uppliva alskyns konsertir á teimum ymsu pallunum og støðunum á festivalinum, men festivalurin bjóðar eis­ ini aðrar upplivingar, sum fólk taka væl undir við. Pottar og sauna á sandinum er tað heilt stóra hjá mong­ um, og við bókasavni, guds­ tænastu, filmsýning, sjón­ leiki og annað er nógv av uppliva millum pallarnar og konsertirnar. G! er væl fyriskipað, og við at útnytta bygningar, skot, landslag, gøtur og sand á ein sera kreativan hátt hava fyriskipararnir av tí stóra og smáa skapt eina veruliga mentanaroasu, sum má upplivast. Tað ber ikki til fulnar at greiða frá G! konseptinum og tí, sum ger G! til so nógv meira enn bert ein tónleikafestival. Eftir at G! Festivalurin fyri nøkrum árum síðani var niðri og vendi við Mini G, er formurin av álvara betraður, og í ár var undirtøkan fyri festivalinum størri, enn hon hevur verið fleiri av undanfarnu árunum. Veðrið hevur helst ein leiklut í hesum, tí tað var gott veður stóran part av tíðini, men spennandi G! konseptið er avgjørt væl fyri í hesum døgum. Gott føroyskt G! Festivalurin bjóðar nógvar útlendskar tónleikarar, men tey føroysku nøvnini standa sera sterk. Serliga hóskvøldið og fríggjakvøldið tóktust føroysku bólkarnir at hava eina savnandi megi og høvdu frálíkar framførslur. Marius Ziska og Høgni Libserg gingu á undan, og tað er hugaligt at síggja, at hesir dugnaligu tónleikarar veruliga hava fingið fótin fyri seg í før­ oyska tónleikaheiminum. Bretski blásarabólkurin Hacknet Colliery Band hevði eisini eina framúr góða fram­ førslu. Teir spældu væl og fingu veruliga áhoyrarnar við í framførsluna – ikki minst tá ið teir rundaðu framførsluna av við at fara út millum fólk at spæla. Teir trívu í fleiri kendar sangir og tulkaðu millum annað popp­ hittið Africa hjá Toto. Frálíkt! Hóast Guðrið Hansdóttir eisini stóð sterk, tóktist tað eitt sundur løgið at fara frá konsert hjá Guðrið á sandi­ num og niðan á Spæliplássið, har Janus Rasmussen sum einsamalt umboð fyri bólkin Kiasmos undirhelt, tá ið júst tey bæði saman mynda bólkin Byrta, sum mong høvdu ynskt sær at hoyrt. Fríggjakvøldið varð ó­rógv­ að av stórari flóð, so stórur partur av sandinum var undir í sjógvi, og tí máttu konsertir seinasta á kvøldi­ num avlýsast ella flytast. Eitt nú mátti konsertin við Eivør, sum mong høvdu glett seg til, flytast til leygarkvøldið. Men hóast hetta órógv, so helt festivalurin bara fram, og fólk hugnaðu sær óført. Stóri dagurin Leygardagurin er tann stóri og drúgvi festivaldagurin, og eftir eitt savnandi barna­ undirhald bjóðaði PRG við Páll Gregersen á odda fyrsta­ floks saltfisk til festival­gest­ irnar. Saltfiska­fiska­fram­ leiðsla hevur verið eitt eyðkenni fyri Gøtu og týð­ andi partur av framburði og virksemi í bygdunum. Huga­ ligt at fáa ein smakk av hesi dygdarframleiðslu, sum ser­ liga suðureuropearar njóta gleðina av. Misti fríggjadagurin nak­ að við avlýsingini hjá Eivør, so var leygardagsskráin styrkt við hennara konsert. Tað vóru tó tøkniligir tru­ pulleikar á pallinum, og tað hevði við sær, at framførslan Sakaris fekk alt spæliplássið at dansa og hoppa við sínari framførslu