hósdagur 10. september 2015síða 10

Fríggjadagur 11. september 2015 sosialurin 104 10 Danmark stendur fyri byrjanini á eini nýggjari tíð. Flóttafólkastreymurin rakti sunnudagin Danmark, tá 234 ferðandi og flóttafólk komu til Rødby. Talið er fleirfaldað síðani. Við ringum tannabiti tekur danska stjórnin móti fleiri flóttafólkum í ár. Men næstan eingin teirra ynskir at enda í Danmark Rógvi Nybo O manfyri túsund flóttafólk eru komin inn um danska markið síðani sunnudagin. Brádliga eru tíðindini um flóttafólk í stríðum streymum, sum flýggja upp gjøgnum Evropa undan kríggi og jagstran, vorðin annað enn myndir og orð í miðlunum. Sunnu­ dagin komu tey fyrstu 234 ferðandi og flótta­fólkini um markið, tá tey komu við toki í ferju til Rødby á Lollandi. Síðani eru fleiri hundrað komin afturat og streymurin sær ikki út til at slitna í bræði. Brádliga standa myndugleikarnar við trupulleikanum í hondunum, og flóttafólkini síggjast á Hovedbanegården í Keyp­manna­ havn, á motorvegnum móti Svøríki og í bussum á veg um markið í Suður­ jútlandi. Nú er ikki longur nokk hjá politiska myndugleikanum at tosa og ætla. Brátt er neyðugt at taka stig og av­gerðir í skundi. Trupulleikin við flóttafólkunum er fløktur og ringur at skilja. Hvørji eru hesi flóttafólkini, hvaðani koma tey og hví koma tey higar. Hvat verður og hvat átti at verðið gjørt. Tunnubumbur, hungurs­ neyð og jagstran Meginparturin av flóttafólkunum, sum í løtuni streyma inn í Evropa, rýma undan kríggi í Sýria, Irak og Afganistan. Kríggið millum herlið hjá eina­ræðisharranum Bashar Al-Assad, sum javnan bumba sivilfólk úr erva við tunnubumbum, Islamska Statin, Al-Qaeda og uppreistrarfólk, ið gera uppreistur móti einaræðinum, hev­ ur fingið 12 av teimum 20 milliónir íbúgv­unum í Sýria áðrenn kríggið, at flýggja. Átta milliónir eru flýdd aðra­ staðni inni í Sýria, meðan út við fýra milliónir eru flýdd til granna­londini, serliga Libanon, har oman­fyri ein millión flóttafólk búgva í flótta­fólka­ legum. Nøkur hundrað­túsund eru seinastu árini flýdd víðari til Evropa, antin gjøgnum Turkaland ella vanda­ miklu leiðina við báti til Grikkalands. Ein annar og minni bólkur eru flóttafólk, ið eru flýdd av Afrikanska meginlandinum undan borgarakríggi, hungursneyð og jagstran. Hesi koma umvegis Libya til Italia ella enntá allan vegin til Fraklands. Tá vandamikla ferðin um Miðjarar­havið, har túsundtals fólk longu eru druknað í ár, er av, byrjar langa ferðin upp gjøgnum Evropa. Flestu sýrisku flóttafólkini eru til gongu og við bussi ella toki, og taka leið­ina úr Grikkalandi, umvegis Make­dónia og Serbia til Ungarn, og hag­ani til Týskland gjøgnum antin Eystur­ríki ella Kekkia. Tey sterkastu koma higar Orðið »flóttafólk« fevnir um ein bólk av fólki, ið er alt annað enn homo­ genur. Tískil ber illa til at tosa um flótta­fólkini sum »tey«, uttan at greina nærri, júst hvørji flóttafólk og hvar. Stórur munur er eisini á, hvørji flóttafólk leita sær norðureftir í Evropa. Størsti parturin, ið kemur til Dan­markar, Týsklands, Niðurlond og Belgiu, eru sýrisk flóttafólk. Og mong teirra eru ung, vælútbúgvin og ágrýtin. Dieter Zetsche, forstjóri í stóru týsku fyritøkuni Daimler, ið millum annað framleiðir bilar av merkinum Mercedes-Benz og AMG, hevur longu fingið eyguni upp fyri hesum, og ætlar sær út millum flóttafólkini at finna kvalifiseraða arbeiðsmegi. Nógv av flóttafólkunum eru ung, væl­útbúgvin og ágrýtin. Tað er júst slíkum fólkum, vit hava tørv á, segði Dieter Zetsche við týsku avísina Bild am Sonntag. Hjá nógvum av flóttafólkunum stendur valið stutt sagt millum eina ússaliga tilveru í flóttafólkalegum í Libanon ella Turkalandi, har tey mangla mat, streym, arbeiði og van­ ligan sanitet, og so at taka vanda­ miklu ferðina móti eini betri tilveru í Norður­evropa. Tað eru bert tey sterk­astu, ið fara undir vandamiklu ferðina. Ábyrgdin av okkara herðum Sera ymiskt er hvussu tikið verður ímóti flóttafólkunum og hvussu tey verða viðfarin á ferðini. Ungarn setti píkatráð framvið stórum parti av sunnara markinum, fyri at forða flótta­fólkunum at koma inn í landið. Inni í landinum verða flóttafólk eisini illa og harðliga viðfarin av løgreglu. Í Eystur­ríki og Týsklandi stóðu fólk fyri flóttafólkunum við vatni og mati, tá tey komu í landið. Týska stjórnin hevur eisini lovað at taka móti upp til 800.000 flóttafólkum í ár, fýra Eingin ynskir at enda í Danmark Herða vit eftir­ litið við danska markið, verða tað ikki færri, men fleiri flóttafólk, ið koma til Dan­ markar« Lars Løkke Rasmussen, forsætisráðharri Mynd: polfoto Forstjórin í stóru týsku fyritøkuni Daimler, ið millum annað framleiðir bilar av merkinum Mercedes-Benz og AMG, hevur longu fingið eyguni upp fyri hesum, og ætlar sær út millum flóttafólkini at finna kvalifiser­aða arbeiðs­megi. tema Flóttafólk Flóttafólk standa við dyrnar