týsdagur 18. august 2015síða 18

Mikudagur 19. august 2015 · Nr. 94 18 Sosialurin Ójavni, aldurssamansetingin í sam­ felag­num og haldførið í bú­skapi­ num eru tey trý orðini, sum Javn­ að­ar­flokkurin brúkar í valskránni. Hesi trý orðini eru av­bjóð­ing­ ar­nar, sum ein nýggj samgonga noyð­ist at taka sær av. Og Javn­að­ ar­flokkurin vil hava, at vit fáa eitt rætt­vísari býti. Flokkurin vil eisini, at miðal­ aldur­in í Føroyum skal lækka. Hetta kann gerast við at fáa fleiri yngri barnafamiljur til Føroyar – og flokkurin vil eisini tryggja ein hald­ føran búskap. Aksel V. Johannesen, formaður í Javnaðarflokkinum, segði á tíð­inda­ fundi, at flokkurin hevur boð uppá loysnina av teimum avbjóðingum, sum standa fyri framman. Loysnirnar Yvirskipað so vil flokkurin, at tað ríki­dømi, sum er í Føroyum verður býtt á annan hátt enn gjørt verður í dag. Fyrst og fremst er talan um tað ríkidømið, sum svimur kring Før­ oy­ar og sum vit eiga atgongd til í fremmandum sjógvi. Hettar ríkidømi skal skal skapast og umskipast, so fleiri fáa ágóðar­nar av tí. Javnaðarflokkurin sigur, at skattalætti til lág- og miðal­inn­ tøkur­nar er ein máti at umskipa ágóðar­nar. Eitt annað stig á leiðini er at atgongdin til vinnuna verður betri og at virðisbýrið verður rætt­ vísari. Men samstundis sum flokkurin sigur tað, so sigur hann eisini, at vinn­an skal hava bestu karmarnar at arbeiða undir bestu kørmun Undir tí, at vinnan skal arbeiða undir bestu kørmum, so nevnir flokk­urin, at marknaðaratgongdin í øðr­um londum skal styrkjast. Føroyska vinnan hevur úi fleiri ár harmast um, at so høgur tollur skal gjaldast, tá ið Føroyar útflyta virk­aðar fiskavørur til ES. Hesar marknaforðingarnar gera millum annað, at tað ikki í løtu­ni loysir seg at gera nakað við upp­ sjóv­ar­fiskin, men heldur lata hann fara óvirkaðan av landinum. Eitt annað, sum Javnað­ar­flokk­ urin hevur á skránni er at styrkja vinnu­granskingina. -Vit halda, at tað almenna eigur at lata pening til vinnugransking. Hetta skal gerast á tann hátt, at fyri hvørja krónu vinnan letur, skal tað almenna lata tilsvarandi krónu, sig­ ur Aksel V. Johannesen. Hann vísir á, at hesin mátin tryggjar, at vinnan ikki setir gransk­ingar­ætlanir í gond, sum hon ikki trýr uppá. -Tað er vandin um tað almenna betal­ir alt. Skal vinnan eisini gjalda, so verður helst meira neyvt hugt eftir, hvørjar ætlanir verða settar í gongd, sigur hann. Familjan Ein av stóru trupulleikunum, sum vit fara at síggja í framtíðini er, at aldurs­samansetingin av okkum sum búgva í Føroyum er ov skeiv. Alt ov nógv fólk búgva her, sum eru ov gomul, so tørvur er á, at fleiri ungfólk og fleiri barnafamiljur seta búgv her. Fyri at bøta um hetta, so vil flokk­urin lata øllumn familjum við børnum undir skúlaaldur ein sokall­aðan barnabeina. Talan er um, at familjurnar skulu hava 1000 krónur um mán­að­in fyri hvørt barnið. Hetta fer eft­ir leysligari meting at kosta samfelagnum einar 40 milljónir krónur. Eitt annað, sum fer at gagna barna­familjunum er, at barns­burð­ ar­farloyvið skal leingjast til eitt ár. Hetta er eitt mál, sum hevur góð­an møguleika at koma gjøgnum poli­ tisku skipanina, tí fleiri aðrir flokk­ ar hava sagt seg vilja leingja barns­ burðarfarloyvið. Men flokkurin vil gera meira. Á dagsstovna- og skúlaøkinum vil flokkurin eisini raðfesta ein part av pengunum, umframt at flokk­urin vil lata lestrarstuðul í 12 mánaðir í staðinfyri sum nú í 11 mán­aðir. Flokkurin lovar eisini at veita lesandi við børnum ein hægri lestrar­stuðul. Eins og lig fólk burtur frá vandanum aðrir flokkar vil flokk­ urin eisini betra lestrar­um­hvørvið. Flokkurin vil seta fleiri nýggjar út­búgvingar í gongd, - bókligar og handa­ligar. Javnaðarflokkurin vil eisini skapa en lestarbý – ella eitt campus. Fátækraváðin Eitt av hjartamálunum hjá Javn­að­ ar­flokkinum er at fáa flest møgulig fólk úr støðum, sum kunnu gera,a t tey enda í fátækraváða. Hetta er fyrst og fremst gald­ andi fyri barnafamiljur, men hetta er eisini galdandi fyri stakar uppi­ hald­ar­ar og pensjonistar. Eitt serligt ískoyti skal latast barna­familjunum, sum liva í fá­ tækra­váða. Javnaðarflolkkurin: Vit skulu hava rættvísi í føroyska samfelagnum Tríggjar avbjóðingar eru fyri framman, sum skulu loysast kjótt, heldur Javnaðarflokkurin