hósdagur 23. juli 2015síða 10

Fríggjadagur 24. juli 2015 sosialurin 84 10 Faroe Pride er fyri alla familjuna Her heima er Faroe Pride ætlað sum familjuátak og annars øllum, ið hava hug at verða við, meðan Pride-skrúðgongurnar flestu aðrar staðir bert eru fyri LGBT’arar. Bæði LGBT Føroyar og Faroe Pride hava ein sera týdningarmiklan samfelagsleiklut at spæla her heima, heldur Sonja Jógvansdóttir, sum tó staðfestir, at føroyska samfelagið er nógv rúmligari enn lóggávan og politiska valdið avspeglar Ingolf S. Olsen – PRESS M ánadagin verður árliga Pride-skrúðgongan fyri fjórðu ferð í havnar­gøtum, og hesa vik­una hevur LGBT gjørt til Faroe Pride-viku við nógvum tiltøkum, ið so ella so varpa ljós á áhugamál hjá felags­skap­inum. Faroe Pride hevur frá fyrstan tíð fingið góða undirtøku, hóast skrúð­ gongan og LGBT sum so eis­ini hava elvt til ofta harðligan al­menn­an orðadrátt, og orsøkin til góðu undir­ tøkuna er, at í Føroyum er Pride- skrúðgongan fyri alla fam­ilj­una. Tað heldur í øllum førum Sonja Jógvans­ dóttir. Hon var ein av stigtakarinum til LGBT Føroyar, men er tó ikki longur við í nevndini í felagsskapinum. Ísland fyrimynd Tá lunnar vórðu lagdir undir Faroe Pride, varð hugt eftir, hvussu tey gjørdu aðrar staðir, og fyrimyndin gjørdist Ísland, har tey eisini gera nógv burtur úr, at Pride-skrúðgongan skal vera fyri alla familjuna. – Í flest londum eru Pride-skrúð­ gongurnar í fyrsta lagi eitt tiltak fyri LGBT’arar, men hjá okkum hevur tað verið ein tilvitað strategi frá byrjan, at Faroe Pride skuldi vera nakað, sum øll kundu kenna seg aftur í. Tí vit halda, at tað er týdningarmikið, at vit fara út og vísa, at vit vilja vil vera ein integreraður partur av samfelagnum. Og tá gert tú ikki eina skrúðgongu við einum undarligum bólki, sum fólk so kunnu koma at hyggja eftir sum í ein­ um djóragarði. – Vit vilja gera nakað, sum fólk kunnu ganga saman um, tí tey vilja fagna fjølbroytni. Tí skal tað vera fyri øll, og vit royna eisini allan veg­ in ígjøgnum, at øll í familjuni skulu kunna kenna seg væl har, og millum annað hava ymiskt ókeypis fyri børn­ ini. Og eg haldi eisini, at fólk í breiðum høpi kenna seg væl í Faroe Pride, tí vit síggja luttakarar heilt frá barnavogni av og upp til eldri pensjonistar, sigur Sonja Jógvansdóttir. Hon leggur tó dent á, at føroyska og íslendska konseptið ikki er skrúvað soleiðis saman, tí tey halda nakað skeivt vera í mátanum, ið Pride- skrúð­gongur verða fyriskipaðar aðra­staðni. – Tað, sum vit gera, halda vit vera tað rætta at gera í Føroyum, tí tað riggar. Men tað er ikki vist, at tað hevði riggað í London ella París, sigur Sonja Jógvansdóttir. Eftirbátur Eitt er hugnin og ynskið um at fáa øll við í eina skrúðgongu, annað er undir­liggjandi stríðið fyri sam­felags­ rættindum hjá teimum, ið hoyra til LGBT – samkynd, biseksuell og trans­ seksuell. Tí í so máta eru Føroyar eftirbátur samanborið við flest øll onnur lond í okkara parti av heim­ inum og hinumegin Atlantshav. Tí er LGBT Føroyar eisini í størri mun enn nógvar aðrar staðir ein stríðs­bólkur. – Vit vilja sjálvsagt hava somu borgarligu rættindi sum øll onnur í Føroyum, og tí hevur tað stóran týdn­ing, at vit alla tíðina gera vart við okkum og leggja trýst á polit­isku skipan­ina. Tað gongur eisini skjótt rætta vegin, sigur Sonja Jógvans­ dóttir. Hetta byggir hon á, at mein­inga­ kanningar hava víst, at ein greiður meiri­luti av føroyska fólkinum ynskir, at allir samfelagsbólkar skulu hava javnbjóðis rættindi, sama hvør seksu­ella oriengteringin er. Millum ann­að er meiriluti fyri, at samkynd sleppa at gifta seg. Higartil hevur tó ikki borið til at laga lógir og reglur til hetta ynski, tí politiska mótstøðan í Løgtinginum hevur verið ov stór. – Men tað er bara ein spurningur um tíð, so fáa vit hesi rættindi, og eg vænti avgjørt, at vit samkyndu sleppa at giftast longu næsta ár, eftir at løg­tingsval hevur verið í heyst. Soleiðis hevur gongdin alla tíðina verið í Føroyum, fólkið er við, men blok­er­andi minnilutar í politisku skipan­ini stríðast ímóti og klára at halda tørn í eina tíð, men so loysnar. Eg havi tað gott sum samkynd í Føroyum, og Føroyar eru eitt rúmligt samfelag – nógv rúmligari enn politiska skipanin og lógar­verkið avspeglar« Sonja Jógvansdóttir Mynd: Eiler fagraklett Mynd: Ingolf s. olsen Sonja Jógvansdóttir og Annlis Bjarkhamar plaga at vera fastur fúsur til Faroe Pride