mánadagur 3. august 2015síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 3. august 2015 · Nr. 87 tað tíðarhóskandi samfelagið framsokn.fo framsókn liberali tjóðskaparflokkurin Góðu føroyingar Nýggjar tíðir elva til nýggjar avbjóðingar. Nýggjar avbjóðingar rópa eftir nýggjum loysnum. Nýggjar loysnir krevja nýhugsan. Tíðin er runnin undan teimum gomlu ismunum. Hon er runnin undan vinstra og høgra og borgarligum og sosialistiskum. Hon ger alt stríð millum miðstaðarøkið og útjaðaran høpisleyst, og hon ger skilnaðin millum sonevnd gudilig og ógudilig vandamiklan. Allur hesin skilnaðurin møtir ikki dagsins avbjóðingum. Han ger ikki annað enn at krógva okkum burtur í avlæstar básar, haðani vit ikki røkka hvørjum øðrum, og haðani vit ikki fáa samstarvað. Í Framsókn ynskja vit at knýta politisk bond við tey, sum vilja byggja einar Føroyar, sum megna at kappast við onnur lond um tað skapandi og virkisfúsa fólkið – bæði um tey, sum longu búgva her, og um útisetar og onnur, sum kunnu koma higar at ríka okkara samfelag. Vit nevna hetta tað tíðarhóskandi samfelagið. Undir hesum heitinum bjóðar Framsókn seg fram til komandi løgtingsval. Undir tí ynskja vit at lýsa, hvussu týdningarmikið tað er fyri allan framburð og menning í Føroyum, at vit geva tjóðarfrælsinum, vinnufrælsinum og tí persónliga frælsinum neyðugu rúmdina. Vit vilja, at Føroyar taka ábyrgd av sær sjálvum, og at vit gerast ein sjálvberandi, frælsur og sjálvstøðugur limur í heimsfelagsskapinum. Vit vilja, at Føroyar fáa ein betri samfelagsbúskap, og at vælferðin verður ment og tryggjað. Tað krevur, at tann frælsa vinnan fær størri ávirkan á samfelagsbúskapin, og at høvðusvinnurnar verða riknar eftir marknaðarbúskaparligum fortreytum. Vit vilja, at Føroyar gerast rúmligari, og at virðingin fyri persónliga frælsinum kann broyta og beina burtur forboð og forðingar, sum ein minniluti av fólkinum hevur tikið sær rættin til at áseta. Vit hava eitt følbroytt lið av kvinnum og monnum, sum bera hendan felags boðskapin fram fyri tykkum. Vit fevna víða í bæði aldri og førleikum, men vit hava øll tað til felags, at vit byggja okkara politiska arbeiði á virðisgrundarlagið hjá Framsókn. Við einum inniligum ynski um, at vit megna at flyta politisk mørk og soleiðis skapa vøkstur, tryggleika og trivnað í einum tíðarhóskandi samfelag, biðja vit um undirtøku tykkara á komandi vali. Poul Michelsen Formaður í Framsókn