mánadagur 10. august 2015síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 10. august 2015 · Nr. 90 Hallur, Levi og Djóni Fróði Nolsøe Steintór Rasmussen: – Festivalurin hepnaðist bara væl Summar Festivalurin 2015 er nú farin aftur um bak, og hóast veðrið argaði festivalin leygarkvøldið, so vitjaðu umleið 10.000 fólk festivalin teir tríggjar dagarnar, ið hann vardi. Ein av fyrireikarunum av festi­ valinum, Steintór Rasmussen, situr við eini góðari kenslu nú festivalurin er liðugur. – Eg eri sum heild væl nøgdur við festivalin. Serliga tí vit fingu gjøgnumført eina fjølbroytta og spennandi skrá við stórum nøvn­um allar dagarnar. Veðrið var eisini gott, tá stóru nøvnini, Lukas Graham og Roxette, spældu hóskvøldið og fríggja­ kvøldið, so tað hepnaðist bara væl. – Fólk komu eisini í hampi­ ligum góðum standi heimaftur aftaná eitt langt vikuskifti við tónleiki og vertskapi, har tey koma í bilum, bátum og tjøldum. Eg eri glaður og eyðmjúkur um, at tað yvirhøvur spældi so væl av. Steintór Rasmussen metir, at tað vóru millum 10.000 og 11.000 fólk á ársins festivali. - Har hava verið um eini 10.000 – 11.000 fólk. Viku­skiftis­ armbondini vórðu øll seld. Tey vóru eini 8.000. Síðani koma ymisk onnur aftrat, so sum smærri børnini, ið sleppa inn ókeypis, starvsfólk, trygdarfólk og onnur. So eg meti, at tað hava verið eini 10.500 fólk á festi­ valinum. Høvuðsnavnið á ársins festi­ vali var svenski bólkurin Rox­ ette, ið spældi á Vágsbøi fríggja­ kvøldið. Tað var eisini ein av konsertunum, ið Steintór Ras­ mussen sjálvur var til. – Tað var kjak um bólkin og forsangarinnuna áðrenn kon­ sertina, men eg haldi tað eydnaðist væl. Hon er ikki heilt frísk, hevur ikki javnvág í kroppinum og orkar ikki tað sama sum fyrr. Men stríðsviljin at koma á pallin, at kempa seg fram, tað sóu nógv nakað sterkt í. Tað var eitt sterkt symbol uppá eina lívskraft, ið einaferð í tíðini eisini hevur borið hana upp á hægstu tindarnar í tón­ leikaheiminum. Triði dagurin varð eyð­merkt­ ur av, at veðrið versnaði so nógv, at stóri pallurin mátti takast niður. Sostatt vórðu tær kon­ sertirnar, ið skuldu vera á Vágsbøi og Torginum, fluttar í Tjaldið ella Badmintonhøllina. – Vit gjørdu eina broyting, tá vit vistu at veðrið ikki fór at halda sær. Tey allarflestu hoyr­ du tó tað, ið tey vildu. Ongin konsert varð avlýst, so tað er nokk so flott. Um ringt veður skuldi ávirka nakran dag, so var tað eisini leygardagin, tí tað hevði ikki borið til at flutt Lukas Graham ella Roxette. Tá Roxette trein á pall fríggjakvøldið, var konsertin nakrar ferðir avbrotin av, at ljóðið hvarv. Tað harmast Stein­ tór Rasmussen um, men sigur at tað er lítið fyrireikararnir kunnu gera við tað, tí útlendsku bólk­ arnir hava oftani síni egnu ljóðfólk við. Í staðin harmast Steintór Rasmussen um, at ljóð­ ið í Badmintonhøllini, har eitt stórt barnatiltak var leygar­ dagin, var so vánaligt. – Tað er umráðandi, at man hugsar um alla góðskuna, eisini hjá teimum minstu. Stóru bólkarnir hava oftani egnu ljóðfólk við, so har er tað ikki nógv, ið vit kunna gera, um okkurt er galið á Vágsbøi, men á hinum pallunum kunnu vit ikki skylda uppá nakran annan enn okkara egnu ljóðfólk. – Eg eri eisini mest misnøgdur um, at ljóðið ikki var betri til barnatiltakið leygardagin. Eg eri vónbrotin av, at ljóðið ikki virkar tá man skal framføra við børnum, ið skulu út og blomstra frammanfyri eini fullari høll. Vit høvdu sagt við okkara ljóðfólk, at tað skuldi vera klárt og ljóða gott, tá barnatiltakið byrjaði klokkan trý. So tað skuffar meg, og tað er átaluvert, at tað ikki ljóðaði betur.