mánadagur 7. september 2015síða 11

11 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 7. september 2015 · Nr. 102 Áki Bertholdsen – Eru politikararnir sína uppgávu vaksnir, ber væl til at skapa eini 200-300 nýggj arbeiðspláss í Havnini. Tað heldur Hans Joen­sen, formaður í Havnar Ar­beiðs­ mannafelag. Tað eru ný fleiri ár síðani, at gamla stóra fiskavirkið, sum fyrr nevndinst Bacalao, í Havn, stongdi. Síðani hava nógvar roynd­ir verið gjørdar at lata tað upp aftur, men higartil hev­ur tað verið til fánýtis. Ikki minst hava Havnar Ar­ beiðsmannafelag og Havnar Arbeiðskvinnufelag lagt nógva orku í at fáa virkið lat­ ið upp aftur. Tað vísti seg, at í Føroyum var ikki stórur áhugi fyri at seta pening í virkið, men fyri eini tíð síðani fingu tey sam­ band við eina danska fyri­ tøku, Espersen fisk á Born­ holm, sum er sinnað at skapa arbeiðið aftur á Bacalao, men eg havi skilt støðuna soleiðis, at tey vilja ikki í holt við tað, sum støðan er nú, sigur Hans Joensen. Og tað, sum tey serliga sipa til, er, at tað ber ikki til at fáa fatur á fiski. Hans Joensen sigur, at gongd­in er tann, at í Føroy­um verður verður bara ein lítil partur av fiskinum, seld­ur á almennum uppiboði. Tvørt­ ur ímóti eru tað virk­ini, sum eisini eiga skip­ini og tí selja skipini bein­leiðis til virkini. – Sostatt er ómøguligt hjá teimum virkjum, sum ikki eiga skip, at fáa fatur á fiski til virkingar. – Og so leingi tað ikki ber til at fáa fatur á fiski, er ikki nógv at lata virkið upp til, legg­ur hann afturat. Ábyrgdarleyst Hans Joensen heldur, at tað er rættiliga ábyrgdarleyst, at fiskurin, sum verður fisk­að­ ur undir Føroyum, ikki verð­ ur seldur á uppboðssølu, at kalla allur sum hann er. – Sum støðan er nú, er tað eingin sum sigur, at fiskurin verður seldur fyri hægsta prís, og at fiskimenninir so­ statt fáa tann rætta prísin fyri fiskin. Tað er bara ein uppboðs­ søla, sum kann tryggja, at tann besti prísurin fæst fyri fiskin, tí tá fáa kapp­ing­ar­ førar fyritøkur ein møgu­ leika at keypa fisk til virk­ ingar. – Samstundis hevði ein uppboðssøla elvt til harðari kapping um fiskin, og tað hevði eisini fingið prísin at hækka, og sostatt eisini hýr­ urnar hjá fiskimonnum. Samstundis hava virki, sum ongi skip eiga, heldur ong­an møguleika at fáa fatur á fiski, og tað kostar ar­beiðs­pláss. Tí heldur formaðurin í Havnar Arbeiðsmannafelag, at tað er beinleiðis ábyrgdar­ leyst av politikarunum, at teir ikki fáa viðurskiftini broytt, so at kapping av álv­ ara fæst um fiskin. Og hansara vón er, at flokk­ar, sum nú samráðast um at skipa samgongu, taka hendan spurningin upp av álvara og fáa hesi viður­skift­ ini í rættlag. – Tað skal vera mín staði­ liga áheitan á flokkarnar, sum nú fara at skipa sam­ gongu, leggur hann afturat. – Tað er bara hetta, sum gevur tað røttu myndina av prísinum, og størsta avkastið til samfelagið, og tí er tað heilt hol í høvdið, ikki at gera nakað við hetta. 200 - 300 arbeiðspláss Sjálvur heldur Hans Joensen, at verður rætt borið at, kunnu eini 200-300 nýggj arbeiðs­pláss í fiskivinnuni vera á Bacalao. Hann vísir á, at í fyrstuni verður mett, at eini 60-70 ar­beiðspláss kunnu vera á Baca­lao. Men hann dugir ikki at síggja nakra forðing fyri, at talið kann økjast mun­ andi, sum frá líður. Hann vísir á, at á aðru hædd í bygninginum er eitt góðsk­ingarvirki, sum nú stend­ur óbrúkt, men sum fyrr varð brúkt til at hávirka fiskin, sum varð skorin niðri­ undir. – Er viljin til staðar, er einki til hindurs fyri at skapa heilt nógv arbeiðspláss á Baca­lao, sigur formaðurin í Havnar Arbeiðsmannafelag. – Møguleikin er avgjørt til staðar, men so mugu politik­ ararnir skapa karmarnar, men tað hava teir avgjørt ikki gjørt higartil. – Tí er tað ógvuliga ábyrgd­ar­leyst, at politikarar ikki slóða fyri, at tey, sum vilja gera íløgur í arbeiðspláss í Føroyum, ikki sleppa, tí at skip­anin gevur nøkrum fá­ um einkarrætt til fiskin. – Fyritøkan, vit hava sam­ band við, er ikki áhugað í at keypa hvørki fiskiloyvi ella skip. Hon er einans áhuga í at keypa veiðina til virkingar, og at skapa arbeiðspláss, men heldur ikki tað sleppur hon, sigur Hans Joensen. – Vit hava roynt, men vit føla okkum hjálparleys, tá ið politikarar ikk eisini vísa samfelagssinni og seta skipanir í verk, soleiðis at vit øll, arbeiðsfólk, fiskimenn og samfelag, fáa sum mest burt­ ur úr. DROYMIR UM 300 NÝGGJ ARBEIÐSPLÁSS Í HAVN ÁBYRGDARLEYS Men so mugu politikararnir spæla við, men higartil hava teir verið púra ábyrgdarleysir ARBEIÐSMARKNAÐUR Tí er tað heilt hol í høvdið, ikki at gera nakað við hetta – Tað er ógvuliga ábyrgdarleyst, at politikarar ikki slóða fyri, at tey, sum vilja gera íløgur í arbeiðspláss í Føroyum, ikki sleppa