fríggjadagur 23. juli 2004síða 9

16 Nr. 139 - 23. juli 2004 Miðstøðin fyri minnisveik í Havn søkir 2 starvsfólk Miðstøðin fyri minnisveik, er ein royndarverkætlan, sum Alzheimerfelagið hevur tikið stig til. Verkætlanin verður fíggjað av Almannamálaráðnum og Tórshavnar kommunu. Miðstøðin fevnir m.a.um eitt dagtilhald fyri minnisveik, ráðgeving til persónar við demens og teirra avvarðandi, og um vikuskiftini verður av og á café. Mið- støðin hevur leigað eini vælhóskandi hús til endamálið miðbýnum. Fyrst verður farið undir dagtilhaldið, har 8 fólk kunnu vera samstundis. Dagtilhaldið er ætlað heimabúgvandi persónum við demens í dagtímunum vanligar yrkadagar.Trý fara at starvast í dagtilhaldinum. Miðstøðin fer at leggja seg eftir at arbeiða eftir nýggjastu umsorgarteorium, sum stimbrar tann sjúka psykososialt. Henda uppgávan krevur starvsfólk, sum hava áhuga at arbeiða við minnisveikum fólkum. Søkt verður eftir tveimum starvsfólkum til setan 1.september 2004 ella eftir avtalu. Størvini eru tíðaravmarkaði til 30. juni 2006, samsvarandi játtanini til royndarverkætlanina. Førleikakrøv til umsøkjaran: - hug og hegni at vera um persónar við demens - ávísa vitan innan demens - støðugt at vilja dagføra kunnleikan innan demensøkið - skal vera sjálvstøðugur og kreativur - góð samstarvsevni - hava tol og empati Til størvini krevst útbúgving sum sjúkrarøktarfrøðingur,ergoterapeutur,heilsu- hjálpari/atstøðingur, pedagogur ella onnur líknandi útbúgving. Tað er ein fyrimunur at hava eftirútbúgving sum demenssamskipari. Dentur verður lagd- ur á starvsroyndir. Vit bjóða: - eitt áhugavert og avbjóðandi starv, har tú fært møguleika frá byrjan, at seta dám á stovnin - eitt starv har tú ert við til at virka fyri at røkka settu málum - møguleika fyri menniskjaligari og fakligari menning Talan er um tvey fulltíðarstørv við arbeiðstíð vanligar yrkadagar í dagtímunum. Niðursett tíð kann møguliga koma uppá tal. Setunarviðurskifti: Løn sambært sáttmála millum Fíggjarmálaráðið og avvarðandi yrkisfelag Meiri fæst at vita um størvini við at venda sær til Ernu Háberg, projektleiðara tlf. 228004 ella 316350 Umsóknarfreistin er leygardagin 14. august 2004. Skrivlig umsókn saman við viðmælum, royndum og upplýsing um útbúgving v.m. skulu sendast til: Alzheimerfelagið Tórsbyrgi 16 100 Tórshavn Skráseting Føroya hevur í dag skrásett niðanfyri standandi smápartafelag: Skrásetingar-nr. Sp/f 3817 Navn: Sp/f Tórshavnar Maskinhandil Adressa: Varðagøta 29-30, 100 Tórshavn Kommuna: Tórshavnar Kommuna Stovningardato: 28.06.2004 Viðtøkudato: 28.06.2004 Kapitalur: Kr. 200.000,00 Inngjaldingarháttur: Kr. 200.000,00 í øðrum virðum til kurs 1000. Stovnari: Tummas Andreasen, Varðagøta 32, 100 Tórshavn. Stjórn: Øssur Janus Andreasen, Varðagøta 32, 100 Tórshavn og Svend Emil Andreasen, Varðabú 26, 100 Tórshavn. Tekningarreglur: Felagið verður bundið við undirskrift av tveimum stjórum saman. Grannskoðari: Sp/f KPMG, statsaut. revisorar, Staravegur 17, 100 Tórshavn. Roknskaparár: 01.01. - 31.12. Fyrsta roknskaparár: 01.01.2004 - 31.12.2004 Endamál: Endamál felagsins er at reka handil, ídnað, handverk o.a. virksemi í hesum sambandi. Felagið er stovnað við umskipan av virki eftir umskipanarlógini. Skráseting Føroya tann 20. juli 2004 Kristin Balle _______________________ Skráseting Føroya hevur í dag skrásett niðanfyri standandi partafelag: Skrásetingar-nr. P/F 3818 Navn: P/F 15. juni 2004 Adressa: Húsagøta 3, 100 Tórshavn Kommuna: Tórshavnar Kommuna Stovningardato: 15.06.2004 Viðtøkudato: 15.06.2004 Kapitalur: Kr. 3.000.000,00 Inngjaldingarháttur: Kontant kr. 3.000.000,00 til kurs 100. Stovnari: P/F FB Holding, 100 Tórshavn (P/F 3761). Nevnd: Christian Andreasen, Høvdagøta 6, 160 Argir (formaður), Óli Mortensen, Orknoyarvegur 6, 100 Tórshavn og Johan Djurhuus, Korkagøta 4, 100 Tórshavn. Stjórn: Bogi Jacobsen, Miðrás 5, 100 Tórshavn. Tekningarreglur: Felagið verður teknað av allari nevndini ella av nevndarformanninum saman við stjórnini. Grannskoðari: Sp/f KPMG, statsaut. revisorar, Staravegur 17, 100 Tórshavn og P/F Rasmussen & Weihe, á Glaðsheyggi, 100 Tórshavn. Roknskaparár: 01.01. - 31.12. Fyrsta roknskaparár: 15.06.2004 - 31.12.2004 Endamál: Endamál felagsins er at ogna sær kapitalpartar í vinnufyritøkum, við tí fyri eyga at endurskipa vinnufyritøkuna og hereftir selja fyritøkuna. Skráseting Føroya tann 20. juli 2004 Kristin Balle _______________________ Sosialurini Nr. 139 • fríggjadagur • 23. juli 2004 • 78. árgangur • www.sosialurin.fo HB smurdi ikki serliga sannførandi georgiska mótstøðu- liðið av 3-0, og nú er tað væl skiljandi, at teir í meistaraliðnum iðra seg um, at teir ikki kendu sína vitjanartíð og vunnu uppaftur størri sigur og harvið rættin at halda fram í kappingini CHAMPIONS LEAGUE Terji Nielsen terji@sosialurin.fo Eftir 5-0 tapið í Georgia sá tað vónleyst út hjá HB. Eftir 3-0 sigurin á Tórsvølli mikukvøldið kann ein ikki lata verða við at spyrja, hvussu í allari víðu verð HB bar seg at við at tapa so stórt fyri georgiska liðnum á útivølli. Georgiska liðið hevði ikki nógv at bjóða uppá. Teir vóru óivað nøgdir við at fáa ein javnleik, og tí lógu teir rættuliga aftarlaga á vøllinum. Framrættaða spælið hjá FC Wit gekk fyri tað mesta fyri seg soleiðis, at langar sendingar vórðu oystar fram ímóti stóra framherjanum Gaschasvili, men hann noyddist í allarflestu førum at lúta í luftini fyri einum sera vælleikandi Símun Eliasen. Eftir fínu løtuna í dýrdar- veðrinum, sum tað tíverri ikki vóru fleiri enn gott og væl sjey hundrað eygna- vitni til, sjálvt um HB var í førðingardagshýri og bjóð- aði øllum at koma inn uttan at gjalda, kann niðurstøðan ikki verða øðrvísi, enn at HB samantalt tapti fyrst og fremst fyri sær sjálvum. Teir uppdagaðu ov seint mikukvøldið, at hetta mót- støðuliðið avgjørt var at tosa við, og teir gjørdu ov nógv persónlig mistøk á steikipannuni í Georgia. Nú er hetta rættuliga, rættuliga harmuligt. Ikki minst er tað at iðra seg yvir, at HB kundi havt verið uppaftur betri fyri, um teirra vandamiklasti maður, Rógvi Jacobsen, ikki hevði havt verið leik- bannaður í báðum dystun- um, tí hann í fjør fekk reytt kort. Ungt álop HB liðið var nakað broytt sammett við tað í Georgia. Í fyrra dystinum leikti HB við fimm monnum á mið- vøllinum og einum heilt har frammi. Mikukvøldið vóru teir fýra á miðvøllinum og tveir á álopinum. Emil Nolsøe Leifsson og leik- andi venjarin Heine Fer- nandez, sum hevur trupul- leikar í rygginum, vóru hesa ferð á beinkin. Í teirra stað spældu ungu menninir Páll M. Joensen og Hendrik Rubeksen, sum mannaðu álopið. Longu frá fyrsta bríksli sást, at HB ætlaði sær sig- urin. HB legði trýst á mót- støðumenninar langt frammi á vøllinum,. Mið- vøllurin var uppsettur, verjuparturin avgjørdur, og álopsmenninir arbeiddu sum hestar, so georgisku mótstøðumenninir ongan- tíð fingu frið at spæla bólt- in ímillum sín. Heimaliðið fekk alt størri yvirvág, sum fyrri hálvleik- ur leið, og fleiri ferðir leik- aði ógvuliga hart á framm- an fyri málinum hjá FC Wit. Einar fýra ella fimm ferðir í fyrra hálvleiki hevði HB atsóknir á georgiska málið, sum við eitt sindur av hepni kundu givið mál og viðhvørt áttu at givið mál. Men kanska var tað restandi royndir í altjóða uppgávum hjá ungu monn- unum, sum høvdu við sær, at neyvleikin ikki var nóg dyggur. Jákup borin út Stutt fyri hálvleik gjørdist tað heila eitt sindur dramat- iskt. Fyrst bleiv Jákup á Borg borin av vølli við skaða, sum hann fekk eftir eitt hendiligt óhapp, har hann lendi skeivt á fótinum, eftir at hann hevði verið í luftdysti við georgiskan verjuleikara. Tað sá álvar- samt út, og einki er at ivast í, at missurin í honum kann verða stórur. Tveir minuttir fyri sein- asta bríksli í 1. hálvleiki vóru georgisku meistararn- ir skerdir. Janus Joensen vann bóltin kontant av mið- vallaranum Martsvaladze, sum gjørdist í øðini og sparkaði eftir Janusi, sum hevði spælt bóltin víðari. Írski dómarin var ikki í iva, og reyða kortið kom upp úr buksulummanum. Útvísingin hevði sjálv- andi við sær, at fyritreyt- irnar hjá HB styrknaðu undan seinna umfarinum. Ungu eykamenninir settu hol á Eftir steðgin spenti HB álopsbogan. Verjuleikarin Vagnur M. Mortensen varð fluttur í høgra borð á mið- vøllinum. Hetta vísti seg at vera skilagóð avgerð, tí nógvar vandamiklar støður spurdust burtur úr upplegg- um frá júst honum. Í roynd at leggja uppaftur størri trýst á FC Wit setti HB stóra unglingaleikaran Eli Thorsteinsson á vøllin fyri álopsspælaran Hendrik Rubeksen. Eli, ið vanliga er verjuleikari, bleiv sendur heilt fram í álopi, har hann kundi bjóða georgisku verjuni av í luftini. Hetta vísti seg at vera skilagott, tí beinan vegin gjørdist verj- an hjá FC Wit nógv ótrygg- ari. Júst Eli Thorsteinsson var eisini maðurin, sum setti hol á, tá ið 65. minuttir vóru farnir. Ein sending varð løgd fram móti Eli, sum var staddur í vinstra borði av brotsteiginum, og unglingaleikarin slapp inn um georgiska verjuleikar- an, áðrenn hann smekkaði í kassan. Fantastiska gott mál av unga manningum, sum bara hevði verið lítla løtu á vøllinum, og sum longu frammanundan mál- inum hevði havt góðan møguleika. Tríggjar minuttir seinni økti HB um leiðsluna. Rókur av Fløtum Jespersen, sum var komin á vøllin fyri Jákup á Borg, fekk bóltin áraka brotsteigarmarkið eftir eitt sindur av trunka- spæli. Hann var avgjørdur, smekkaði til, og bólturin small í netmeskarnar, og so var 2-0, og HB tevjaði blóð. Í Europa Cup høpi er tað ikki vanligt, at tað eru før- oysku liðini, sum trýsta, men soleiðis var tað seinna partin av seinna umfarin- um. Talan var um støðugt og tungt HB álop. Mið- verjin, Símun Eliasen, sum síðstu løtuna var í álopin- um, økti til 3-0, tá ið tað restaðu tveir minuttir. Møguleikar vóru til bæði fýra og fimm mál afturat ímóti mótstøðuliðnum, sum var máttleyst og ikki visti síni livandi ráð. Teir vóru komnir henda vegin at dyrgja eftir javnleiki og so kanska at skora eitt mál. Nú vóru teir í tí støðuni, at teir høvdu tapt, og tað kendist væl, at teir síðstu løtuna vóru bangnir fyri, at teir skuldu missa 5-0 leiðsluna frá heimadystinum. Óskiljandi stórtap At HB skal hava tapt so mikið stórt fyri FC Wit á útivølli, er ilt at skilja. Onkur helt fyri, at tað mundi verða eitt eykalið hjá georgiumonnum, sum var á vøllinum mikukvøld- ið í Havn, men tað vísti seg, at FC Wit bert hevði gjørt eina broyting sammett við fyrra dystin. Hesa ferð var HB í hvussu so er ein klassa bet- ur enn mótstøðuliðið, ið nærum ongar atsóknir hevði á HB-málið. At FC Wit fekk ein mann riknan av vølli beint fyri hálvleik taldi rætta vegin fyri HB, men tað sigur ikki alt. Hagtølini vísa , at fyrstu 45 minuttirnar hevði HB níggju hornaspørk, meðan FC Wit einki hevði, og tað sigur ikki so lítið! Eftir dystin helt HB liðformaðurin, Rúni Nolsøe, eisini, at tað var ein vanlukka, at teir høvdu tapt so stórt í Georgia. Hann ivaðist eisini í, nær HB aftur fær ein slíkan møgu- leika at spæla seg víðari í Europa Cup. Hjálparvenjarin hjá Wisla Krakow, polska mót- støðuliðið hjá FC Wit í næsta umfarinum, sum var millum áskoðararnar á Tórsvølli mikukvøldið, tóktist eisini verða fegin um, at tað er FC Wit og ikki HB, sum teir skulu dystast ímóti. HB vísti framúr avrik, sum allur tann føroyski fót- bóltsheimurin kann fegnast um. Men samstundis er væl skiljandi, at tey í HB iðra seg. Málið hjá teimum hevur í fleiri ár verið sum tað fyrsta føroyska felagið at spæla seg víðari til næsta innleiðandi umfarið í Europa Cup. Hesa ferð høvdu teir møguleikan. Teir tóku av á heimavølli, men byrðan, sum teir komu við av útivølli, var ov stór. Tíverri! Sensatiónin lúrdi HB - FC Wit 3-0 (0-0) Mikudagin 21. juli 2004, kl. 19.00 á Tòrsvøllli. Fyrsta innleiðandi umfarið í Champions League, seinni dystur. 752 áskoðarar. Dómarabólkur úr Írlandi: Ian Stokes, Barry Martin McDonnel, Anthony Ryan, Paul Tuite. 1-0 Eli Thorsteinsson 65. 2-0 Rókur av Fløtum Jespersen 68. 3-0 Símun Eliasen 88. HB: 23. Danny Rasmussen - 18. Hallur Danielsen (64. Rasmus Nolsøe), 19. Vagnur M. Mortensen, 15. Símun Eliasen, 4. Janus Joensen - 9. Jákup á Borg (10. Rókur av Fløtum Jespersen 45.), 14. Kári Nielsen, 7. Rúni Nolsøe, liðformaður, 20. Heðin á Lakjuni - 24. Páll M. Joensen, 22. Hendrik Rubeksen (3. Eli Thorsteinsson 60.) Á beinkinum uttan at verða skiftir inn: 21. Pól N. Joensen, 12. Emil N. Leifsson. Venjari: Heine Fernandez Hjálparvenjari: Oddbjørn Joensen Málmansvenjari: Sámal Hansen Liðleiðari: Sigurð Hansen Fysioterapeutur: Klæmint Isaksen Gult kort: Vagnur M. Mortensen 6. FC Wit: 1. Davit Mamardashvili - 20. Davle Datunaishvili, 4. Tengiz Kobiashvili, 24. Alexander Intskirveli, 2. David Imedashvili - 22. Otar Martsvaladze, 9. Lasha Nozadze, liðformaður, 18. Davit Digmelashvili, 21. Oleg Gvelesiani - 10. Vladimer Gachasvili (14. Irakli Malichava 89.), 23. Irakli Ebandidze (11. Zaza Sakhokia 52.) Á beinkinum uttan at verða skiftir inn: 12. Mihaili Mujrishvili, 17. George Kvakhadze, 15. Levan Kvaratskhelia Venjari: Merab Kochalsvili Hjálparvenjari: David Onodrishvili Liðleiðari: Sondo Lomidze Fysioterapeutur: Roland Khvadagiani Reytt kort: Otar Martsvaladze 43. FAKTA 19 ára gamli Eli Thorstensson, Ið einans hevur verið á vøllinum í fimm minuttir, smekkar til, og so er HB á odda 1-0 mynd: Jens Kr. Vang C M Y K 17 16