mánadagur 17. august 2015síða 8

Mánadagur 17. august 2015 · Nr. 93 8 Sosialurin Hugskot og viðmerkingar – send sms til 225000 Etisku virðini frems Miðflokkurin fer til val við lyftinum at verða tað trygga alternativið hjá ófødda barninum, familjuni og samfelagnum. Lagaligur skatta- og avgjaldspolitikkur og startpakkar til tey, ið vilja setast niður og stovna familju í Føroyum eru konkret vallyfti. – Men høvuðsavbjóðingin er at steðga øllum royndum at bjóða skaparanum av í løgtingsarbeiðinum, sigur Jenis av Rana Rógvi Nybo Miðflokkurin er klárur til enn eitt løgtingsval. Mið­ flokkurin hevur í fleiri um­ førum verið tann flokkurin, sum fær politisku kabalina at ganga upp, tá samgonga skal skipast. Í seinna sjálvs­ stýrislandsstýrinum frá 2002­ -2003 gjørdist Mið­flokkurin lykilin til meirilutan. Í 2008 sat Miðflokkurin eisini við buktini og báðum endunum, tá CHE-samgongan saman við Javnaðarflokkinum og Tjóðveldi varð skipað. Og tá núverandi samgonga varð skipað í 2011, saman við Sjálvstýrisflokkinum, sum var við frá byrjan, men fór úr samgonguni seinni, var Mið­ flokkurin eisini lykilin. Tískil hevur Miðflokkurin í fleiri umførum sitið við avgerandi tingsessunum, sum kunnu fáa kabalina at ganga upp. Tá ber eisini ofta til at fáa upp til fleiri av sínum vallyftum við í samgonguskjalið. Og Miðflokkurin er klárur við teirra lyftum, um teir skulu gerast partur av samgongu aftur eftir valið. Etisku virðini fremst Miðflokkurin kennir sínar styrkir, og tað gera hinir politisku flokkarnir eisini. Miðflokkurin fer eisini til val við tí fremsta lyfti, at Før­ oyar skulu verða eitt trygt samfelag, »líka frá gitnaði til natúrligt andlát«. Miðflokk­ urin leggur stóran dent á, at eitt nú fosturtøkulógin og spurningur um aktiva deyðs­ hjálp ikki verða tikin upp og liberaliserað. Um nakað, ynsk­ir Miðflokkurin at herða hesar lógir og lógartryggja borgaranum lívið. – Ein grundlóg, ið ikki tryggjar borgaranum henda karm, er ikki vert at kalla ein grundlóg. Familjan er grund­ arsteinurin í trygga sam­fel­ agnum, og hesin karmur skal styrkjast og verjast. Allar royndir at bjóða Skap­ara­ num av, mugu steðgast. Hetta er kanska høvuðs­ avbjóðingin hjá Miðflokki­ num í løgtingsarbeiðinum, segði Jenis av Rana, tá hann legði valskránna fram fríggja­ morgunin. Hetta merkir, at Mið­ flokkurin, hóast nógv onnur ting eisini standa í val­ skránni, hevur hetta mál sum sítt fremsta, og harvið heldur fast í hornasteinin í politisku stevnuskrá floks­ ins. Barnið og familjan fáa mest Familjan og barnið fylla sera nógv í valskránni hjá Miðflokkinum, og ganga aftur í næstan øllum lyftum hjá flokkinum. Millum hesi lyfti kunnu nevnast, at Miðflokkurin vil tryggja, at eingin livir í fá­ tækradømi í Føroyum. Men hetta skal ikki gerast við lógarbroyting, har skorið verður um breiðan kamb. Hinvegin vil Miðflokkurin lata tað verða ein meting­ arspurning hjá Almanna­ stovuni, har einstakar fam­ iljur skulu hava møguleikan at koma inn og fáa mett um, hvørt tey eru í fátækraváða og skulu hava fíggjarliga hjálp frá Almannastovuni. Miðflokkurin hevur eisini sum mál at leingja barsils­ farloyvið upp í eitt ár, geva øllum rætt til barsilsfarloyvi og at hækka hægsta útgjalds­ upphæddina, sum í dag er 25.000 krónur. – Tað er ein veruleiki, at miðalinntøkan í Føroyum er 24.000 krónur. Tí eru sera nógv, ið hava inntøkumiss av at taka barsilsfarloyvi, segði Jenis av Rana Harafturat vil flokkurin hava stigvísan barnastuðul, sum hækkar fyri hvørt barnið, ið kemur afturat, umframt at flokkurin vil lata ein startpakka til tey, ið fara í hjúnalag, eiga fyrsta barnið, venda heim eftir lokna Etisku virðini hava fremstu raðfesting hjá Miðflokkinum. Ein grundlóg, ið ikki tryggjar borgaranum rættin til lívið, líka frá gitnaði til natúrligt andlát, er ikki vert at kalla eina grundlóg, staðfestir Miðflokkurin í valskrá sínari Mynd: Jákup Justinussen