hósdagur 10. september 2015síða 16

FRÍGGJADAGUR 11. SEPTEMBER 2015 SOSIALURIN 104 16 POLITIKKUR Samgonguflokkarnir skulu vísa politiskt handalag um vikuskifti, skal tað eydnast at finna saman um eina samgongu ÁRNI GREGERSEN N ýtt Sjálvstýri er farið úr samgongusamráðing­ un­um, men enn eru tað sjónarmiðini hjá trimum flokkum á ómetaliga nógvum økjum, sum skulu samansjóðast. Fyrsta uppskotið til samgongu­ skjal er liðugt skriva og teira tríggir flokkarnir hava hvør sær viðgjørt tað, sum skrivibólkurin hevur lagt fram. Tvey stór mál fylla nógv. Sjálv fíggjarlógin fyri næsta ár og so ein nýskipan av fiskivinnuni. Har eru sjálvandi eisini fleiri onnur stórmál, sum semja skal finnast um, men nýskipanin av fiskivinnuni og fíggjarlógini eru tveyh, sum skulu loysast áðrenn ávísa deadline Uppbygningurin Uppskotið til eitt samgonguskjal er bygt upp í trimum. Fyrsti parturin er ein skriv­aður partur, sum sigur hvat samgongu­ flokkarnir vilja og hvørjar politiskar ætlanir samgongan hevur. Hesin parturin er eitt sindur meira leyst orðaður, men greinar hug­sjónirnar aftanfyri tað, sum sam­gongan setir sær fyri at gera og arbeiða fram ímóti. Ein annar partur snýr seg um tað, sum skal loysast fyrst. Tað er meira konkret og hevur boðað upp á loysnirnar. Hetta eru teir trupul­ leikarnir, sum eru beint fyri framman og krevja eina loysn nú, eins og onkur av vallyftunum í hesum partinum verða uppfylt. Seinasti parturin er so meira um, hvat samgongan fer at gera komandi árini. Hvør kósini verður og hvørjar meira ítøkiligar ætlanir eru fyri politiska arbeiðnum í hesum vaskeiðinum. Fíggjarlógin Tað sum liggur fremst at loysa er fíggjarlógin fyri 2016. Karmarnir eru samtyktir í vár og eftir lógini, so skal eitt uppskot um fíggjarlóg latast tinginum í seinasta lagi 30. september. Tað verður eisini gjørt, men alt bendir á, at tað uppskotið, sum verður lagt fram, verður ein framskiriving av fíggjarlógini, sum er galdandi fyri 2015 – møguliga við onkrum tillagingum, sum samtyktar eru í kørmunum. Men tað verður ikki tann fíggjar­ lógin, sum verður samtykt. Tá ið uppskotið er lagt fram og hevur fingið 1.viðgerð endar tað í fíggjarnevndini, har nýggja sam­ gongan saman við andstøðuni fer at gera endaligu fíggjarlógini. Við øðrum orðum flytir ein stórur partur av fíggjarlógararbeiðnum úr fíggjarmálaráðnum í fíggjarnevndina og í Løgtingið. Fíggjarlógin skal samtykkjast endaliga í hesum árinum – og vanligt er,a t hetta verður gjørt undan jólum. Fiskivinnan Fiskivinnunýskipanin er ein annar stórur biti, sum samgongan skal taka sær av – og samráðingarleiðarin Aksel V. Johannesen hevur sagt, at nýskipanin eigur at koma endaliga uppá pláss næsta ár. Núgaldandi lógin um vinnuligan fiskiskap fer úr gildi 31.desember 2017, so í veruleikanum er eisini her talan um eina deadline. Fyri at kunna viðgera loysnirnar politiskt, so hevur ein bólkur av fakfólki, millum annað við umboðum úr aðalráðunum, sitið og gjørt eitt upprit, sum vísir, hvussu fiskivinnan kann skipast. Hesin hátturin er eitt sindur øðrvísi enn roynt hevur veirð fyrr í fiskivinnusamráðingunum. Tá hevur verið vanligt,a t politiskir bólkar hava sett seg saman at kjakast um, hvussu hetta kann gerast – uttan at fakkunnleikin hevur verið partur av viðgerðini. Nú verður fakligi parturin fyrst gjørdur – og tað er mestsum liðugt – áðrenn politikkararnir sleppa at avgera, hvønn veg farast skal politiskt. Hendan politiska viðgerðin er í gongd júst nú. Sjónarmiðini skulu brýnast og mýkjast, men tað tekur nakað av tíð. Onki er tó at ivast í, at ein aprtur av skipanini verður uppboðssøla av onkrum slag, men tað tykist vera minst líka vist, at tey sum eru í fiskivinnuni nú og brúka síni rættindi á ein ella annan ha´tt sleppa at halda fram. Tingfudnur verður týsdagin klokkan 10 og tá er ætlanin, at komið skal vera á mál. Tríggir flokkar samráðast nú nýtt Sjálvstýri fór til húsar ÁRNI GREGERSEN Hann hevði framvegis gott mót, samráðingarleiðarin Aksel V. Johannesen, formaður í Javnaðar­ flokkinum, tá ið hann í gjáramorgunin fór á samráðingarfund við hinar floksleiðararnar í tinghúsinum. Hetta hóast Nýtt Sjálvstýri mikukvøldið boðaði frá, at teir báðir, Kári P. Højgaard og Jógvan Skorheim, ikki longur eru partar av samráðingunum. – Eg haldi sjálvandi framvegis, at tað ber til at gera eina samgongu, men tað er ikki fyrrr enn nú, at vit fara undir viðgerðina av fleiri politiskum málum, segði samráðignarleiðarin, mitt á Vaglinum. – Fiskivinnan er sjálvandi eitt stórt mál, sum Nýtt Sjálvstýri ikki tók undir við, men vit halda, at eisini her ber til at finna eina semju, segði hann. Flokkarnir sita fyri tað mesta á Gamla Apotekinum, með­an samráðignarnar millum floks­leið­ ararnar fara fram í Løgtinginum. Umstøðurnar í Løgtinginum eru munandi betri enn tær eru á Gamla Apotekinum. SAMGONGUSKJALIÐ TIL POLITISKA VIÐGERÐ Í SAMGONGUFLOKKUNUM Samráðingarleiðarin Aksel V. Johannesen trýr framvegis uppá, at tað ber til at gera eina samgongu Aksel V. Johannesen, samráðingarleiðari, og Eyðgunn Samuelsen og Heðin Mortensen á veg niðan í tinghúsið