hósdagur 6. august 2015síða 16

Fríggjadagur 7. august 2015 sosialurin 89 16 Serligir seinastu tingfundir í tingsetuni sum endar nú Tema Spenningurin var høgur, hóast øll vistu, at eitt misálitisuppskot á løgmann fór at fella Árni Gregersen Tað var ein undarligur stemningur, tá ið Løgtingið fyrr í vikuni kom saman fyri seinastu ferð í hesi tingsetuni. Løgmaður hevur skrivað nýval út at vera 1.september, so fleiri vistu undan fundinum, at hetta helst var seinastu ferð tey hittust í politiskum samanhangi. Summi teirra stilla ikki upp til valið komandi og onnur vita ikki um tey yvirhøvur verða vald, hóast tey stilla upp. Dagsskráin fyri fundirnar var eisini løgin. Ikki at lógin um fiskidagar fyri komandi fiskiár skuldi samtykkjast, men at tingfólk frammanundan vistu, at tey eisini skuldu taka støðu til tvey uppskot til samtyktar, sum fóru at geva løgmanni og fyrrverandi landsstýrismanninum við innlendismálum hvør sína átalu. Neyvan er tað lætt fyri tingfólk at taka slíkar støður, sjálvt um ein kanning frá einum kanningarstjóra mælir til, at so skal verða. Afturat hesum ljóðaði longu frá morgunstundini, at eitt uppskot um misálit á løgmann fór at verða lagt fram. Tutl í krókum Tað var ein alt annað enn vanligur stemningur í tinginum hendan fyrrapartin. Summi tingfólk virkaðu fjált­ur­ stungin og onnur gingu tigandi runt í tinginum. Sjálvandi eru tey von við, at álvarsmál verða viðgjørd av okkara