mánadagur 10. august 2015síða 14

Mánadagur 10. august 2015 · Nr. 90 14 Sosialurin Hugskot og viðmerkingar – send sms til 225000 Roxette sigraði í sirmi Í sirmi eydnaðist Roxette at vinda rockmaskinuna við mongu hittunum upp, so hitin stóð frá. Dagfinn Olsen Klokkan 22:00 fríggjakvøldið fór Roxette á stóra pall á Vágsbøi, og høvuðsnavnið á ársins Sum­ marfestivali var í gongd.  Sangarinnan Marie bleiv leidd innar og sett á ein stól So byrjaði, meðan so smátt fór at skýma.  Í byrjanini tóktist, sum var tað eitt sindur trilvandi, og fólk teskaðu sínamillum, at kanska Marie ikki orkaði. Og omaná, so hvarv ljóðið tá fyrsti sangurin skuldi enda.   Men spakuliga vant framúr vælspælandi bólkurin seg upp. Gamaní vóru løtur, har Marie tók lægri tónar, heldur enn at fara í hæddirnar, sum vit kenna frá útgávunum. Men vælspælandi manningin vant seg upp, ljóðmenn funnu røttu ljóðmyndina, og eftir áleið ein hálvan tíma koyrdi alt sum tað skuldi í takt við, at skýmingin legði seg um Vágsbø.   Ymiskar væntanir Marie hevur stríðst við herviliga sjúku, og øll vistu, at hetta hevur verið harður dystur, ið hon er merkt av. Men viljan hevur hon. Og tá maskinan var smurd, so gekk alt sum tað skuldi, og eisini Marie vísti í ávísum løgum, at hon saktans kann. Tað er óivað ymiskt, hvat fólk hava væntað sær Roxette. Men tað hevur ikki verið fjalt, at Marie hevur verið illa sjúk, og at hon er merkt av hesum. Heldur hinvegin, tí hetta hevur verið nógv frammi í miðlunum, eisini føroyskum miðl­ um nú undan Summarfestivalinum. Tó vóru tað tey, ið ikki dugdu at skilja ímillum Roxette á eini topp framleiddari útgávu fyri eini 20 til 25 árum síðani, og so dagsins Roxette live á palli. Tað hoyrdist á tosinum ymsa­ staðni á Vágsbø, tá Roxette byrjaði. Men sjálvsagt merkir tað fram­før­sl­ una, at sangarin situr niðri. Roxette spælir rock-popp. Og hendan manningin spældi avgjørt meira rock, enn popp. Men hin helvtin av sjálvum Roxette, Per, var afturfyri lívlgur á palli, saman við restini av manningini, so har skortaði onki. It Must Have Been Love!! Marie sang ein sang miðskeiðis undir konsertini, har hon var á palli, og bert ein klaverleikari við henni. Ein innilig løta, har hon vísti, at hon ikki er liðug sum sangari. Sum heild vant showið seg upp, og bleiv bara betri og betri. Og hetta merktist á Vágsbø, men sanniliga eisini á pallinum, har tey hugnaðu sær. Tá ”It Must Have Been Love” kom, sang fjøldin við, og staðfesti, at talan var um ”Love”. Fólk sluppu at syngja við til øll hittini, og tey elskaðu tað! Tá ”Joyride” ljómaði, hvarv ljóðið aftur eitt sekund,men tá koyrdi alt við fullum drøni, so tað fór framvið uttan hóvasták. Summi grótu Hóast ójøvn á máli í byrjanini, so er tað óivað so, at Marie sannførdi tey allar flestu um, at hon er við aftur og sanggleðina kann ongin taka frá henni. Og hóast hon ikki er tann sama, sum fyri 25 árum síðani, so var hetta ein OK framførsla, ið hevði hittini, vælspælandi bólk, hart ljóð við veruligum trykki á, og so sangaran, ið sat niðri, men annars gav eina framførslu, ið helst var inniligari, enn um hon rann runt. Helst beinraknastu viðmerk­ing­ ina um avrikið hjá sitandi sang­ aranum eigur sangkvinnan Guðrun Sólja Jacobsen í eini kjakviðmerking á facebook, har fólk vóru ójøvn á máli. Guðrun skrivaði soleiðis: Eg græt ofta, eg helt tađ var vakurt. Hetta var ikke ein konsert um ' hygg hvussu skide góđ vit eru', men meira 'vit eru á lívi og vit kempa ein kamp '. I loved it!!!!! Og hasi orðini lata vit standa eina løtu. Rockaði Samanlagt eitt rockshow við øllum teimum mongu popphittunum, har fightarin Marie vaks við uppgávuni, so hvørt sum ljóð og tónleikur náddi hæddirnar. Ein sera, sera vælspælandi bólkur, sum rockaði, so tað stóð eftir. Hvørt hetta er besta konsertin á Summrfestivali nakrantíð eru kanska ymsar metingar um. Helst er hon millum topp fimm. Í øllum førum ein konsert, har vit fingu hitt omaná hitt, ein vælspælandi rockbólk, hart og gott ljóð, og so tey bæði, Per og Marie, ið høvdu sjarmu og nærveru. Seinna helming av konsertini hugsaði neyvan nakar um, at sangarin ikki rann runt (tí tað gjørdu hinir afturfyri), ella at tað í løtum sirmaði, so hettan mátti á høvdið. Roxette vórðu klappaði aftur á pall, eftir framførsluna. Og sum eykaløg spældu tey Listen To Your Heart og The Look. Og tá kókaði á Vágsbøi!! Roxette uttan roks. Roxette, ið kom, sá og sigraði í sirminum við einum stúgvandi fullum Vágsbøi, har øll sungu við.