týsdagur 11. august 2015síða 19

19 Mikudagur 12. august 2015 · Nr. 91 Sosialurin Hugskot og viðmerkingar – send sms til 225000 Vilhelm Hendrik í Skálanum valevni Miðfloksins. Tað var ikki sørt ófrættakent at lesa tær ákærur, ið Sonja hevur blak­að eftir Mið­ flokk­inum. Men onki er Miðflokkurin dumpaður á nøkrum øki, og hann hevur onki at skammast við. At Sonja metur samkynd standa fyri skotum er burturvið. Mið­ flokkurin stendur einans á bý­ múrunum og verjir borg og er ikki áloyp­andi parturin. Áloypandi part­urin eru konsonantarnir (LGBT) og viðhaldsfólk teirra. Tað er onki minni enn óerligt at leggja eftir teimum, ið verja borg, við tilsipanum til, at lopið verður á. Tá kann Sonja jú átaka sær offur­ rolluna samstundis, og tað er óiva eisini ætlanin við tí heila. Tað mest fantastiska er, at hon samstundis metir seg vera tolsama, hóast hon ikki orkar tankan um, at sera mong ikki taka undir við henni. Sonja vil vera við, at sjónar­ mið­ini hjá Miðflokkinum eru mið­aldarlig, og at flokkurin renn­ur undan veruleikanum. Hvat summi menniskju ynskja at gera, er fyri tey ein veruleiki, men tað gerist ikki veruleikin hjá øllum. Harafturat er hettar at kalla sera nógvar føroyingar fyri miðaldarligar, og har er skjótt at takað munnin ov fullan. Tað er ikki, og verður ongantíð, miðaldarligt at byggja á tryggan grundvøll og ásanna at best er at byggja land á Orð Guds. Uppáhald At "fleiri fólk seinastu 4 árini, eru vorðin fátækari, at heilsuverkið er í andaleypi, at barnafátækradømi gerst verri, at munurin á fólki veks­ ur, og at peningur verður stolin frá framtíðar ættarliðum", eru sterk orð, men eru einans tað. Hetta er persónlig meining, og eigur ikki at vera sett fram sum eitt slag av staðfesting frá Sonju. Ongantíð áður hevur staðið so væl til á flestu økjum, sum júst nú. Men vit viðurkenna, at komið er ikki á mál enn. Miðflokkurin hevur harafturat verið við til at stýrt við hepnari hond. Høgrapolitikkur og vinstrapoli­ tikkur finst innan Miðflokkin. Tí er talan um ein "Mið"flokk, og Miðflokkurin førir ein politikk, ið er í samsvar við tað, ið vit siga okk­ um umboða. Har ið allir innan flokkin eru samdir, er talan um bleyt virðir (hjúnabandið, fosturtøku, Ísrael, børn, Kristna siðvenju, misnýtslu av rúsevnum og rúsdrekka o.s.fr.) Miðflokkurin er við til at skapa einar tryggar Føroyar, og ynskir at verja hjúnalagið, ið er ein av størstu hornasteinunum undir okk­ara væl­ferðarsamfelag. Endurtøka Sonja sigur: "Samkynd og fosturtøkur skulu nú á dagsskránna, so vit kunnu gloyma, at fleiri fólk eru vorðin fátækari, at vit hava eitt heilsuverk, sum ekur á knøunum, at skattalætti varð latin til tey, sum frammanundan høvdu nóg mikið, at munurin millum rík og fátøk veksur, og at Miðflokkurin hevur gingið á odda við at ræna pening frá framtíðar ættarliðum við pensjónsuppskotinum, sum Mið­flokkurin var við til at atkvøða ígjøgnum." Her verður sami retorikkur nýttur, so at lesarin kann fáa tað fat­an, at talan er um eina stað­ festing at hesum. Til ber at geva ein javnan skatta­ lætta í %, til allar virknar hendur, Sonja. Ein javnur skattalætti í krónum og oyrum letur seg ein­ fald­liga ikki gera. Tey há og miðal­ løntu í Føroyum gjalda enn stóran part, og bera tunga byrðu eins og áður - bæði við at gjalda av eini størri upphædd, men eisini við pro­ gressivi­tet­in­um í "flat"skattaskip­ anini. Men Miðflokkurin hevur sum hjartamál, at ongin skal líða nakra neyð í Føroyum, og vit hugsa altíð um tey veiku í fantastiska samfelagið okkara. Hygg inn á www.midflokkurin.fo <http:// www.midflokkurin.fo> , og sí tey lógaruppskot, ið Miðflokkurin hev­ ur lagt fram seinastu mongu árini. Og nei, Miðflokkurin rennur ikki undan nakrari ábyrgd. Talan er um 4 ára politiskt dugnasemi, ið vísast kann á. Offurrollan/LGBT Sonja heldur á við hesum: "hvat er tí hentari enn at skjóta eftir samkyndum og LGBT Før­ oyum, og fyri at seta fulla skrúðu á verður fosturtøka eisini drigin fram sum valagn." Sum nummar eitt, draga vit ikki LGBT framm. LGBT promoverar seg sjálvt. Vit verja einans borg, tá lopið verður á. Hettar er lyftið okkara til veljaran. Sostætt eru tit ikki nøkur skotskiva hjá Mið­flokk­ inum. Tit leggja haraftur­ímóti eftir Miðflokkinum og veljara­skara flokksins. Sum nummar tvey, hava vit ikki júst drigið málið um fosturtøku fram. Tað hevur verið permanent frammi í flokki okkara, síðani flokk­urin var stovnaður, og verður tað eisini í framtíðini, so leingi tørvur er á tí. Harafturat er ikki talan um val­ agn, men áhaldandi politikk Mið­ floksins. Eg kundi hugsa mær at vita hvørji brotin lyfti og hvat politiskt ódugnasemi, Sonja sipar til. Tí um talan er um svaduna í erva, so er ikki nokk at hava eina meining um at so er - okkurt ítøkiligt má hon hava. Og tað má eisini kunna vísa seg at vera Miðflokkurin eittans, ið so hevur svikið, tí lesarabrævið er bert adresserað til okkum, og ikki til nakran annan samgonguflokk. Kann Sonja vísa á nakað slíkt dømi? Fosturtøka Sonja sigur: "Heldur enn at flyta fokus á fosturtøkur, skuldi Miðflokkurin roynt at tikið sær av teimum mongu livandi fátøku børnunum í Før­oyum." Tú mást skilja hettar, Sonja - tey ið vera dripin í móðurlívið, ERU livandi áðrenn tey fara undir læknahond. Hetta eru tey fátæk­ astu livandi, ið land okkara eigur. Hettar, at hugsa einans um føddu smábørnini, er sum at standa yvir kjøtgrýtunum í galluni, með­an fleiri av teimum ið skulu mett­ast liggja uttanborða og eru um at drukna. Ein skal ikki gloyma fátøk, Sonja, men ein verður fyrst noydd­ ur til at leypa út á dekkið, fyri at fiska tey neyðstøddu upp úr sjó­ num. Ein raðfestur ikki at ser­vera mat fyri teimum umborð, fyrrenn ein hevur fingið bjarga teimum, ið lógu uttanborða. Hettar eigur at vera einfalt at skilja. At berjast fyri at hitt ófødda skal fáa rættin til lívið, er at royna at bjarga einum mannalívið....ja, enntá fleiri ættarliðum, um ein hugsar eitt sindur fram. Hetta má vera raðfest fyrst. At bøta um vælferðina hjá teim­um, ið longu fingu rættin til lívið, má eisini raðfestast, men ikki fyrst. Rætturin til lívið er sjálvandi fyrstur. Minst til at onki er so arvaligt, sum hetta. Um foreldur tíni ikki fáa sær børn, so fær tú ongi børn sjálv. Tað er veruliga so einfalt. Djúptøknar avleiðingar fyri eitt barn, sum livir í fátækradømi, er sanniliga nakað, ið Miðflokkurin leggur í. Men størsta fátækradømi er tað at lívið sjálvt verður tikið, áðrenn føðing. Les m.a. hesa grein: http://www. midflokkurin.fo/2013/04/16/vit- faa-ikki-frid-i-heiminum-fyrrenn- vit-faa-frid-i-modurlivinum/ <http://www.midflokkurin. fo/2013/04/16/vit-faa-ikki-frid-i- heiminum-fyrrenn-vit-faa-frid-i- modurlivinum/> Frástøða Afturat hesum vónar tú, at allir andstøðuflokkar fara at taka frá­ støðu frá politikki Miðfloksins. Hettar endurtók tú eisini við út­ søgn tíni, nú tú alment boðaði frá upp­stilling. Tú sigur at tú ikki ætlar tær í samgongu við Mið­ flokk­in. Hetta er vorðið sum útsøgn og stevnuskrá. Ein slíkur hugburður byggir múrar longu áðrenn ting­ ing­ar. Miðflokkurin er opin fyri ting­ ingum eftir valið, og fer ikki at boykotta nakran flokk framman­ undan, eins og Sonja ger. Kontra til orðini, um at takað frástøðu, vil eg inniliga heita á øll um at velja Miðflokkin til hettar valið. Hettar er valið, har ið LGBT og viðhaldsfólk teirra fara at royna at trumfa lógarbroytingar ígjøg­ num. Hettar er lagnuvalið undan kom­andi debatt um ættleiðing. Veljið ein sterkan Miðflokk inn á ting, og hvíl í tí, at tað m.a. verður arbeitt ímóti lógarbroytingum til hjúnabandslógina. Sera neiligt Tað má viðmerkjast at orð tíni mótvegis Miðflokkinum eru sera neilig. Tú vil geva okkum skyldina fyri alt, og ynskir óiva at lasta okk­ um fyri enn meir. Einans 2 ting­ limir millum 33 hava ífylgi tær skyldina í nærum øllum. Kanska illveðrið í vár, stríðið í Sýria­landi, tekning/projektering av Karla­ magnusar­breyt og hungursneyðin í Bangladesh verður tilskrivað okk­ um seinni? Tú endar við at siga, at tað bara er ein spurningur um tíð, til tað eisini fer at bera til hjá tykkum at giftast borgarliga. Skal ein hyggja at grannalondum, so sæst at ein tílíkur endi er møguligur. Men hann verður ikki uttan ávaring og mótstøðu. At máða støðið undan hjúnalagnum, er ein ræðulig søk at brenna fyri. At berjast fyri at týna hinum ófødda er tað við. Miðflokkurin fer í staðin at stríða hitt góða stríðið, har hitt ófødda skal verjast best møguligt, og har hjúnabandslógin fær frið. Jú gamaní, ein gerist tá líka væl avhildin sum fleskasteikin í Sýnagoguni, men longur menn­ iskju eru gingin frá sannleikanum, jú meir vera vit hataði ið enn tala hann. Sera jaligt Ver vælkomin á mína politisku Facebook síðu, via hesa leinkju: h ttp s : / /w w w. fa c e b o o k . c o m / p a g e s / Vilhelm-H-%C3%AD-Sk%C3%A1lanum- Mi%C3%B0flokkurin-st%C3%B8rri-%C3 %A1virkan/957739810959704?ref=bookm arks <https://www.facebook.com/pages/ Vilhelm-H-%C3%AD-Sk%C3%A1lanum- Mi%C3%B0flokkurin-st%C3%B8rri-%C3%A1 virkan/957739810959704?ref=bookmarks> Ófrættakent LØGTINGSVAL 2015 Valgreinar Føroyskt mál og mentan eru okkara grund­súlur Annita á Fríðriksmørk Familja okkara úr Hebridunum, hevur verið her á vitjan nak­rar ferðir. Tey undrast stór­ liga, tá ið tey hoyra um styrkina í føroyska málinum. Og eru so bergtikin av tí samskifti, sum tey hoyra, at eisini okkara ungu hava sínamillum. Ikki nóg mikið við tí, - men so hava vit eisini radio og sjónvarp og tíðindabløð á okkara egna máli. Og hópin av ment­anarstovum, sum siga frá okk­ ara mentan og siðsøgu. Málsøga teirra er í stuttum, at keltiskt varð tosað og verður fram­ vegis tosað millum tey, sum eru javn­gomul við meg og eldri. Men børn­ini har og tey ungu duga illa kelt­iskt. Tey tosa øll enskt sína­ ímill­um. Meðan keltiskt sum tað talaða málið er á veg út úr daglig­ degnum. Hetta dømi kundi eisini verið úr Hebridunum ella Orknoyggjum. Men ikki Føroyum! Tó má støða okkara ikki gerast ein koddi, sum vit leggja okkum afturá, og halda at her stendur so sera væl til. Skal mál og mentan yvirliva í ein­um samfelag við lutfalsliga fáum íbúgvum, skal tað styrkjast javnt og samt. Fjølmiðlar og skúli hava sum er høvuðsábyrgdina av málrøktini og stóra ávirkan á málsligu gongdina í samfelagnum. Tað er tí neyðugt at tey, sum manna hesar stovnar fáa tað neyðugu útbúgving og eftir­ útbúgving sum tryggjar tey fakliga og málsliga. Eisini eiga vit at tryggja okkum, at teir mentanarstovnar sum Nám og Søvn Landsins og Listasavnið sum gera eitt miðvíst arbeiði hava tey kor og karmar, sum er neyðugt fyri at geva málinum og mentanini neyðugu styrkina. Miðvísa arbeiði hjá bókasavns-, skjalasavns- og musealum virksemi sæst aftur í vitanini og tilvitanini hjá okkum føroyingum. Hetta end­ ur­speglar okkara vitan um, hvar vit eru sum tjóð og hvaðan rótin rann. Hetta styrkir okkara mótstøðuføri og móttøkuføri í tí alheimsgerð, sum vit ynskja og skulu verða part­ ur av. Tí eiga vit at menna og styrkja hesar stovnar og skúlar og harvið okkum sum tjóð. Hesum eigur ein komandi sam­ gonga at leggja seg miðvíst eftir.