hósdagur 3. september 2015síða 15

FRÍGGJADAGUR 4. SEPTEMBER 2015 SOSIALURIN 101 15 Hinir flokkarnir hava bara gjørt tosifilmir og filmir, sum eru kliptir saman av brotum úr Kringvarps­ send­ingum. Filmirnir hjá Tjóðveldi vóru ein smákeðilig samrøða við eitt valevni í einari sofu, har hann sum ger sam­ røðuna ikki sæst. Ljóðdygdin kundi verið betri. Filmirnir líkjast onkrum, sum kundi verið gjørt til seinasta løg­ tingsval. Fólkaflokkurin gjørdi nakrar tali­ filmar, sum eisini eru smákeðiligir, men Fólkaflokkurin gjørdi eisini tveir filmir, samankliptir frá val­ fund­um í KvF. Hesir eru stuttir og undir­haldandi. Serliga filmirnir við Jacob Vestergaard um fiskivinnu og Jørgen Niclasen í kjaki við Aksen Johannesen, riggaðu væl. Miðflokkurin hevur nakrar væl gjørdar filmir við talandi fólki og nakrar einfaldar upptøkur frá valfundum. Nýtt Sjálvstýri gjørdi ein løgnan, men undirhaldandi film við Kára P. Hoygaard tá hann setur spakan í Eysturoyartunnilin. Sambandsflokkurin hevur gjørt nakrar fáar filmir, men sær ikki út til at hava satsað upp á henda miðilin. Framsókn sær út til púrasta at hava útilokað brúk av filmum. Google Ads Tú hevur allarhelst rent teg í før­ oyskar lýsingar á Ekstrablaðnum, BT, Politiken og øðrum útlendskum síð­ um. Hesar lýsingar verða lagdar inn til Google, sum spreiðir lýsingarnar til miðlar, sum hava eina avtalu við Google. Lýsarin geldur til Google og Google geldur til miðilin. Onkrir flokkara hava havt á útlendskum miðlum, men ikki nakað serliga nógv. Tó var serliga ein sum var nógv á útlendskum miðlum. Tað var Janus Rein, sum í stóran mun sá út til at satsa upp á Google Ads. Janus var alla staðni. Næstan líka mikið, hvar tú fór á útlendskar síður, so var hann har. Blaðlýsingar Tær flestu blaðlýsingarnar hava verið penar, men uttan nakran kreativitet og ómetaliga keðiligar. Tað er enn eina ferð líka Sonja Jógvansdóttir, sum um ikki annað hevur ein tekst, sum fangar teg, tá hon sigur “Sloyfa høgrastýrið” í yvirskriftini og síðani fer í álop á farnu samgongu. Lýsingar á portalum og lesarabrøv Nógv valevni valdu at lýsa á por­ talunum, tó tey flestu við lýsingum sum bara vóru ein deyð mynd. Tá man einki kreativt ger við lýsingina verður man raktur av bannarablindleika - tað vil siga, at lesarin ikki sær lýsingina. Lesarin sær stuttsagt ikki ókreativar lýsingar. Lesarabrøv hava hesa ferð í stóran mun verið lagdar í serlig rúm á portalunum. Á In.fo hava tær verið lagdar á serliga síðu til lesarabrøv og á Portalinum á síðuna lesarin.fo. Undir radaranum Politikur er ein kontaktsportur, segði Magnus Heunicke, danskur politikari, skemtandi við seinasta fólkatingsval. Hann var úti og bankaði á hurðar. Sum skilst, so hevur tað vundið nógv uppá seg, at kontakta fólk beinleiðis hetta valið. Flokkarnir hava hesa ferð í nógv størri mun sent brøv út og ringt til fólk fyri at heita á fólk at velja seg ella flokkin, fangað fólk á gøtuni og bankað upp á hurðar. Sakin er, at tá tú setir teg í sam­ band við fólk beinleiðis á gøtuni, bank­ar á hurðar, sendir persónlig brøv ella ringir, so síggja hinir flokk­ arnir ikki, hvat tú gert. Tú ert undir radaranum. Hinir flokkarnir fáa tað kanska at vita, um fólk hjá teimum fáa vitjan ella verða ringd upp, men tað er so einasti mátin tað kann koma út. Hinvegin fær tú ikki at vita júst, hvar viðkomandi hevur verið, og hvat viðkomandi hevur sagt. Ræðukampanjur Sálarfrøðingurin Daniel Kahneman sigur, at vit skulu rokna við, at vit í framtíðini skulu rokna við fleiri ræðukampanjum, tí tað evolutionert liggur í okkum at óttin er sterkari enn onnur inntrykk. Vit eru innrættað til at reagera upp á vandar. Um vit ikki vóru tað, so yvirlivdu vit ikki leingi. Sært tú ein svangan úlv og nøkur lekkur ber á einum træi beint við, so fert tú neyvan eftir berunum, tú rennur burtur. Tí er tað burtur við, tá politikarar siga at tey dáma ikki ræðukampanjur. Allir politikarar brúka ræðumyndir og tað fer bara at vinda upp á seg. Politiskar útsagnir eru sum oftast ein samanseting av einari bjartari mynd av sær sjálvum og eini ræðumynd av, hvat hini fara at gera. Statistikkur sum samskiftis amboð Bæði Fólkaflokkurin og Sam­ bandsflokkurin brúktu statistik fyri at vísa, hvussu væl tað gongur, soleiðis at veljarin skuldi lata tey halda fram. Statistikkur er sum samskiftisamboð so gott sum óbrúkiligt. Hetta er kent úr reklamuvinnuni. Sálarfrøðingurin Daniel Kahneman, sum hevur arbeitt við statistikki og ávirkanini av statistikki á fólk eitt heilt lív, vísir á hetta í bókini Thinking Fast and Slow. Har hevur hann fleiri dømi um, hvussu trupult menniskju hava tað við statistikki. Slagorðini Tá Kaj Leo í løgmansrøðuni segði orðini “vit mugu ikki eksperimentera...” var roknað við millum samskiftisfólk, at hetta fór at verða slagorðið frá Sambandsflokkinum. Taktikkurin er vælkendur. Tá tað gongur væl, sigur tann ráðandi at tú ikki má eksperi­mentera og broyta kós. Men fáar dagar eftir valkampurin var byrjaður segði Edmund Joensen júst, at sambandsflokkurin skuldi broyta kós. Ikki serliga trúverdugt hjá Sambandsflokkinum. Kaj Leo bygdi endataluna á at “vit mugu ikki eksperimentera”. Á pappírinum var slagorðið “samband við ríkisfelagsskapin, tey lesandi, vinnuna, umheimin,tey lesandi, vælferðina” at síggja, men var slettis ikki við í teirra røðum og kjaki. Fólkaflokkurin segði, at vit eru “á rættari kós”. Hetta er tað rætta at siga hjá teimum, men var lítið brúkt av øðrum enn Jørgen Niclasen. Hann bygdi sína endarøðu á hesi orðini. Miðflokkurin hevði slagorðið “eitt trygt samfelag” og brúkti tað eisini nakað, men tá vit liva í tryggasta samfelagnum í heiminum, so hoyra fólk tað ikki serliga væl. Hinvegin var orðið “skaparin” og “harrin” í øðrum hvørjum setningi, eisini í endarøðuni. Slagorðið hjá Framsókn um “tey trý frælsini” riggaði væl og gekk sum ein náttúrlig heild inn í alt sum Framsókn gjørd. Eisini endarøðan var bygd á frælsini. Slagorði “rættvísi” bleiv ikki brúkt serliga konsekvent, tó at Aksel bygdi sína endatalu júst á hetta orðið. Slagorðið hjá Tjóðveldi var “ein nýggj kós fyri Føroyar”, sum riggra væl og sum Høgni hevur tikið til av og á. Hann bygdi sína endatalu á hetta slagorðið, men flokkurin hevur ikki brúkt slagorðið serliga konsekvent. Nýtt Sjálvstýri hevur skrivað á heimasíðuni at “Nýtt Sjálvstýri tryggjar øllum Føroyingum vælferð, at krónurnar verða nýttar rætt, fleiri útbúgvingar í Føroyum. Also er lyklaorðið her tryggjar, hevur verið lítið at hoyrt til vendingina “ Nýtt Sjálvstýri fer at tryggja…” Um man samanlíknar við, hvussu konsekvent og strategiskt Helle Thorning Schmidt brúkti slagorðið “Det Danmark vi kender”, so er langt til, at føroyskir politikarar fara at vera líka tilvitaðir um, hvussu tey gera og brúka slagorð. Endabresturin Í endabrestinum keypti Sambands­ flokkurin ein pop up bannara, sum legði seg oman á alla síðuna hjá In.fo. Hetta upplivdu øll, sum fóru á In.fo. Somuleiðis tók Sam­bands­ flokkurineina stóra lýsing í toppinum á Portalinum. Hetta gav teimum eina høga sjónligheit, men boðskapurin rættiliga tamur. Seinasta dagin var yvirskriftin “Valið er títt” og herundir “Vel eina trygga framtíð”. Javnaðarflokkurin hevði eitt brak av einum endabresti, sum byrjaði við at Sjúrður Skaale legði filmin út um biðifundin á Vaglinum, sum bleiv sæddur 20.000 ferðir eftir bara 12 tímum. Síðani oysti Javn­aðarflokkurin eina rúgvu a testimonials á Facebook. Testimonials eru lýsingar, har ein persónur sigur seg velja Javnaðarflokkin. Hetta hevur helst verið sera effektivt, saman við at endin hjá Aksel Johannesen í formansrunduni var serstakliga góður, har hann mótsetningum hamraði niður á ójavnan sum er vaksin seinastu samgongu. Hjá hinum flokkunum bleiv intensi­teturin øktur nakað, men eingin kanin var tikin úr hattinum. Valstríðið samanumtikið Valstríði er blivið meira komplekst. Fleiri miðlar og fleiri virkishættir, so sum filmir kunnu takast í brúk. Sæð við samskiftisligum eygum kláraði Javnaðarflokkurin seg nógv best við tað, at hann dugdi best at taka nýggju samskiftishættirnar í brúk. Javnaðarflokkurin fekk gjørt nakrar filmir til ymisk evni, sum vóru á høgum støði. Flokkurin fekk gjørt nakrar lýsingar, har fólk siga, hví tey velja Javnaðarflokkin, sum vóru lagdar á Facebook. Nøkur valevni førdu kampanjur, sum vóru betri og størri enn kampanjurnar hjá øðrum flokkum. Framsókn hevði heilt klárt greiðastu kampanjuna, sum tók støði í visiónini har frælsi er týdningarmesta orðið. Síðani var orðið útbygt við persónligum frælsi, vinnuligum frælsi og tjóðskaparligum frælsi. Fangandi og væl uppbygt. Hesa ferð var “eitt nýmótans samfelag” brúkt sum tema. Grafiski samleikin er líka greiður sum floksboðskapurin við appelsin­ gulum sum grundliti. Flokkurin hevur ikki brúkt film sum miðil ella myndir av øðrum enn valevnunum. Øll kampanjan hevur verið tekst­ borðin. Orðingar, sum hava sitið klárar og greiðar. Hinir flokkarnir brúktu lýsingar­ hættir, sum vóru nógv brúktir sein­ asta løgtingsval. Har var eingin nýggjur máti brúktur, burtursæð frá at Fólkaflokkurin hevði gjørt nakrar filmar, sum vóru kliptir saman frá valfundum hjá Kringvarpinum. Bæði Sambandsflokkurin og Fólkaflokkurin brúktu nógv statistik í sínum lýsingum og er tað ikki ein góður samskiftisháttur. Næsta val fara vit at síggja eitt valstríð, har allir flokkar bæði fara at leggja meira effektivar sam­ skiftisstrategiir, at brúka Facebook betri og at seta seg meira beinleiðis í samband við veljarar. Valstríðini fara at harðna. A Fólkaflokkurin Positión: Konservativt liberalur - fullveldi og fyri tað mesta religiøstur Litur: Myrkt grønt - vøkstur, heilsa og friður. De Konservative í Danmark hava sama lit Slagorð: Á rættari kós Samskifti: Triðbest B Sambandsflokkurin Positión: Samband - liberalur/sosialur og fyri tað mesta religiøsur Litur: Blátt - álit og styrki. Systirflokkurin í Danmark Venstre hevur sama lit Slagorð:Mugu ikki eksperimentera Samskifti: Sættbest C Javnaðarflokkurin Positión: Sosialdemokratiskur - samband og fyri tað mesta religiøst frílintur Litur: Reytt - spentleiki, kærleiki og dirvi. Liturin er tann sami hjá øllum javnaðarflokkum kring allan heim. Slagorð: Rættvísi Samskifti: Best D Nýtt Sjálvstýri Positión: Liberalt/sosialur - varðisligt fullveldi og fyri tað mesta religiøsur Litur: Purpur - kreativitetur, fyristillingarevni og vísdómur Slagorð: Tryggjar: øllum Føroyingum vælferð, at krónurnar verða nýttar rætt, fleiri útbrúgvingar í Føroyum Samskifti: Sjeyndbest E Tjóðveldi Positión: Fullveldi - fyri tað mesta sosialur og fyri tað mesta religiøst frílintur Litur: Ljóst grønt - spýring og vón Slagorð: Ein nýggj kós fyri Føroyar, har Føroya fólk staðfestir valdið, virðini og vælferðina. Samskifti: Fimtbest F Framsókn Positión: Liberalt fullveldi - rættiliga sosialur og religiøst frílintur Litur: appelsin gult - vinarligt, gleði og álit Slagorð: Frælsi. Persónligt frælsi, vinnuligt frælsi og tjóðskaparligt frælsi. Eitt nýmótans samfelag Samskifti: Næstbest H Miðflokkurin Positión: Trúarligur - fyri tað mesta fullveldi og fyri tað mesta sosialur Litur: Blátt - álit og styrki. Slagorð: Eitt trygt samfelag Samskifti: Fjórðbest