mánadagur 31. august 2015síða 30

Mánadagur 31. august 2015 · Nr. 99 30 Sosialurin Hugskot og viðmerkingar – send sms til 225000 ítróttur kvinnufinalan fótbóltur Royndirnar koppaðu tí til KÍ EBS/Skála gav KÍ kvinnunum ein skarpan gang í tøttu og intensu finaluni, sum fram ímóti dystarenda koppaði til fyrimunar fyri tær úr Klaksvík, sum harvið tryggjaðu sær sættu greipuna á rað Mynd: Álvur Haraldsen Jóannes Hansen Tær eiga gullkrónur í rúgvu­ vís. Tær eru vunnar í lands­ kapp­ingini, og tær eru vunn­ ar í steypakappingini. Síðani 2000 hava tær vunnið sekst­ an gullkrónur á rað í lands­ kapp­ingini. Síðani 2000 hava tær vunnið trettan finalur í steypa­kappingini. Leygardagin vunnu KÍ kvinnurnar enn eina steypa­ finalu. 2-1 sigurin á EBS/ Skála ber við sær, at KÍ hevur tryggj­að sær greipuna í 2015. Hetta er sætta árið á rað, at KÍ kvinn­ur­nar hava vunnið bæði lands­kappingina og steypa­kapp­ingina ella greip­ u­na, sum tað plagar at verða tik­ið til. Hóast nógva gullregnið troytt­ast KÍ kvinnurnar ikki: -Hetta var fantastiskt. Talan var um sera tætta upp­gerð, og í 1. hálvleiki vóru EBS/Skála betri enn vit, uttan at tær spældu seg til so stórar málmøguleikar. Í 2. hálvleiki kempaðu og strídd­ ust vit, og tað er serliga huga­ ligt at vinna, tá ið tað var so tætt, sum tað var hesa ferð, sig­ur ovurfegni veteranurin Rannvá B. Andreasen. Hon er annar av tveimum spælarum, sum hava verið við til at vinna allar finalur­ nar. Hin er Malena Joseph­ sen. Felags fyri tær báðar er, at tað vóru tær, sum skoraðu mál­ini leygardagin. Malena Josephsen var fremsti álopsspælarin hjá KÍ, meðan Rannvá B. Andreasen var framrættaður miðvallari. Malena setti hol á, tá ið tað rest­aðu tjúgu minuttir. Maria K. Thomsen, sum var væl uppløgd í vinstru, legði út frá til Malenu, sum úr átta metr­um og mitt fyri setti bólt­in í málið. Lítla løtu seinni javnaði EBS/Skála, og harvið varð undir­strikað, at einki var avgjørt. Eftir horna úr vinstru var tað Íðunn Magnus­sen, sum við høvdi­ num sendi bóltin í KÍ málið. EBS/Skála spælararnir vóru ovurfegnar. Tað kendist, at tær trúðu uppá, at tað skuldi eydn­ast at vinna úrtøku, eftir at tær stóran part av tíð­ini – serliga í 1. hálvleiki – høv­du verið leikliga omaná. Eftir innlegg úr høgru høvdu tær beinanvegin risa møguleika at leggja seg framum, men Margunn Lind­ holm, sum var fremsti spæl­ arin, rakk akkurát ikki fram at stýra bóltin í tóma málið, og so trillaði bólturin eftir mál­strikuni! Undan steðginum var leik­ferðin hjá KÍ ikki serliga høg. Favorittarnir ansaðu eftir ikki at brúka ov nógva orku. Sum 2. hálvleikur leið, fingu tær betri tak á, og fýra minuttir undan leikloki skoraðu tær sigursmálið, tá ið Rannvá B. Andreasen um­setti brotsspark, ið varð dømt fyri hands, til mál. Hóast tær í løtum lógu undir, so vóru tað viljin at vinna og royndirnar í nógv­ um avgerandi dystum – bæði í heimligu kappingini og euro­peisku kappingini – sum vóru avgerandi fyri, at tað kopp­aði úr Sundalagnum og til Klaksvíkar. EBS/Skála spælararnir vóru sera vónsviknar: -Hetta er sama myndin, sum tað so mangan hevur ver­ið. Vit kendu okkum vera heilt væl við, men tað eydnast ikki at fáa mál, og so taka tær av. Tað hevur nakað við nógvu royndirnar hjá teimum at gera, og at vit ikki so ofta sum tær hava verið við í avgerandi dyst­ um. Her hugsi eg eisini um europeisku kappingina, sum tær so ofta hava spælt við í, sig­ur Íðunn Magnussen hjá EBS/Skála. Hon var eftir dystarlok kosin at vera besti spæl­ari í finaluni. KÍ kvinnurnar hava vunn­ ið steypakappingina í 2000, 2002, 2003, 2004, 2006, 2007, 2008, 2010, 2011, 2012, 2013, 2014 og nú aftur í 2015. KÍ-EBS/Skála 2-1 (0-0) 1-0: Malena Josephsen 71. 1-1: Íðunn Magnussen 76. 2-1: Rannvá B. Andreasen br 86. Dómari: Bent Tommy Linklett KÍ: Ana Ivanov – Sigrid Jacobsen■, Bára Skaale Klakstein, Ragna B. Patawary■, Katrina Akursmørk - Eyðvør Klakstein, Olga Kristina Hansen –  Rannvá B. Andreasen■, Gudny Johannesen (Hervør Olsen, 78.), Maria K. Thomsen– Malena Josephsen■ EBS/Skála: Anna S. Hansen - Guðrið Poulsern, Rakul V. Magnussen, Durita Hummeland, Durita Mikkelsen (Kára Djurhuus, 59.) – Fríðrún Danielsen, Sigrun K. Kristiansen – Ansy Sevdal■, Birna T. Johannesen, Íðunn Magnussen – Margunn Lindholm