mánadagur 27. juli 2015síða 20

Mánadagur 27. juli 2015 · Nr. 85 20 Sosialurin Hugskot og viðmerkingar – send sms til 225000 ítróttur André Olsen Víkingur er nýtt oddalið í Effo-deildini. Tað staðfestu teir sunnudagin, tá teir vunnu ein knúsandi 7-2 sigur á TB í Sarpugerði. Hetta er fyrsta ferðin í hesum kappingarárinum, at Víkingur er fremst í deildini. Sannlíkindini eru tó stór fyri, at Víkingur ikki liggur ovast, tá hetta umfari er av, tí øll hini liðini í oddinum spæla aftaná Víking. Javnur fyrri hálvleikur Tað var annars ikki nógv, ið bendi á, at talan skuldi vera um ein so sannførandi sigur í fyrra hálvleiki. Í fyrra hálv­ leiki var talan sum heild um ein javnan dyst, har Víkinga leikararnir bert dugdu betur at gagnnýtta tær avgerandi støðurnar. Víkingur kom á odda longu aftaná 7 minuttir av dyst­inum sunnudagin við máli frá Heðin Hansen. Málið hjá honum kom eftir lang­ skot frá brotssteigar­mark­ inum, har Hanus Jacobsen hevði lagt upp. Løtan aftaná 1-0 málið hjá Víkingi var besta løtan hjá TB í dystinum. Í trimum førum vóru teir sera nær við at javna. Besta møguleikan av teimum trimum, hevði Albert Adu, sum slapp leysur í feltinum hjá Víkingi. Í evstu løtu fekk Hanus Jacobsen tó takkla fyri skotinum hjá Albert Adu, soleiðis at einki spurdist burturúr kjans­ inum. Men tað var Víkingur, sum økti um munin, tá TB trýsti mest. Tann sum skor­ aði 2-0 málið fyri Víking, var toppskjúttin á Víkinga liðnum, Finnur Justinussen. Tað sum eftir var av fyrra hálvleiki, hevði Víkingur gott tamarhald á leiðsluni hjá sær, tó uttan at teir vóru greitt omaná. TB var við at koma inn í dystin Seinni hálvleikur var eitt korter gamal, tá fyrsta málið kom. Tað var útiliðið TB, ið minkaði um munin. Málið kom eftir hornaspark, har Patrik Johannesen stóð á rætta staðnum. Hesa løtuna sat man við eini kenslu av, at tað væl kundi koma spenningur í aftur dystin tann seinasta hálva tíman, men so skuldi ikki vera. Góður seinasti hálvi tími hjá Víkingi Uppá bert seks minuttir, av­gjørdi Víkingur dystin av álvara. Fyrst var tað Finnur Justinussen, ið legði Víking á odda 3-1, og síðani var tað Hanus Jacobsen, sum við bein­leiðis frísparki legði Víking á odda 4-1. Tað sum eftir var av dystinum, vóru Víkingarnir ógvu­liga greitt omaná, og til tíðir sá TB liðið út til at vera í upploysn. fótbóltur H E S A V I K U N A 3 Geza Turi Talan var sum heild um ein róligan dag hjá Víkinga málverjanum. Hevði ikki nógv at gera, men lat tvey mál ígjøgnum. 3 Sámal Jákup Joensen Avloysti Bárð Hansen á høgra bakki, og kom væl frá uppgávuni. Hevði sum heild gott tamarhald á verjupartinum, og var fleiri ferðir framvið. Var tó ikki við í so nógvum avgerandi støðum hjá Víkingi 4 Atli Gregersen Sum heild góður í avspælinum, og átti upplegg til seinasta málið hjá Víkingi, tá hann streyk avstað úr verjupartinum. Hevði fult tamarhald á defensivt, men var ongantíð av álvara settur undir trýst 4 Gert Hansen Spældi eitt millumting ímillum ein miðverja og ein defensivan miðvallara. Kom væl frá uppgávuni 3 Dánial Pauli Lervig Spældi á vinstra bakki. Kom sum heild væl frá uppgávuni í verjupartinum, men var ongantíð veruliga eyðsýndur frameftir vøllinum. 5 Sølvi Vatnhamar Spældi ein frálíkan dyst á miðvøllinum hjá Víkingi. Stríddist væl allan dystin, og fordeildi spælið væl runt. Endaði eisini dystin við at skora 2 mál. 4 Heðin Hansen Spældi eisini ein góðan dyst á miðvøllinum hjá Víkingi. Fyllir nógv á miðvøllinum, og er altíð vandamikil við sínum frálíku langskotum. 3 Filip Djordjevic Hevur kanska verið mest eyðsýndi Víkinga leikarin í ár, men sunnudagin var hann ikki eins eyðsýndur og hann plagar. Varð eisini útskiftur 3 Gunnar Vatnhamar Stríddist væl, men var heldur ikki so eyðsýndur sum onkuntíð áður. Var útskiftur eftir einum tíma. 4 Hanus Jacobsen Spældi sum vinstri miðvallari sunnudagin. Kom eisini væl frá uppgávuni, tí hann bæði skoraði eitt mál og legði upp til eitt mál. 5 Finnur Justinussen Spældi ein frálíkan dyst í álopinum hjá Víkingi. Var nógv við í spælinum, og skoraði tvey góð mál. Var saman við Sølva Vatnhamar mest eyðsýndi leikarin á Víkinga liðnum. 3 Páll Mohr Joensen Spældi sín fyrsta dyst fyri Víking sunnudagin. Kom inn seinasta hálva tíman, tá Víkingur hevði lætt spæl. Kom sum heild væl inn á liðið, og var tryggur á bóltinum 4 Magnus Jarnskor Ungi og evnaríki leikarin kom væl inn í dystin, tá hann var innskiftur sunnudagin. Dribblingarnar eydnaðust væl, og hann kom eisini á máltalvuna, tá hann økti til 5-1. Hjartvard Hansen Inni ov stutt til at fáa meting. spælarameting Nú er Víkingur oddalið Víkingur vann sunnudagin ein knúsandi 7-2 sigur ímóti TB, og eru nú av álvara við í FM stríðnum. Við sigrinum er Víkingur nú á fyrsta plássið í Effo-deildini Debut til Páll Í dystinum sunnudagin, var ein nýggjur leikari at síggja á liðnum hjá Víkingi. Fyrrverandi HB leikarin, Páll Mohr Joensen, spældi sunnudagin sín fyrsta dyst fyri nýggja felagið hjá sær, Víking. Páll hevur áður umboðað barndómsfelagið HB, og eisini NSÍ, har hann eitt skifti var útleigaður til. 1 til 6