hósdagur 30. juli 2015síða 19

Fríggjadagur 31. juli 2015 sosialurin 86 19 landskappingardystir á rað, og hóast fleiri av leikarunum, ið vanliga byrja inni, ikki vóru við, so prógvaðu teir, sum komu inn ístaðin, at maður kemur í mans stað, og at hópurin er breiður. Tað tykist ikki sum, at nakað lið klárar at steðga Víkingi í løtuni, og tí má Víkingur metast at vera favorittur til dystin í Sarpugerði sunnudagin. Fyri KÍ var tað ein sonn vanlukka, at tað ikki eydnaðist at vinna undanfarna dyst ímóti EB/ Streymi. 4-1 er ein leiðsla, sum ikki eigur at verða blakað burtur, men nógvar villur í verjupartinum vóru ein av orsøkunum til, at KÍ søplaði leiðsluna burtur og bert fekk ein javnleik burturúr stríðnum. Málið hjá klaksvíkingum er at røkka einum fjórða plássi, ið gevur atgongd til evropeiskan fótbólt komandi ár, og tí er trýst á klaksvíkingum at fáa stig burturúr sera trupla útidystinum. Undan hesum leikumfarinum eru fimm stig upp til HB, sum í løtuni er nummar fýra á stigatalvuni. Langt síðani seinasta heimasigur hjá NSÍ Mánadagin: NSÍ-ÍF (Klokkutíð ikki staðfest í skrivandi løtu) Dómari: Petur Reinert Síðsti dysturin hetta leikumfarið verður spældur mánakvøldið, tá ið nummar tvey á stigatalvuni, NSÍ, tekur ímóti nummar seks, ÍF. NSÍ hevur verið oddalið í Effodeildini næstan alt kappingarárið, men í seinastu vikunum undan summarsteðginum kom stígur í hjá teimum gulu vespunum. Tað eydnaðist ikki at vinna nakran av fýra teimum seinastu dystinum undan summarsteðginum, men mánakvøldið fann NSÍ sigursleiðina aftur, tá ið runavíkingarnir vunnu 1-2 á útivølli ímóti AB. Sunnudagin skal NSÍ royna at vinna sín fyrsta dyst á heimavølli síðani 3. mai, tá ið vespurnar vunnu 3-0 ímóti KÍ. Síðani hendan dystin hevur NSÍ spælt tríggjar heimadystir, har tað ikki hevur eydnast liðnum at standa eftir sum sigursharri. ÍF hevur veruliga nakað at prógva eftir 4-0 tapið ímóti B36 ólavsøkuaftan. Leikliga avrikið var als ikki nóg gott, og tað skulu aðrir bollar í súpanina, um ÍF skal gera sær nakrar vónir um at fáa stig við Løkin. Vit skulu aftur til tann 31. mai fyri at finna seinasta sigurin hjá fuglfirðingum, tá ið ÍF vann 3-1 ímóti TB. Síðani hendan dystin hava fuglfirðingar spælt fýra landskappingardystir, har tað ikki hevur eydnast teimum at vunnið.