mánadagur 3. august 2015síða 22

Mánadagur 3. august 2015 · Nr. 87 22 Sosialurin Hugskot og viðmerkingar – send sms til 225000 ítróttur Pætur Albinus Í Danmark spælir helst besti før­oyski hondbóltsspælarin nakran­tíð, 21 ára gamli Jóhan á Plógv Hansen. Síðani hann sum 16 ára gamal flutti úr Før­oy­um og Kyndli til Dan­ mark­ar og Skanderborg at spæla hondbólt, hevur tað ging­ið við rúkandi ferð. Eftir at hann spældi seg upp á besta liðið hjá Skanderborg Hånd­bold í bestu donsku deild­ini, megnaði hann eisi­ni at bíta seg fastan á lið­ið og bleiv skjótt ein av stuðulsleikarunum á liðnum. Ævintýrið steðgar ikki her, og langt frá tí. Talen­tið fór ikki ósæð fram­við, og eitt av størstu hond­bólts­feløg­ unum í Danmark, Bjerring­ bro-Silke­borg, skrivaði her­ fyri sáttmála við Jóhan. Hann hevur somuleiðis fing­ ið debut á danska A-lands­ lið­num, har hann á høgra von­gi avloysti tveir skaddar Hans Lindberg og Lasse Svan Han­sen. Seinastu tvær vikurnar hev­ur hann so umboðað danska U21-landsliðið í HM- enda­spælinum í Brasilia, og har skuldi tað vísa seg at ganga sera væl. Silvur HM-endaspælið byrjaði longu 20. juli, so talan hev­ur verið um eina drúgva kapp­ ing, sum tá ið saman­um­kom spældi heili níggju dystir. Bólka­spælið gekk sum eftir ánn­ið, har Danmark vann fýra av fimm dystum. Í hes­ um fimm dystunum skeyt Jóhan á Plógv Hansen 16 mál. Í 1/8-finaluni rendi Dan­ mark seg inn í vertstjóðina, Brasilia. Tað gjørdist til ein lutfalsliga tryggan 34-31-sigur, har Jóhan á Plógv Han­sen skeyt eitt mál. Í fjórð­ings­finaluni var Spania mót­støðu­liðið. Danmark vann tætta dystin 22-21. Tá skeyt Jóhan fýra mál. Vakrasti sigurin var í hálv­finaluni, tá ið Danmark basti favorittunum úr Týsk­ landi við 28-26. Jóhan gjørd­ ist toppskjútti henda dystin við seks málum – valla kundi tað verið ein betri løta at gera tað, enn tá ið hond­bólts­ týsk­land fylgdi við og óivað nøk­ur feløg har hava fingið eyg­að á kvikbeinta føroyska høgra vong hjá Danmark. Í sjálvari HM-finaluni gekk tað ikki longur hjá Dan­ mark. Hóast Danmark eina løtu tíðliga í seinna hálvleiki var á odda, so máttu teir boygg­ja seg fyri Fraklandi, sum við beinhørðum verju­ spæli og vælspælandi mál­ verja tiltuskaðu sær HM- gull­ið við 26-24-sigri. Erpnir Eftir dystin helt danski U21- lands­liðsvenjarin, Claus Han­sen, at leikararnir høvdu rós uppiborið fyri at hava avrik­að fantastiskt. Serliga peik­aði hann á stríðsviljan, og at leikararnir vóru fúsir at skifta til at verja offensivt tá ið 6-0-verjan haltaði, sum hann málber seg. Hóast hann skilir, at leikar­ar­nir eru vónbrotnir av ikki at vinna gullið, so vónar hann, at teir eru erpnir av sær sjálvum. - Allir vóru í kol­kjall­ara­ num eftir dystin, tí vit føldu, at vit kundu vunnið, um hepn­ið var við okkum. Men eg vóni, at spælararnir vakna í morgin og eru erpnir av at líta aftur á eina fantastiska góða kapping, har teir hava lyft støðið frá dysti til dyst bæði á og uttanfyri vøllin, segði Claus Hansen við heima­síðu­na hjá danska hond­bólt­s­sam­bandi­num eft­ ir dystin. Heimsins besti Eftir eitt endaspæl er tað siðvenja, at altjóða hondbóltssambandið ásetir hvørjir leikarar hava verið bestir farnu kappingina. Einki undantak var hesaferð, og kosið varð – sum vanligt – ein leikari til hvørt leikpláss. Pláss var fyri Jóhan á Plógv Hansen á høgra vongi. Hann skeyt 28 mál í kappingini og kann við hesi útnevningini kalla seg heim­ sins besta høgra vong í U21- høpi í løtuni. Ein annar danskari varð eisini útnevndur. Tað var striku­spælarin Simon Hald Jen­sen. Hatta var annars 10. ferð, at danska U21-landsliðið var við í eini HM-finalu. Tríggj­ar ferðir hevur tað eydn­ast at vunnið gull, men týdningarmest av øll­um hevur hetta verið klek­ing­ar­støðin hjá fram­ tíðar­stjørnum sum Mikkel Han­sen, Niklas Landin og René Toft Hansen. Slóðað er fyri einari bjart­ ari framtíð hjá Jóhan á Plógv Hansen. albinus@sosialurin.fo HM-silvur og heimsins besti Jóhan á Plógv Hansen: Úrslit hjá Danmark: Danmark - Kili 38-20 (18-10) - Jóhan 3 mál Danmark - Suðurkorea 28-27 (13-10) - Jóhan 3 mál Danmark - Algeria 42-18 (17-9) - Jóhan 4 mál Danmark - Argentina 30-24 (14-13) Jóhan 4 mál Danmark - Frakland 26-32 (15-18) Jóhan 2 mál Danmark - Brasilia 34-31 (19-16) Jóhan 1 mál, 1/8-finala Danmark - Spania 22-21 (10-12) Jóhan 4 mál, fjórðingsfinala Danmark - Týskland 28-26 (15-13) Jóhan 6 mál, hálvfinala Danmark - Frakland 24-26 (11-14) Jóhan 1 mál, finala Besta liðið í kappingini: Málverji: Julien Meyer, Frakland Vinstri vongur: Jerry Tollbring, Svøríki Vinstri bakkur: Simon Ernst, Týskland Spælbýtari: Mohab Hossam, Egyptaland Høgri bakkur: Florian Delecroix, Frakland Høgri vongur: Jóhan á Plógv Hansen, Danmark Strikuspælari: Simon Hald Jensen, Danmark Úr Kyndli til Skanderborg, Bjerringbro-Silkeborg, danska U21- og A-landsliðið. Ein bíðar næstan bara eftir hvat næsta hæddarpunktið hjá Jóhan á Plógv Hansen verður. Leygardagin vann hann HM- silvur við danska U21-landsliðnum, og sum krúnan á verkinum varð hann kosin besti høgri vongur í kappingini – lættari umsett til, at føroyingurin er besti ungi høgri vongur í heiminum í løtuni