hósdagur 27. august 2015síða 19

Fríggjadagur 28. august 2015 sosialurin 98 19 – Eg helt, at eg skuldi royna at gera hetta til eitt ordiligt upplivilsi, at eg varð noyddur at kýta meg, fyri at megna hetta, sigur Simon Everett um ein drekkamunn, meðan bíðað varð eftir, at enskir hermenn skuldu koma eftir teimum. Átta mans lótu lív í álopinum á Lincoln City, meðan hinir vóru tiknir upp av føroyingum, sum vóru skjótir á flot at bjarga teimum. Lincoln City tók eisini lut í bjargingar­arbeiðinum, tá norski kola­ damparin Dagny I varð søktur. Dagny I varð komin við koli úr Svalbard og var á veg til Onglands, men varð farið inn á Skálafjørðin at taka proviant. Á veg avstað aftur, nakað í ein lands­ ynn­ing úr Borðuni, varð skipið álopið av einum týskum flúgvara, sum rakti skipið við tveimum bumbum. Eldur kom í skipið. Leicester City royndi at bjarga Dagny I, setti enda á tað og setti kós móti Miðvági. Tað eydn­aðist at sløkkja eldin umborð, men brád­ liga, einar seks fjórðingar í ein lands­ ynning úr Kaplinum, sakk skipið. Fýra av mannskapinum og tvey av ferða­fólkunum lótu lív. 56 fólk vóru við Dagny I á ferðini. Eftir kríggið fór Frances Arthur Everett aftur í handilsflotan og sigldi nógv í Ceylon, sum Sri Lanka æt tá, og seinni í Mombasa í Kenya. Í ár eru 70 ár liðin síðani annar heims­bardagi endaði, og Simon Everett nýtti tí hetta høvi at vitja Før­oyar. – Eg havi leingi ætlað mær, at vitja Føroyar. Søgurnar og myndirnar hjá pápa mínum vakti mítt forvitni og hava drigið meg móti Føroyum. 70 ára hátíðarhaldið helt eg vera eitt gott høvi, sigur Simon Everett. – Eg vildi fylgja í fótasporunum hjá pápa mínum og endurskapa søgur­nar, eg hoyrdi sum barn. Eg vildi vitjað hesi støðini, sum hann hevði sagt mær um, hyggja at myndunum hjá honum og síggja, um samfelagið mundi vera broytt, sigur Simon Everett, sum síðani hevur ferðast um og roynt at endurskapa myndirnar, sum pápi hansara tók. Hesar dagarnar hevur Simon Everett so ferðast um í Føroyum. Hann setti seg fyrst í samband við Forn­minnis­savnið og hevur haðani fingið hjálp til at síggja, hvaðani myndirnar hjá pápanum eru tiknar. Hann hevur eisini latið Fornminnis­ savn­inum taka avrit av myndunum at hava í varðveitslu. danjal@sosialurin.fo 2000 km á motor­ súkklu Simon Everett tók ikki stytsu leið til Føroya Hann greiðir frá, at tá hann byrjaði at fyrireika ferðina fyri tveimum árum síðani, var fergusamband mill­um Newcastle og Danmark. Hon varð tó niðurløgd stutt eftir og so hevði Simon Everett bara tvey val. Tann lætti møguleikin var at seta seg í eitt flogfar. – Tað var ov lætt. Eg helt, at eg skuldi royna at gera hetta til eitt ordiligt upplivilsi, at eg varð noyddur at kýta meg, fyri at megna hetta, sigur Simon Everett. Hann gjørdi tí av, at fara til Føroya á motorsúkklu. Tískil mátti leiðin leggjast úr norður- ong­landi, har Simon Everett býr, suður til Dover, við fergu yvir til Fraklands, og so koyra norður gjørnum Frakland, Belgia, Holland, Týskland og Danmark, til Hirtshals og síðani við Norrønu til Føroya. Gott og væl 2.000 kilo­ metrar tilsamans. – Ja, eg fekk ein ordiligan túr burtur úr, kanst tú trygt siga. Eg helt tað var líka sum eitt sindur tómt, tað manglaði eitt sindur av sál, at bara loypa umborð á eitt flog­far. Túrurin gevur nógv meiri til ferð­ina, at hetta kravdi so nógv av mær. Annars hevði tað jú bara verið sum at fara á gátt hjá bróðir, sigur Simon Everett. Umframt at vitja støðini, sum pápin hevur greitt honum frá um, nýtir Simon Everett høvi at skriva nakrar ferðafrásagnir um Føroyar. Umframt myndatøku, hevur hann stóran áhuga í motorum og tað merkir eisini ferðafrásagnirnar. Ein av frásøgnunum fer sjálvandi at snúgva seg um ferðina á motor­ súkkluni. Ein onnur verður um ein túr, hann var við NAX norðureftir, og ein triðja um hvussu tað man vera, at ferðast við báti í Føroyum. danjal@sosialurin.fo Myndir: Privat »Eg havi leingi ætlað mær, at vitja Føroyar. Søgurnar og myndirnar hjá pápa mínum vakti mítt forvitni og hava drigið meg móti Føroyum. 70 ára hátíðarhaldið helt eg vera eitt gott høvi« Simon Everett