mánadagur 10. august 2015síða 10

Mánadagur 10. august 2015 · Nr. 90 10 Sosialurin Hugskot og viðmerkingar – send sms til 225000 Fólksligt fríggjadagspunktum Nøvn, ið hava vunnið fólksligt pláss í hjørtunum á føroyingum, endaðu Summarfestivalin fríggjakvøldið Dagfinn Olsen Røkkvi og Hans Andrias settu hol á Tað vóru ungu tónleikanøvnini Røkkvi og Hans Andrias, ið áttu fyrstu framførslurnar fríggjakvøld­ ið. Hesir komu væl frá tí. Klokkan var 19.00 og fólk gingu aftur og fram og hugnaðu sær, meðan tað smásirmaði, men báðirbólkar megn­aðu at gera vart við seg og fáa fólk at rakna við. Hóast fyrstir á pall á ljósum degi, og smædni av og á hómaðist, so var hetta frálík byrjan uppá fríggjadagsskránna. dagfinn@sosialurin.fo Sakaris So fór Sakaris á pall á Torginum. Sakaris hevur ikki evnini frá fremmandum. Han er sonur Martin Joensen, men hann hevur valt heilt aðra leið innan tónleikin, nevnilga techno. Og er hann góður tilhetta. Hann hevur góðar tekstir – á enskum, og løgini eru lívlig og sera fangandi. Tað sást eisini á fjøldini, at her vóru als ikki bert ungfólk, men tey gránaðu lurtaðu eisini, og kundu ikki annað enn vagga ella dansa við vælswingandi tónleikinum. Sakaris hevur løg, ið hava verið nógv at hoyra í útvørpunum. Hann hevur eisini verið á ferð úti í heimi. Hetta var hansara fyrsta kon­ sert í Klaksvík. Helst kundi Sakaris klárað at staðið á stóra pallinum, um hann sleppur framat aftur. Í øllum førum eigur hann at sleppa í tjaldið, har ljóðgóðskan í ár var betri enn undanfarin ár. Guns4Sale Tá Roxette hevði endað sína framførslu á Summarfestivalinum fríggjakvøldið við einum rock­ braki, varð hildið fram í sama stíli.  Edmund Jacobsen, kendur úr Chase,  var á odda fyri Guns4sale, har manningin annars er donsk. Og bólkurin hevði eina harða, góða og sannførandi framførslu í tjaldinum, har ljóðgóðskan eisini í ár er betri, enn nakrantíð áður.  Harður 80ara rockur setti lív í, og Edmund er eisini sum tikin úr leikum at fáa fólk við, og hetta var sum ein bumbubrestur, tí tað kendist, sum hevði manningin bíðað sera longi við spenningi eftir at sleppa at spæla. Eins og tá proppurin fer av eini ristari colafløsku. Samfelt í eitt orð kann hetta lýsast soleiðis: orka!!