hósdagur 6. august 2015síða 17

Fríggjadagur 7. august 2015 sosialurin 89 17 tjóðartingi, men í hesum føri vóru tað mál, sum vóru tey seianstu árin tingið fór heim. Og val verður um stutta tíð. Hvussu fór støðutakanin til átalurnar at virka á veljaran – og enn meira: hvussu skuldi atkvøðast um misálitisuppskotið frá Thóðveldi og Framsókn? Tingfólk hava somu rættarkenslu sum flestir aðrir borgarar, men hinvegin so skulu tey veljast aftur. Tey eru noydd at vita, hvørjar avleiðingar hvør einstøk avgerð og hvør einstøk atkvøða fær. Runt í tingsalinum og úti í øðrum rúmum sást væl, at hetta var ikki nakar vanligur tingdagur. Málið um fiskidagarnar fór lætt ígjøgnum og bert tvey fólk úr Tjóðveldi tóku orðið. Páll á Reynatúgvu og Bjørt Samuelsen vildu partvís hava uppskotið um fiskidagarnar í nevnd og partvís hava, at fiskidagaárið var stytt. Málið fór ikki í nevnd av tí einføldu orsøk, at tingformaðurin frammanundan hevði gjørt avtalu við floksformennirnar um, at málið fór ígjøgnum allar tríggjar viðgerðir uttan orðaskifti og nevndarviðgerð. Royndin at broyta fiskidagaárið fekk heldur onga undirtøku – og kundi heldur ikki fáa tað á avtalaðu tingfundunum. Fiskidagaárið er eftir lógini 365 dagar og tað byrjar 1.september. Skal tað broytast, so skal lógin um vinnuligan fiskiskap eisini broytast. Átalurnar Hans Gammeltoft-Hansen, kann­ ingarstjóri mælti í sínari frágreiðing til, at bæði Kaj Leo Holm Johannesen, løgmaður, og Kári P. Højgaard, fyrrverandi landsstýrismaður, fingu hvør sína átalu. Hesin tók tingsins formansskapur undir við – eftir nakrar harðligar fundir. Tí legði tingformaðurin tvey uppskot fram til samtyktar, sum góvu løgmanni eina álvarsliga nøs og Kára P. Højgaard eina nøs fyri teirra handfaring av málinum um Skálafjarðartunnilin. Og tað sást at beinarbeiði í flokkunum var gjørt til lítar. Í báðum føri vóru uppskotini einmælt samtykt – altso 33 tingfólk atkvøddu fyri átalunum. Misálitið Nú kom so stundin, sum øll høvdu væntað og summi stúrt fyri. Høgni Hoydal, Tjóðveldi, og Poul Michelsen, Framsókm. Løgdu uppskot fram um misálit á løgmann. Tá ið hetta hendir, so steðgar øll onnur viðgerð í tinginum, men hendan daginv ar alt avgreitt áðrenn uppskotið kom á tingborð. Misálitið byggir á, at løgmaður fleiri ferðir tilvitað – sambært kanningarstjóranum – hevur borið tinginum skeivar upplýsingar í sambandi við Skálafjarðartunnilin og tær samráðingar, sum fóru fram í juni 2013. Ongin ivaðist í, at andstøðan fór at atkvøða fyri misálitinum, hóast hvørki Javnaðarflokkurin ella Sjálvstýrisflokkurin vóru við at leggja uppskotið fram. Spenningurin var tí meira um, hvat samgongan fór at gera. Skjótt var greitt, at Miðflokkurin ikki fór at atkvøða fyri uppskotinum, tí flokkurin helt, at átalan frá tinginum var n óg mikið. Fólkaflokkurin meldaði ikki út – burtursæð frá Jákup Mikkelsen, formnanni í tingbólkinum. Hann boðaði frá, at hann fór at atkvøða fyri misálitisuppskotinum. Í Sambandsflokkinum stóð nógv á, men lítið sannlíkt var, at nakar í flokkinum fór at atkvøða fyri uppskotinum. Tá ið avtornaði vísti tað seg, at tríggir limir í Sambandsflokkinum atkvøddu blankt. Úr Fólkaflokkinum atkvøddu tey eisini blankt – burtursæð frá Jákup Mikkelsen, sum atkvøddi fyri og Jógvan á Lakjuni, sum atkvøddi ímóti. Endaliga atkvøðugreiðslan var, at 14 atkvøddu fyri misálitis­ uppskotinum, níggju ímóti og 10 atkvøddu blankt. Fyri at eitt uppskot um misáliti er samtykt, skulu minst 17 tingfólk atkvøða fyri tí. Soleiðis endaði hesin dagurin fyri løgmann. Kaj Leo Holm Johannesen heldur, at hann í sambandi við hetta mál hevur veirð fyri ómetaliga hørðum ágangi. Hann hevur eisini biðið um umbering fyri at hava borið skeivar upplýsingar fyri tinginum, men kortini kom ujppskot um misálit. Hesin tingdagurin endaði. Ein kann ikki siga, at tað var ein lætti. Ongin jubil var í tingsalinum, men fólk tóku stillisliga í hondina, hvør á øðrum. Nú fóru tey heim til eitt valstríð. Eitt valstríð, sum avgerð um tey sleppa aftur á Tinghúsvegin í Havn eftir 1.september.