hósdagur 6. august 2015síða 6

Fríggjadagur 7. august 2015 sosialurin 89 6 persónssøga Sjálvt um nógv stóð á, so kom sjónvarpskvinnan við systrini upp á hægsta tind í Evropa Sjónvarps­ kvinnan náddi hægsta tindin í Evropa Árni gregersen V it kenna hana best frá sjónvarpsskýggjanum og sum eina rødd í útvarps­lurtinum. Óluva Zachariasen, 47 ár, hevur í mong ár verið at hoyrt í útvarpinum. Frammanundan skrivaði hon eisini í mong ár í Dimmalætting. Nú sæst hon eisini sum tíðinda- og kjakvertur í sjónvarpinum. Óluva Zachariasen er ofta gestur í stovuni hjá føroyingum, tí hon vitjar gjøgnum sjónvarpsskíggjan ella gjøgnum útvarpslurtið. Men kenna vit hana? Vit vit hvøjar áhugamál hon hevur og hvat hon tekst við, tá ið hon ikki er til arbeiðis? Fór niðaná toppin Í summar hevur hon tikið eitt álvars­ ligt stig í sínum frítíðarlívi. Saman við eldru systrini, Guðr­ un, hevur hon verið á hægsta fjalla­tindinum í Evropa, Elbrus í Kaukasus. – Tað var fantastisk at koma nið­ aná og vita, at ein náddi einum máli, sum ein hevði sett sær, sigur Óluva Zachariasen, nú eftir at hon í øllum góðum er komin aftur til Føroya. Elbrus er 5.642 metrar høgt, men tað er ikki eins ringt at koma niðan á sum til dømis Mount Everest. Tað, sum ger tað torført at koma í slíkar hæddir, er, at luftin er so tunn, at tað er torført at fáa nóg mikið av ilt í blóðið. Í dag verður Elbrus roknað sum hægsta fjall í Evropa – heldur enn Mont Blanc, sum nógv hava lært í skúlanum. Grundin er, at Elbrus er jarð­frøði­ ligur partur av Evropa. Settu sær mál Óluva Zachariasen hevur altíð gingið í fjøllunum í Føroyum og hon hevur síðani hon var heilt ung runnið nógv. Hon hevur fyri nógvum árum síðani runnið hálvmarathon og hon rennur framvegis. Tilsamans hevur hon runnið seks-átta hjálvmarathon umframt trý marathon. Tað seinasta rann hon í mai í ár. Og hon er ein av teimum, sum veru­liga hevur brúkt náttúruna. Hon er fyrsta kvinnan, sum kom á Topp Føroyar-listan – altso hevur verið á øllum 340 fjallatindunum í Føroyum. Tað metið setti hon í 2013, men síðani eru aðrar komnar á listan Systir henna, Guðrun, fæst eisini nógv við at ganga og hevur millum annað verið á Kilomanjaro í Afrika. Kilomanjaro er einar 400 metrar hægri enn Elbrus, men er heldur lættari at koma niðan á. Hon er nú eisini á Topp Føroyar, tí hon hevur eisini veri¨á øllum 340 fjallatindunum í Føroyum. Systrarnar báðar tosaðu um at fara at gera okkurt saman og at fara at ferðast saman. Tað var orsøkin til ferðina og klintr­ingina uppá Elbrus. – Vit tosaðu um at seta okkum eitt mál, men tað var mest til stuttleikar. Nú hava vit so gjøgnumført túrin, sigur Óluva Zachariasen. Hvørki Óluva Zachariasen ella systurin vandu nakað serligt áðrenn tær fóru á ferðina, sum endaði á hægsta fjallatindi í Evropa. – Eg er nokk so væl fyri, tí eg bæði renni og gangi í fjøllunum. Kortini vandu vit eitt sindur við at ganga við ryggsekki við vekt í. Vit fyltu nakar fløskur við vatni – eini 10 kilo, sum vit so gingu við, men annars vandu vit ikki nakað eyka, sigur Óluva Zacha­ riasen. Tunna luftin Tey sum hava roynt at fara upp í hæddirnar vita, at tað sum oftast er, tá ið tú kemur upp, har luftin tynnist, at trupuleikarnir byrja. Á ferðini niðan á Elbrus var ein partur av túrinum at venja seg við tunnu luftina – at aklimatisera seg. Tá ið ferðalagið, sum tær báðar systrarnar vóru partur av, kom 4000 metrar upp, var lega gjørd, har tey so skuldu vera í tríggjar dagar. Men frammanundan vóru fleiri aðrar legur. Fyrstu fimm dagarnar Eg eri ikki ein av teimum, sum seti lívið uppá spæl fyri at røkka einum máli, sum skal náast til stuttleikar« Óluva Zachariassen Framhald á næstu síðu