hósdagur 17. september 2015síða 12

Fríggjadagur 18. september 2015 sosialurin 107 12 tema Samgonguskjalið Rógvi Nybo M ánadagin undir­skriv­ aði nýggja sam­gong­ an mill­um Javnaðar­ flokkin, Tjóðveldi og Fram­sókn samgonguskjalið, sum er tann politiska ferðaætlanin fyri komandi fýra árini. Í sam­gongu­skjal­ inum skriva politisku flokkarnir, hvat teir eftir drúgvar samráðingar eru vorðnir samdir um at fremja. Men samgonguskjøl eru vanliga bæði drúgv og torfør at lesa. Orðini eru nógv og vendingarnar ofta tví­týdd­ ar. Tí eru tað eisini tey fæstu, ið hætta sær undir at lesa eitt slíkt sam­gongu­ skjal og seta seg inn í, júst hvat sam­ gongan er vorðin samd um at fremja, og hvat tey veruliga meina við. Tí hava vit brotið meira áhuga­- verdu partarnar av samgongu­skjal­ inum niður í smærri bitar og skorið alt óneyð­ugt burturav. Sostatt kann les­arin her síggja hvat veruliga stendur í sam­gonguskjalinum hjá nýggju sam­gonguni. Tulkingarnar eru rithøvundsins egnu, tær flestu í ramasta álvara, onkur við eitt sindur av speisemi. Skatta- lættin »Í seinasta lagi 1. januar 2017 skal ein ar­beiðs­bólkur hava endur­skoðað skatta- og av­gjalds­skipanina, so hon verð­ur rætt­vísari og meira gjøgnum­skygd. Skatturin skal vera stig­vaks­andi bæði fyri løn og pensjón, og lág- og miðal­lønt skulu hava ein lætta. Skatta­skipanin skal sum heild stuðla fólki og fyri­tøkum at virka í Føroyum held­ur enn uttanlands.« Ja, tað er rætt lisið. Tit fáa skatta­ lættan, sum allir flokkar á tingi lovaðu áðrenn valið. Tit fáa hann bara ikki fyrr enn í 2017, tí samgongan vil ikki »skrumbla« nakað ígjøgnum, eins og samgonguflokkarnir ákærdu farnu samgonguna fyri at gera. Nýggja skatta­skipanin verður minni fløt og størri partur av pensjónini skal verða um­vegis Samhaldsfasta. Samgonguskjalið er øgiliga pent skrivað, men tað er í síðsta enda arbeiðið, sum verður gjørt, ið hevur týdning« Tóra við Keldu Uttan spuna Soleiðis lesur tú samgongu­ skjalið Samgonguskjalið hjá nýggja landsstýrinum setur politisku kósina í komandi valskeiði. Orðini eru nógv og vendingar ofta tvítýddar. Her bróta vit samgonguskjalið í smærri bitar og vísa tær, hvat samgongan veruliga ætlar sær at fremja í komandi valskeiði Forkvinnan í MBF fegnast um vøkru orðini í samgongu­skjalinum. – Men í síðsta enda er tað arbeiðið, sum verður gjørt, ið hevur týdning, sigur Tóra við Keldu ...framhald á næstu síðu