hósdagur 10. september 2015síða 15

Fríggjadagur 11. september 2015 sosialurin 104 15 Síðani tíðind­askrivið varð sent miðlunum miku­ kvøldið, hevur telefonin hjá Anniku Olsen ringt so at siga óav­brotið. mál­um. Og tað kann tykjast sum ein andsøgn, at ein av sterkastu profil­ unum hjá flokkinum meldar seg úr, tí hon er ónøgd við politisku dags­ skránna. – Tað hava verið fleiri innanhýsis ósemjur í flokkinum – helst fleiri, enn fólk vita um. Eg kann nevna eitt nú hjúnabandslógina, og tað fráboðan, sum Jørgen Niclasen kom við í val­ stríðnum, sigur Annika Olsen. Hon sipar til sendingina »And­ glett­urin« hjá Kringvarpinum, har hvør flokkur fekk tveir tímar at svara fyri valskránni og spurningum ann­ ars. Fyrst formaðurin í ein tíma, og síð­ani tvey umboð í ein tíma, har lurt­ arar eisini kundu ringja inn. Tá boðaði Jørgen Niclasen frá, at í Fólkaflokkinum eru tey ímóti at broyta hjúnabandslógina. – Eg havi boðað frá fleiri ferðir, at eg haldi tað skal standa hvørjum limi frítt at atkvøða eftir egnu sannføring, tá ið umræður etisk mál. Tað valdi for­mað­urin so at síggja burtur frá, sigur Annika Olsen. Broytingin í hjúnabandslógini var eitt stórt evni í løgtingsvalstríðnum, og lítil ivi er um, at fyri Anniku Olsen hevði tað týdning, at Fólkaflokkurin var rúmligur á hesum øki. Hetta tí, at kappingin millum valevnini í høvuðs­ staðnum er hørð, og tað er helst júst í høvuðsstaðnum, at hetta málið hevur av­gerandi týdning. Heldur tú so, at Jørgen Niclaen offraði teg á altarinum, tá ið hann boð­ aði frá, at Fólkaflokkurin ikki gongur inn fyri broyting í hjúnabands­lógini? – Tað kanst tú kanska siga ja, sigur Annika Olsen. Fer at boða frá floks­ skifti fyrsta dagin Ein so royndur politikari sum Annika Olsen hevur ivaleyst umhugsað, hvat næsta politiska fetið skal vera. Og lítil ivi er um, at Annika Olsen fer at melda seg í Framsókn fyrst dagin. – Eg havi ikki tikið støðu til tað, men eg vænti eg taki støðu skjótt, sigur Annika Olsen. Hon vil enn ikki vátta, at hon meldar seg í Framsókn, men hon vátt­ar, at hon hevur tosað við Poul Michelsen, síðani hon meldaði seg úr Fólka­flokk­inum. Tað hevur helst eisini týdning fyri samgongusamráðingarnar, at Annika Olsen tekur støðu til sína politisku framtíð. Meldar hon seg í Framsókn, so merkir tað, at Framsókn fær ein tinglim aftrat, og sostatt hava Tjóð­ veldi, Javnaðarflokkurin og Fram­ sókn 18 tinglimir tilsamans. Iva­leyst gevur tað eisini Framsókn eina sterk­ ari samráðingarstøðu, um Annika Olsen meldar seg í flokkin áðrenn sam­gongu­skjalið verður undir­ skrivað. – Sum sagt so fari eg skjótt at boða frá, hvussu mín politiska framtíð sær út, sigur Annika Olsen, sum hvørki váttar ella avnoktar, at triði ting­ limurin hjá Framsókn framyvir fer at eita Annika Olsen. FAKTA Annika Olsen er 40 ára gomul. Hon varð fyrstu ferð vald fyri Fólka­ flokkin sum 29 ára gomul, tá ið hon umboðaði flokkin í býráðnum í Havn. Í 2008 varð hon fyrstu ferð vald í løgtingið, og tá gjørdist hon eisini landsstýriskvinna í innlendismálum. Seinastu fýra árini hevur hon umboðað flokkin sum landsstýriskvinna í almannamálum. Mynd: Álvur Haraldsen