mánadagur 31. august 2015síða 29

29 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 31. august 2015 · Nr. 99 ítróttur sum átti týðandi fót í næsta mál­inum var enn einaferð Súni Olsen, sum við einari veru­ligari kanónkúlu, smekk­aði eitt hornaspark inn í pannuna á Gert Hansen, sum økti til 2-0 til Víking. 2-0 málið gav Víkingi full­kom­iligt tamarhald á, og lætt var at fáa eyga á stórar frustra­tiónir á liðnum hjá NSÍ hesa løtuna. Heilabløðing brast vónina hjá NSÍ Hjá einum av NSÍ leikar­ unum fleyt eisini full­kom­ iliga yvir, tá 38 minuttir av dyst­inum vóru leiktir. Árni Fredriks­berg fekk nevn­iliga bein­leiðis reytt kort, eftir at hann hevði verið í horna­ tøkum við Gert Hansen á Víkinga liðnum á miðjum vølli. Dómarin metti, at Árni sló Gert í andlitið, og hevði tí einki annað val, uttan at senda Árna av vøllinum við bein­leiðis reyðum kortið. Hendan støðan gjørdi, at sjálvt teir mest bjartskygdu áskoð­ararnir hjá NSÍ, nú kendu skriftina á vegginum. Aftanfyri 2-0 og við einum manni í undirtali, gjørdist mót­brekkan hjá NSÍ óvanliga brøtt. Og sigast skal eisini, at teir ongantíð megn­ aðu at gera nakað sum helst við Víking, tað sum eftir var av dystinum. fótbóltur Enn einaferð karmarnir á Tórsvølli. Vit hava fingið ein fantastiskan leikvøll, sum vit øll kunnu vera stolt av. Harumframt eiga bæði Víkinga áskoðararnir og NSÍ áskoðararnir stórt rós fyri teirra innsats leygarkvøldið, sum av álvara setti sín dám á. Sjálvur spenningurin í dystinum var eitt, og annars fýrverkið eftir dystin ná Tórsvølli, sum køvdi gleðisrúsin hjá Víkinga áskoðarunum eitt vet. Sjálvt fýrverkið var flott, men stemningurin á leik­vøllinum dempaðist eitt sindur av hesum. 2 Andras Gango Tók eitt fet skeivan veg til tað fyrsta málið, sum Súni Olsen smekkaði upp í hornið. Lat annars trý mál ígjøgnum, sum er ov nógv at lata inn í eini finalu 2 Jóhan Jacobsen Spældi undir støðið, og var ongantíð eins eyðsýndur, og hann hevur verið fyrr í kappingini. Hevði trupulleikar í verjupartinum, og var lítið sjónligur frameftir vøllinum. 2 Jens Joensen Stríddist faktiskt væl allan dystin á tamb, men lat, eins og restina av NSÍ verjuni trý mál ígjøgnum, og tað er ov nógv, tá man spælir í miðverjuni. 2 Monrad H. Jacobsen Sá út til at skulla dekka Gert Hansen, tá Víkingur økti til 2-0, men slepti onkursvegna manninum, og tí stóð hann púra leysur og skoraði. Spældi eins og restina av NSÍ liðnum undir støðið. 2 Einar Tróndargjógv Vildi hava fríspark til triðja málið, sum hann tó ikki átti, og síðani slapp Heðin Hansen avstað og økti til 3-0. Hevur spælt betri onkrar aðrar dystir enn hann gjørdi leygarkvøldið. 2 Hákun Edmundsson Vísti ongantíð sínar veruligu dygdir, har miðvallararnir hjá Víkingi tóktust betri upplagdir. Var eisini útskiftur tíðliga í seinna hálvleiki 2 Magnus H. Olsen Hevði sum tann einasti av teimum sum byrjaðu inni hjá NSÍ royndir frá eini steypafinalu í bestu deildini. Kom tó ongantíð veruliga til sín rætt undir dystinum 3 Jann Martin Mortensen Tóktist at vera tann einasti leikarin á liðnum hjá NSÍ sum tordi at spæla sítt vanliga spæl. Byrjaði dystin væl við bæði at bjóða av og við smáspælið. Fall eins og restina av liðnum ígjøgnum í seinna hálvleiki 1 Árni Fredriksberg Tóktist yvir tendraður frá fyrsta bríksli og var ongantíð veruliga eyð­ sýndur sum hann plagar. Fekk eisini reytt kort fyri eina heilabløðing í fyrra hálv­leiki, og oyðilegði tí dystin fyri NSÍ, hóast at teir longu tá vóru aftanfyri 2-0 2 Pól Jóhannus Justinussen Stríddist væl alla tíðina, men kom heldur ongantíð veruliga til sín rætt. Átti at havt styrkina til at fingið eitt sindur meira burturúr, men avrikið var eins og restina av NSÍ liðnum eitt vet undir miðal støðið. 2 Klæmint A. Olsen Varð væl dekkaður av Atla Gregerse og Erlingi Jacobsen ígjøgnum allan dystin. Noyddist at traðka í karakter, tá støðan var 2-0 til Víking, men fekk ongantíð tað sama burturúr, sum hann annars hevur fingið fyrr í kappingini. 3 Christian Høgni Jacobsen Var eitt ljóspunkt á liðnum hjá NSÍ, tá hann varð skiftur inn í hálvleikinum, hóast teir spældu við einum manni færri. Tordi at halda uppá bóltin, tordi at bjóða av, og skuldi havt byrja inni í finaluni. 3 Haraldur R. Højgaard Hevði eisini eitt fínt innhop, og sæð í mun til hinar á miðvøllinum hjá NSÍ, so vann Haraldur næstan fleiri takklingar ta løtuna hann var inni, enn hinir gjørdu. Kom tó inn tá dysturin var avgjørdur. 2 Jonhard Fredriksberg Kom inn um miðjan seinna hálvleik, og royndi sum frægast. Var tó ikki so eyðsýndur, og dysturin varð punkteraður, tá hann kom inn á vøllin. spælarameting Afturvendandi fyri NSÍ Um vit ikki telja finaluna um Ísafjarðar­ súluna í 1986, og einans telja finalurnar um Løgmansteypið (2002, 2004 og 2015) við, so er tað afturvendandi fyri NSÍ at fáa reytt kort í finaluni. Í 2002 fekk Pól Thorsteinsson reytt kort, í 2004 Jens Martin Knudsen, og í 2015 fekk Árni Fredriksberg reytt kort fyri NSÍ. 1 til 6 NSÍ - Víkingur 0-3 (0-2) 0-1 Súni Olsen, 10. 0-2 Gert Hansen, 32. 0-3 Heðin Hansen, 58. Dómari: Eiler Rasmussen. Hjálpardómarar: Regin Egholm og Vinjard Dam Fjórði dómari: Alex Troleis NSÍ: Andras Gango – Jóhan Jacobsen (Christian Høgni Jacobsen, 46), Jens Joensen, Monrad H. Jacobsen, Einar Tróndargjógv – Hákun Edmundsson (Haraldur R. Højgaard, 51), Magnus H. Olsen, Jann Martin Mortensen (Jónhard Fredriksberg, 64), Árni Fredriksberg ■ – Pól Jóhannus Justinussen – Klæmint A. Olsen (Liðskipari) Víkingur: Geza Turi – Sámal Jákup Joensen, Atli Gregersen (Liðskipari), Erling D. Jacobsen, Hanus Jacobsen – Sølvi Vatnhamar ■, Gert Hansen – Gunnar Vatnhamar (Filip Djordjevic, 83), Heðin Hansen ■ (Dánial Pauli Lervig, 85), Súni Olsen (Páll M. Joensen, 75) – Finnur Justinussen ■ Myndir: Álvur Haraldsen Jan B. Antonioussen nsí Jan Bolstad Anthoniussen NSÍ: Har eru ikki so nógv at siga. Hatta bleiv ikki akkurát tann steypafinalan sum fólk hevði hopað uppá. Dysturin bleiv avgjørdur longu í fyrra hálvleiki. Víkingur vann uppiborið. Buhu. Vit prøva aftur næsta ár! fjepparin Petur Asbjørn Lervig víkingur Tað er komið heim, steypi komið heim...... Klassa mál, klassa umstøður, klassa ljosð, klassa vikinga viðhaldsfólk........WLYV fjepparin