hósdagur 17. september 2015síða 13

Fríggjadagur 18. september 2015 sosialurin 107 13 Rógvi Nybo Y virhøvur eru tey í Megin­ felag teirra, ið bera brek í Føroyum, fegin um tey brotini, ið snúgva seg um rættindi teirra, ið bera brek í Føroyum. Samgongan hevur eitt nú sett sær fyri at ST-sátt­málin um rættindi hjá teim­um, sum bera brek, eigur at verða virdur og fylgdur. ST- sátt­málin varð settur í gildi fyri Før­ oyar á sumri í 2009, men seinni hevur frá­greið­ing, ið MBF hevur gjørt um sátt­málan víst, at enn liggur ym­iskt á láni at fremja, áðr­enn Før­oyar fult og heilt liva upp til sátt­málan. ST- sáttmálin staðfestur ver­andi borgarlig- og sivil manna­rætt­indi. Harumframt inniheldur sátt­málin eisini ásetingar um búskapar­lig, mentunarlig og sosial rættindi, umframt serlig rætt­indi til brekað, so sum rættin til at­komu í víðari merking, og um javn­støðu fyri brekað. Vøkru orðini krevja nógv av øllum Samgongan hevur nú sett sær fyri, at ST-sáttmálin skal virðast og fylgj­ ast. Tað fegnast forkvinnan í MBF, Tóra við Keldur, eisini um. Serliga hava tey eftirlýst at ein uttan­hýsis stovnur, sum er óheftur av politiska myndugleikanum, verð­ur settur at hava eftirlit við, um Føroyar liva upp til sáttmálan. – Tað hava vit manglað, soleiðis at tað ikki er landsstýrið, sum hev­ ur eftirlit við sær sjálvum, stað­festir Tóra við Keldu. Yvirhøvur verður orðið javn­ rættur ofta nýtt í samgongu­skjal­ inum. Bæði tá tað snýr seg um at­ gongd til skúla, bústaðir og størv. Eis­ini stendur at hvør einstakur skal eiga møguleikan at smíða sær eitt eydnuríkt lív eftir egnum huga og evnum og at taka lut og ábyrgd í samfelagnum. Talan er yvirhøvur um pen orð, men Tóra við Keldu greiðir frá, at vøkru orðini fara at krevja nógv av øllum pørtum. – Vit fegnast um, at so nógv ítøkiligt stendur í samgongu­skjal­ inum. Men vit mugu eisini vera greið yvir, at skulu vit eitt nú tryggja øllum borgarum javnrætt, fer tað at krevja ótrúliga nógv av øllum pørtum í samfelagnum. Hetta eru stór orð at liva upp til, sigur Tóra við Keldu. Skal vísast í verki Forkvinnan í MBF er tó ikki bangin fyri, at stóru orðini bert eru fest í samgonguskjalið fyri at man skal vera politiskt korrektur. – Tað er ikki mítt inntrykk hvør­ fall. Sum eg dugi at síggja tað, eru tað øgiliga dugnalig fólk á øllum teimum landsstýrisøkjunum, ið vit hava mest við at gera, so eg havi góðar vónir um, at her kemur nógv burturúr, greiðir Tóra við Keldu frá. Hon minnir tó eisini á, at tað skulu meira enn orð til. – Í samgonguskjalinum hjá undan­farnu samgongu stóð ikki so nógv ítøkiligt um, hvat skuldi gerast á hesum økinum, men sein­ astu fýra árini er hent ótrúliga nógv. Samgonguskjalið er øgiliga pent skrivað, men tað er í síðsta enda ar­ beið­ið, sum verður gjørt, ið hev­ur týdn­ing, staðfestir Tóra við Keldu. rogvi@sosialurin.fo Vøkru orðini skulu eisini vísast í verki Meginfelag teirra, ið bera brek í Føroyum, MBF, fegnast um at samgongan ætlar at fylgja ST-sáttmálanum, og at samgonguskjalið staðfestir at øll skulu hava javnrætt. Men vøkru orðini krevja nógv og skulu eisini vísast í verki Formenninir í samgongu­ flokkunum. Høgni Hoydal, Tjóðveldi, Aksel V. Johannesen, Javnaðar­ flokkurin og Poul Michelsen, Framsókn Forkvinnan í MBF Mynd: Álvur Haraldsen