mánadagur 24. august 2015síða 22

Mánadagur 24. august 2015 · Nr. 96 22 Sosialurin Hugskot og viðmerkingar – send sms til 225000 ítróttur Landsliðið fótbóltur Verjan í upploysn Føroyska verjan frá Grikkaland sigrinum seinast er í upploysn Lars Olsen hevur úr at gera undan landsdystinum móti Norðurírlandi og Finnlandi. Verjan er í upploysn, og avloysarnir melda eisini avboð. Tó hevur landsliðsvenjarin gott mót Tróndur Arge – FSF Húsið Atli Gregersen hevur leik­ bann, Sonni Ragnar Natte­ stad er uttan felag, Viljormur Davidsen hevur verið undir skurð, Bárður J. Hansen er ikki tøkur vegna útbúgv­ ing, meðan Jóhan Troest Davidsen og Ári Mohr Jónsson eru skaddir. Seks verjuspælarar, sum í størri og minni mun hava verið á landsliðnum í sein­ astuni eru ikki tøkir til lands­ dystirnar móti Norðurírlandi 4. september og Finnlandi 7. september. Atli Gregersen er tó tøkur til seinna dystin. Lars Olsen er tó við gott mót. Odmar Færø og Jónas Tór Næs eru partur av verj­ uni hjá B36, sum ikki hevur latið mál inn í 501 minutt. Fróði Benjaminsen, Gilli Sørensen og René S. Joensen kunnu allir røkja upp­gávur í verjuketinum. Rógvi Bald­ vins­son hevur lands­liðs­ royndir og Sonni Ragnar Nattestad hevur hóast alt hildi seg í gongd í Føroyum, hóast hann ikki spælir við nøkrum liði í løtuni. Eisini eru boð send eftir Hanusi Jacobsen og Erlingi Jacobsen, sum byrjaði inni seinast Norðurírland var á vitjan. Atli við til báðar dystirnar Hóast Atli Gregersen hevur leikbann til fyrra dystin, so er hann úttikin. Somleiðis Sonni Ragnar Nattestad, ið ikki er í dystarvenjing. – Atli er so týdningarmikil fyri hópin, at eg havi sent honum boð um at møta longu undan fyrra dystinum. Sonni Ragnar hevur staðið seg væl í landsdystunum. Tað er óheppið, at hann ikki er í nøkrum felag, og at hann har­við ikki er í dystarvenjing. Sonni Ragnar venur við B36, og sambært Eyðuni Klakstein er hann væl fyri. Jóannes Jakobsen hevur vant saman við honum, og hann hevur staðfest, at Sonni Ragnar Nattestad er væl fyri likamliga. So er tað upp til hann undir fyri­reik­ ing­unum at vísa, at hann er nóg væl fyri at spæla lands­ dystir, sigur lands­liðs­venj­ arin. Lars Olsen harmast um, at Jóhan Troest Davidsen orsaka av skaða ikki er tøkur. Jónas þór Næs er komin fyri seg aftur, og hann verður við. Tað er Gilli Sørensen eisini. Hann er komin fyri seg eftir skaða. – Viljormur Davidsen og Ari Mohr Jónsson hava verið evni til vinstra vongverjan. Teir eru báðir skaddir og har­við ikki tøkir. Tí er tað kærkomið, at Jónas þór Næs í B36 hevur víst seg at vera góður á vinstra vongverja, sigur landsliðsvenjarin. Sum væntað miðvøllinum Ámiðvøllinum eru øll tey van­ligu nøvnini, ið hava ver­ ið á landsliðnum seinastu tíðina. Fróði Benjaminsen, Hallur Hansson og Brandur Hendriksson Olsen eru allir við. Somuleiðis eru vengirnir Christian L. Holst og Sølvi Vatnhamar við. Fyri uttan Brand, so spæla allir fast, meðan skálvíkingur helst ven­ur á hægri stigi enn hinir í FCK. Róaldur Jakobsen prógv­aði í Rumenia, at hann nú er til reiðar at traðka til á lands­liðnum. Finnur fyri Lava Í álopinum hevur Finnur Justinus­sen fingið møgu­ leik­an saman við Klæminti A. Olsen og Jóan Símun Edmunds­son. – Eg veit, at Finnur mis­ nýtti fleiri møguleikar ímóti B36, men hann var væl upp­ lagd­ur, og tí havi eg sent boð eftir honum, sigur Lars Olsen. Andreas Lava Olsen hevur somikið av trupulleikum av lærkrikanum, at hann ikki megnaði at spæla móti B36. Tí varð hann ikki roknaður sum klárur til dystin. Jóan Símun Edmundsson hevur verið skaddur, men er nú væl fyri. Hann byrjaði fyri Vejle í farnu viku og skoraði. Fimm víkingar á liðnum Merkisvert er tað, at ikki færri enn fimm Víkinga spæl­arar hava fingið lands­ liðs­boð. Bárður Hansen hev­ ur givið avboð orsaka av, at hann skal til sveinaroynd. Allir hinir í Víkinga verjuni eru úttiknir – Atli Gregersen, Erling Jacobsen og Hanus Jacobsen. Umframt teir eru Sølvi Vatnhamar og Finnur Justinussen boðsendir at vera við í fyrireikingunum til hesar báðar landsdystirnar. trondur@sosialurin.fo Málverjar Gunnar Nielsen, Stjarnan (ICE) Teitur Matras Gestsson, HB Tórður Thomsen, B36 Verja Atli Gregersen, Víkingur Odmar Færø, B36 Sonni Ragnar Nattestad, FCM (DEN) Jónas þór Næs, B36 Rógvi Baldvinsson, Ålgård (NOR) Erling Jacobsen, Víkingur Hanus Jacobsen, Víkingur Gilli Sørensen, AaB (DEN) Miðvøllur Pól Jóhannus Justinussen, NSÍ Fróði Benjaminsen, HB Hallur Hansson, Vendsyssel (DEN) Róaldur Jakobsen, B36 Sølvi Vatnhamar, Víkingur Brandur Hendriksson, FC København (DEN) Christian Lamhauge Holst, Fremad Amager (DEN) Kaj Leo í Bartalsstovu, Levanger (NOR) René S. Joensen, Vendsyssel (DEN) Árni Frederiksberg, NSÍ Álop Klæmint A. Olsen, NSÍ Jóan Símun Edmundsson, Vejle (DEN) Finnur Justinussen, Víkingur Tað eru bara tey fýra, sum eru ovast á stigatalvuni í Effo-deildini, ið eiga spælarar í 24 mannahópinum: Víkingur (5), B36 (4), NSÍ (3) og HB (2). Føroyski hópurin