mánadagur 3. august 2015síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 3. august 2015 · Nr. 87 ítróttur spælarameting 5 Ivan Stojkovic Í fyrra hálvleiki hevði hann trupulleikar í deyðbóltsstøðunum, men í seinna hálvleiki var hann ein sannur brandur og hevði eitt hav av stórbjargingum. 3 Carl Mikkjal Bech Hevði sínar trupulleikar í fyrra hálvleiki, men í seinna hálvleiki lá betri fyri, har hann eisini fleiri ferðir kom framvið frá sínum bakkplássi. 3 Martin Tausen Serliga í fyrra hálvleiki stóð Martin ofta á røttum staði, men í seinna hálvleiki átti hann lut í fyrra málinum, tá ið hann ikki dekkaði Fróða nóg væl upp. 3 Teitur Olsen Spældi sum heild ein góðan dyst í miðverjuni, men var óheppin, tá ið hann gjørdi sjálvmál í evstu løtu. 4 Andri Freyr Bjørnsson Íslendingurin hevur eina øgiliga renniorku, og tað sæst aftur í dystinum í gjár, har hann tók nógvar túrar frameftir vøllinum. Átti eisini uppleggið til leiðslumálið hjá TB í fyrra hálvleiki. 3 Jonas Gejel Hansen Var tann mest verjukendi á miðvøllinum hjá TB. Vísti í fleiri førum, at hann er góður á bóltinum, men í seinna hálvleiki rann hann dekan ov nógv aftaná HB-leikarunum. 2 Heini Mortensen Stóri miðvallarin var ikki líka eyðsýndur sum hinir báðir á sentrala miðvøllinum. Serliga í seinna hálvleiki gjørdi hann ov nógv fríspørk. 4 Rógvi Joensen Týdningarmesti maður á TB-liðnum. Er drívmegin á liðnum og rennur altíð sólina svarta og skapar góður støður fyri sítt lið. Tað gjørdi hann eisini í gjár. 2 Patrik Johannesen Ikki so nógv at skriva heim um. Rann nógv, men gjørdi ikki nógv um seg í álopspartinum, tí at TB skapti so lítið. Fekk gult kort í seinna hálvleiki. 4 Teitur Justinussen Eiheldur so eyðsýndur, men í støðumetsbókini er tað eitt stórt pluss at skora mál, og tað gjørdi Teitur. 3 Albert Adu Arbeiðsumstøðurnar vóru torførar, tí at hann mangan var ov einsamallur. Megnaði tó at bjóða væl av nakrar ferðir, men onki avgerandi kom frá honum. Joen­sen og Andrew av Fløt­ um ikki við vegna skaðar. Tí­skil var talan um ein skert HB-lið í gjár. TB var styrkt í mun til av­smurningin ímóti Víkingi fyri góðari viku síðani. Lið­ skiparin og drívmegin á mið­vøllinum hjá TB, Rógvi Joen­sen, var við aftur, og hansara avrik gjørdi sítt til, at TB fekk tað úrslitið, ið stóðst burturúr stríðnum í gjár. Tað var tó ein annar TB-spælari, sum var sjálv høvuðs­at­voldin til, at TB fekk stig í gjár. Liðskiparin gjørdi sjálvmál Í fyrra hálvleiki hevði HB bólt­in nógv, men striltið gekk hjá teimum at skapa veru­ligar málmøguleikar. Í veru­leikanum blivu havna­ menn­inir bara vandamiklir upp á deyðbóltar. Serliga vóru tað deyðbóltarnir hjá Christ­iani R. Mouritsen, ið lógu væl, men kortini brendi tað ongantíð veruliga á fram­man­fyri TB-málið. Tað var eyð­sæð, at taktiska upp­ leggið hjá TB var at liggja langt afturi á vøllinum og dúva upp á snarálop. Albert Adu var einsamallur fram­ herji, og bleiv hann ofta send­ur avstað. Í fótbólti kann ein maður tó ikki gera alt sjálvur, og tí var tað ein trupul­lleiki, at frástøðan frá Adu til viðleikararnar ofta gjørdist ov lang. Tískil blivu snarálopini hjá TB ongan­ tíð heilt vandamikil. Tess­ vegna vóru ikki nógvir mál­ møgu­leikar í fyrra hálvleiki, men eftir 36 minuttir brast kortini fyri nev. Eftir horna úr vinstru frá Rógva Joensen ferðaðist bólturin allan vegin aftur til íslendska vinstra bakkin hjá TB, Andri Freyr Bjørnsson, ið úr høgra borði sendi eitt gott innlegg innfyri. Fróði Benjaminsen var fyrstur á bóltinum, men roynd hans­ ara at beina bóltin av vanda­ leið miseydnaðist so­mik­ið nógv, at bólturin fór skeivan veg og í egið mál. 1-0 til TB, sum eisini bleiv hálv­leiks­ støðan. Serbiski múrurin Heðin Askham man óivað hava tosað við stórum stav­ um í hálvleikssteðginum, tí at tað var eitt hamskift HB- lið, sum kom út til seinna hálv­leik. Á sama hátt sum í fyrra hálvleiki var tað fram­ vegis HB, sum hevði bóltin nógv, men munurin var, at nú spældi HB seg til opnar mál­møguleikar. Men tað kravdi sítt at fáa bóltin í TB-málið, tí at Ivan Stojkovic var ikki komin allan vegin til Havn­ ar fyri at lata nakað mál ígjøgnum. Serliga var tað í tíðarskeiðnum frá 55.-60. minutt, at Ivan stóð sum ein sannur múrur. Fyrst bleiv Adrian Justinussen spæld­ur í góða skotstøðu í brots­teiginum, men Ivan las skotið væl av og fekk bjarg­ að. Minuttin aftaná gjørd­ist Poul Ingason heldur til­vild­ ar­liga púra leysur ímóti TB- málinum, men enn einaferð vardi Ivan meistarliga væl fyri. Upp á returin av hes­ um skotinum smekkaði Fróði Benjaminsen bóltin á tvørtræið og niður í svørðin. Leikar­arnir hjá HB vildu vera við, at bólturin hevði verið innanfyri málstrikuna, men linjuverjin lat ikki við seg koma. Hendan avgerðin tóktist eisini at vera í lagi. Ivan hevði eisini fleiri aðr­ ar góðar bjargingar, men eftir 77 minuttir mátti hann tó geva skarvin yvir fyri nógvu málroyndunum hjá HB. Eftir inn­legg úr høgru gjørdist Fróði hægstur og stútaði bólt­in í netið. Sostatt bleiv Fróði tvífaldur málskjútti, men heldur sjálvsamt var tað fyri eitt mál í tí skeiva enda­num og eitt í tí rætta enda­num. Kleyvarskapur í HB-verjuni Nú sat allur Gundadalur og bíðaði eftir, at HB fór at trýsta á fyri at fáa sigurs­ málið, men so skuldi ikki vera. Gamaní hevði Poul Inga­son ein góðan skallara, ið Ivan fekk toygt seg eftir og bjarg­að, men ístaðin klodd­ aði HB eitt mál burtur í hin­ um endanum. Eftir eitt TB-álop royndi Alex José dos Santos at sker­ ma bóltin á sjálv­um fimm­ metra­marki­num fram­man­ fyri egnum máli. Ætlan­in hjá honum var helst, at Teitur Gestsson skuldi koma út at taka bóltin upp, men mál­ verjin bleiv verandi á striku­ ni, og so endaði tað við, at Teitur Justinussen takkaði fyri tilboðið og fekk sparkað bóltin í netið eftir eitt sindur av trunkaspæli. Hevði San­ tos sparkað bóltin av vanda­ leið beinanvegin var støðan ongantíð uppstaðin, men ístaðin var nú TB, ið næstan ikki hevði skapt ein líkinda mál­møguleika ígjøgnum dyst­in, sum enn einaferð hevði lagt seg á odda Eftir allar teir brendu málmøguleikarnar hevði tað næstan ikki verið til at borið fyri heimaáskoðararnar, um HB skuldi standa eftir sum tapari. Ta lagnuna høvdu teir reyðsvørtu hóast alt ikki uppi­borið, og teir fingu eisini ogn­að sær eitt væluppiborið stig langt inni í yvirtíðini. Eftir horna, ið varð sparkað inn í í fimmmeturin endaði bólt­urin í TB-málinum. HB hevði blakað eina rúgvu av fólki fram, og tað endaði við, at bólturin fór í ryggin á Teit Olsen hjá TB og í mál. Tískil komu heili tvey sjálvmál í gjár. Sjálvmálið hjá Teiti var tað seinasta, sum hendi í dysti­num í gjár, og endaliga úrs­litið gjørdist sostatt 2-2. Hópurin er ikki nóg breiður Við javnleikinum hevur HB sum sagt endaliga meldað seg úr FM-stríðnum. Ein orsøk til hetta er, at hópur teirra ikki megnar at handfara nógvu skaðarnar, og tískil ikki er nóg breiður. Til dystin í gjár spældi Rógvi Holm til dømis á høgra bakki. Rógvi er ein góður verjuleikari, men eitt lið sum HB hevur tørv á álopssinnaðum vongverjum í slíkum heimadysti, og tað er Rógvi ikki. Eisini eru dekan ov nógvir ungir leikarar á liðnum. Hóp­ urin í gjár taldi heili seks leikarar við aldri til ung­linga­ deildina, og hóast fleiri av hesum óivað blíva heilt góðir leikarar fyri HB í fram­tíð­ini, so hevur eitt lið, sum ætl­ar sær at stríðast um meistara­ heitið, tørv á fleiri royndum leikarum. Breiddin í hópinum tyktist at vera styrkt nógv, tá ið Rókur av Fløtum Jesper­ sen og Heini Vatnsdal tíðliga í summar komu aftur til HB. Hinvegin skiftu René Shaki Joensen, ið var besti maður í fyrru hálvu av lands­kappingini, og Símun Samuel­sen úr felagnum. Tískil bleiv tørvurin á einum størri hópi ikki nøktaður. Ístað­in komu menn í mans stað, tí at tveir leikarar av týdn­ingi fóru úr felagnum, með­an tveir komu inn. Plássið kemur neyvan í vanda Hóast TB misti sigurin í evstu løtu, so skulu tvørá­ menn kortini vera væl nøgdir við eina stigið, tí hevði Ivan Stojkovic ikki spælt tann fanto­mdystin, sum hann gjørdi, so hevði TB helst tapt dystin. Tað vóru tó eisini nógvir aðrir glottar at hóma hjá tvørámonnunum, og eyð­ kendi stríðsviljin, sum mangl­aði, tá ið TB fekk bank ímóti Víkingi, skein aft­ ur ígjøgnum í Gundadali í gjár. Páll Guðlaugsson dug­ ir ómetaliga at seta sínar leikarar upp til dyst, og við hon­um á odda tykist tað ógvu­liga ósannlíkt, at TB skal stríðast fyri lívinum í einum niður­flytingarstríði. Níggju stig eru niður til AB, ið er und­ir niðurflytingarstrikuni og tí eru tað ikki nógv stig, sum resta í, áðrenn TB við vissu kann kalla seg Effolið í 2016. Ongin útskifting Venjarin hjá TB, Páll Hagbert Guðlaugsson, man hava verið rættiliga væl nøgdur við avrikið hjá teimum 11 leikarum, ið byrjaðu inni, tí at íslendski venjarin valdi ikki at fremja nakra útskifting, hóast hann hevði fimm leikarar at velja ímillum á bonkinum. Ivan Stojkovic. Serbiski málverjin er blivin 38 ára gamal, men kortini hevði hann fleiri framúr góðar bjargingar í seinna hálvleiki. Hann spældi av sonnum sín lívs dyst. HB plagar at vera ein av kempunum í føroyskum fótbólti, men so er ikki í ár. Eftir summarsteðgin hevur HB fingið tvey stig ímóti suðuroyarfeløgunum á heimavølli, og tað er als ikki góðtikið fyri eitt so stórt felag. HB-TB 0-1: Fróði Benjaminsen (sjálvmál), 36. 1-1: Fróði Benjaminsen, 80. 1-2: Teitur Justinussen, 83. 2-2: Teitur Olsen (sjálvmál) 93. Gul Kort: Heini Vatnsdal (HB), 40. Gunnar Haraldsen (HB), 67 og Patrik Johannesen (TB), 75. HB: Teitur M. Gestsson – Rógvi S. Holm (Levi Hanssen, 75.), Bartal Wardum, Gunnar Haraldsen, Alex José dos Santos – Rókur av Fløtum Jespersen, Heini Vatnsdal, Fróði Benjaminsen – Christian R. Mouritsen, Adrian Justinussen – Poul Ingason (Teit Jacobsen, 88) Á bonkinum uttan at koma inn: Petur S. Thomsen, Heri H. Mohr og Daniel Johansen Venjari: Heðin Askham TB: Ivan Stojkovic – Carl Mikkjal Bech, Martin Tausen, Teitur Olsen, Andri F. Bjørnsson – Heine Mortensen, Jonas Gejel Hansen, Rógvi Joensen – Patrik Johannesen, Teitur Justinussen – Albert Adu Á bonkinum uttan at koma inn: Jákup B. Thomsen, Eirikur Magnusson, Hanus Mortensen, Hávar Albinus, Arthur D. Poulsen Venjari: Páll H. Guðlaugsson