mánadagur 10. august 2015síða 12

Mánadagur 10. august 2015 · Nr. 90 12 Sosialurin Hugskot og viðmerkingar – send sms til 225000 Fólk á Summar Festivalinum – Dámi at hyggja eftir bátunum Eitt av búfólkunum í Heimið við Vánna er 67 ára gamli Finnur Hvidbro. Tá vit møta Finni, ið situr í koyristóli, ger hann seg kláran at fara ein túr í býin. – Mær dámar væl at trilla ein túr runt vánna og hyggja eftir bátunum. Tað er ógvuliga stuttligt at síggja alt lívið í býnum og um vánna í góðveðrinum. Mær dámar væl stemningin, og so kennir man altíð nógv fólk. Eg havi siglt sum sjómaður, so eg kenni nógv av hesum ungu fólkunum, ið vitja festivalin. Við báti á festival Umborð á einum av flottu bát­un­ um, ið liggur við bryggju á Summar Festivalinum, hitta við Fróða Nolsøe úr Sørvági. Hetta er annað árið á rað, at Fróði og familjan eru á festivalinum við báti. – Eg sigli við Gadus, so tað er ikki altíð man er heima. Men so leingi sum man er heima, og tað liggur fyri, so er man á festivalinum saman við konuni og børnunum. Fróði dámar best at vera um­ borð á bátinum, men fer av og á inn á festivaløki at lurta eftir tónleikinum. – Eg vil gjarna vera umborð, men onkra hendingaferð lurti eg eftir onkrum konsertum. Eg fylgi ikki við tí útlendska, men dámi betri føroyskan tónleik sum Byrta, Marius, Hanus G. og Frændur. Vinmenn á Summar Festivalinum Stutt undan konsertina hjá Roxette fríggjakvøldi møttu vit ungu vin­ menninar Halli, Levi og Djóna, ið vóru sum so mong onnur á veg til stóra pall at hoyra høvuðsnavnið á festivalinum. Hóast teir einans eru fjúrtan ára gamlir, so gleddu teir seg at hoyra 80´ara bólkin Roxette. – Vit gleða okkum mest til Roxette. Vit kenna kanska ikki øll nøvnini á teirra sangum, men tá vit hoyra teir, so kenna vit teir. Vinmenninir vóru væl nøgdir við festivalin, og umframt Roxette, so dámdu teimum eisini væl hitt høvuðsnavnið, Lukas Graham, ið framførdi hóskvøldið. – Her er ordiliga gott at vera. Her eru góðar konsertir og nógv fólk, og so var konsertin hjá Lukas Graham hóskvøldið eisini ræðuliga góð. – Her er mega hugnaligt at vera Í mattjaldinum hjá Hvonn standa tær tríggjar ungu kvinnurnar Hild­ ur, Edit og Johanna Sofía. Tær eru á festivalinum sum starvsfólk hjá stóra matstovufelagnum í Havn. Tær viðganga tó, at tað ikki er arbeiði, ið dregur tær tríggjar havnarkvinnurnar til Klaksvíkar. – Vit komu serliga fyri Lukas Graham. Tær hava verið á festivalurin allar dagarnar, og umframt Lukas Graham, so eru tað tveir aðrir bólkar, ið tey hildu hava góðar framførslur. – Her er mega hugnaligt at vera, og umframt Lukas Graham, so vóru konsertirnar hjá Frændur og Marius Ziska eisini ordiliga góðar. Finnur Hvidbro Hildur, Edit og Johanna Sofía