hósdagur 20. august 2015síða 29

FRÍGGJADAGUR 21. AUGUST 2015 SOSIALURIN 95 29 »Okkara hundur bítur ikki!« Olga Kruse Hetta er eitt hjartasuff og varskó til eigarar á leysgangandi hundum. Vit eiga ein hund av lítlum slag, sum frá fyrsta degi av hevur verið partur av familjuni. Pápi mín var nú ein dagin farin gongutúr við hundinum fram við sjóvarmálanum. Sum teir ganga og njóta friðin, kemur bráðliga ein rímiliga stórur hundur undan einum neystahorni. Hann er leysur og hevur beina kós í móti okkara hundi. Við ferð gloypur hann um ryggin á hesum lítla við sínum stóra kjafti. Hetta hendir so brádliga, at pápi mín og lítli hundurin eru púra hjálparleysir. Okkara hundur verður harðliga kroystur niður í sandin, men tíbetur fær pápi mín, sum hevur okkara hund í bandi, togað so mikið í tað, at stóri hundurin ikki fær tak á okkara hundi og stendur tískil eftir við fullum kjafti av pelsi. Men hann gevst ikki so. Pápi mín syftir lítla hundin upp í føvningin og vendir síðani ryggin til leysa hundin. Men hesin kemur aftaná og loypir beint í krovið á honum. Pápi mín roynir sum frægast at verja seg sjálvan og neyðardýrið í føvninginum. Tá hundurin loypir á pápa mín, fær hann sparkað hundin so mikið fæst í búkin, at hann gevur seg og fer eitt sindur burtur frá. Men hann fer ikki frá teimum, fyrr enn pápi mín í sjálvverju kastar ein stein eftir leysa hundinum, sum – tó uttan at verða raktur – fer við halanum millum beinini yvir til ein drong, sum gongur eini 100 m longur frammi við bandinum sveinggjandi í hondini. Hesin drongur er sonur eigaran. Hendingin var so mikið skelkandi, at pápi mín fór beina leið heim til eigaran at tosa um, hvat júst var hent. Meðan pápi mín stendur uttan fyri húsini og greiðir frá, verður hann avbrotin av eigaranum, sum heldur forhánisliga sigur: »Nei, okkara hundur bítur ikki!« og smekkar síðani dyrnar í. Í góðveðrinum í dag avgera eg og sjeikurin at fara ein fjørutúr saman við okkara eitt ára gamla soni, og vit hava hendan sama lítla hundin við. Í bandi. Vit hava gingið eina løtu og standa øll og leita eftir skeljum o.ø. í sandinum, tá sjeikurin brádliga ger eitt róp og loypir upp! Nú er hesin sami leysi hundurin við ferð á veg í móti okkum. Hann steðgar beint framman fyri sjeikinum og sær út til at verða klárur at leypa á, men broytir ætlan og fer smáloypandi aftur til eigaran, sum hesuferð sjálvur gongur við bandinum í hondini og sær tilburðin. Hann stendur nakað burtur frá og bíðar, til hundurin kemur til sín og kvikar sær síðani avstað. Eg eri glað fyri, at eg ikki var einsa­møll við soninum og hundinum í dag, og eg tori illa at ímynda mær, hvat kundi hent við okkara soni, sum stóð í millum leysa hundin og okkara hund, um hesin valdi at leypa á enn einaferð. Eg eri tó vís í, at hundurin steðgaði og vendi, tí vit vóru tvey vaksin og tí í meiriluta. Orsøkin til, at eg skrivi hetta er, at hóast hesar hendingar, fær hetta ongar avleiðingar fyri eigaran ella hundin. Í ringasta føri fáa tey eina átalu og eina lítla bót frá lógregluni og kunnu síðani aftur fara ein túr við bandinum sveiggjandi í hondini. Men eg nokti at góðtaka, at vit antin ikki longur kunnu føla okkum trygg av tílíkum leysgangandi hundum ella heilt mugu halda uppat at ganga túrar við okkara hundi. Mær dámar væl tankan um at kunna lata hundin renna og spæla leysur í náttúruni. Men ein hundur kann finna upp á slíkt, hóast hann er væl vandur. Og tá eigarin hevur so lítið eftirlit við sínum hundi, at hendingar sum hesar – og verri van­lukkur – eru úrslitið, er mín meting, at eigarin bæði er líkasælur og ikki sørt frekur at halda áfram við at ganga við leysum hundi. So varskó! Hav hundin í bandi. Altíð. Í øllum førum til stig verða tikin til at avbyrgja eitt øki í granna­lagnum, sum burtur av er ætlað leys­um hundum at renna og spæla sær í. Eisini haldi eg, at lógin í samband við leysgangandi hund, ið ger seg inn á fólk og onnur djór, skal endurskoðast – ongantíð ov skjótt. 16. august 2015 Familjutúrurin, ið mundi endað við eini vanlukku Det Ferösche Compagnie invites you to a night with music, dance and entertainment. SJÓNLEIKARHÚSIÐ 21. August - 6. Septembur 2015 Atgongumerki til sølu á telefon 509190 ella við dyrnar ein tíma undan sýning. information.dfc@gmail.com Operation Valentine AlmAnnAmálAráðið Kunngerð um dag og tíð fyri valið o.a. sambært § 6, stk. 3 í løgtingsval Við heimild í § 6, stk. 3 í løgtingslóg nr. 49 frá 20. juli 1978 um val til løgtingið, sum seinast broytt við kunngerð nr. 69 frá 28. mai 2013, kunnger landsstýriskvinnan í Almannamálum hervið, at løgtingsval verður Týsdagin 1. september 2015 Atkvøðugreiðslan byrjar kl. 10.00 fyrrapart og heldur fram til kl. 20.00, ella so leingi veljarar møta uttan steðg. Vallistarnir liggja frammi til alment eftirlit hjá kommununum, og valkort eru send út til teir persónar, ið sambært lógini hava valrætt til løgtingið. Kærur um: a) at persónur ikki er komin á vallistan, b) at persónur av órøttum er tikin við, og c) um manglandi valkort ella valkort við feili ella mangli skulu stílast til avvarðandi kommunu. Kommunustýri skal uttan drál viðgera innkomnar kærur. Vísir tað seg, at mangul ella feilir eru í valkorti ella vallista, skal mangul ella feilur rættast við at útskriva nýtt valkort, og rætting gerast í vallista. Tílíkir feilir kunnu rættast til og við valdagin. Almannamálaráðið 20. august 2015 Annika Olsen landsstýrikvinna