hósdagur 17. september 2015síða 17

Fríggjadagur 18. september 2015 sosialurin 107 17 sett sær fyri, at hon ætlar ikki, at nýggja starvið hjá manninum skal broyta lív hennara í ov stóran mun, tí, sum hon sigur, dreymur henn­ ara hevur ongantíð verið at ger­ ast løgmansfrúa. Hon er sjálv út­ búgvin cand.mag í miðlafrøði av Køben­havns Universitet og hevur í nógv ár starvast innan samskifti og marknaðar­føring. – Eg havi ikki valt at vera kona løg­mann. Aksel hevur fingið eitt nýtt starv, men eg eri ikki løgmansfrúa fyri tað, hansara starv hevur einki við meg at gera, broytir ikki mín sam­ leika. Tað er ikki tað, at eg ræðist al­ menna ljósið og vil halda meg aftur, men hansara starv hevur sum so einki við mín person at gera, sigur Katrin Didriksen Apol Hon vísir á, at Aksel V. Johannesen ikki var virkin í politikki, tá tey møttust, og at bæði høvdu dreymar og vónir, sum tey vildu strekkja seg eftir. – Eg hevði aldrin kunna fyrigivið mær sjálvari, um eg bremsaði hansara dreymum, og eg ivist ikki í, at hann heldur ikki vil forða mær at náa mínum dreymum. Eg ætli mær ikki at gera avkall upp á hvør eg eri, hóast hann nú er vorðin løgmaður. Eg má geva honum tað rúm, honum tørvar, tó uttan at missa meg sjálva burtur. Eg vænti, tað verður ov strævið fyri meg, um eg traðki ov nógv aftur og ikki serliga spennandi hjá mær, sigur hon, men ásannar samstundis, at ávís­ar tillagingar verða neyðugar. – Eg skuldi satt at siga ynskt, at ein barnagenta fylgdi við embætinum. Aksel plagar at siga, at eg eri meiri upptikin enn hann, tí eg eri virkin í nevndararbeiði og innan ítrótt. Eg vóni, eg kann halda fram við tí, og at Aksel millum annað enn hevur møgu­leikan at fara til frítíðarítriv við børn­unum av og á. Hon sigur, at hon hevur altíð verið áhugað í politikki. Hon er útbúgvin miðlafrøðingur og heldur, at politiska samskifti er sera spennandi. – Eg tími væl politikk. Eg havi ofta hug at blanda meg upp í politiska kjakið á Facebook, men nú má eg sjálvandi vera varin, tí alt eg skrivi, verður tulkað sum kona løgmans, sigur Katrin Didriksen Apol, sum sam­stundis vónar, at hon ikki verður skánað ov nógv. – Vit tosa nógv um politikk í mínum vinaskara, men tað kann vera, at vinkonurnar verða varnari, nú Aksel er løgmaður. Vil ikki byggja múrar Fyrstu teknini um, at maðurin er vorð­in løgmaður, er longu komin. Katrin Didriksen Apol sigur, at hon mill­um annað longu hevur fingið fleiri vinarumbønir á Facebook frá fólkum, hon ikki hevur hóming av, hvørji eru. Hon vónar tó, at henni fer at megnast, at halda politiska lív mansins atskilt frá familju­lívinum. – Eg vóni, at vit sleppa undan, at hava loyniligt telefonnummar heima og at heimið kann vera eitt frístað fyri okkum øll fimm. Eg veit, at fyri, at Aksel skal kunna gera sítt ar­beiði til lítar, má baklandið vera trygt, og tað verður mín uppgáva at taka mær av. Tá hann kemur inn um gátt­ ina heima, skal hann sleppa at vera Aksel og ikki løgmaður, so at hann kann slappa av. Vit skulu royna at halda tað privata privat. Løgmenn kunnu ofta vera fyri hørðum ákoyringum, sum millum ann­að júst fráfarni løgmaður, Kaj Leo Holm Johannesen, upplivdi. Hann valdi millum annað at siga síni blað­hald upp, fyri at verja konuna og børn­ini frá ákoyringunum, sum vóru at síggja í prentaðu miðlunum. Katrin Didriksen Apol sigur, at hon hevur hugsað um, hvussu tað kann ávirka teirra familju. – Eg kann ikki fyrireika meg upp á, hvussu eg fari at reagera, um øll eru eftir manni mínum. Eg ætli tó ikki at byggja múrar upp og trekka meg aftur frá umverðini, men eg veit ikki, hvønn ágang vit kunnu vænta okk­um. – Tað koma allarhelst dagar, tá eg vildi ynskt, at støðan hevði verið annarleiðis. Nú skulu vit loypa út í tað saman, hyggja at møguleikunum, sum liggja fyri framman og ikki forðingunum. Vónandi fái eg onkrar spennandi møguleikar saman við honum, sigur Katrin Didriksen Apol, kona Aksel V. Johannesen, løg­mann, at enda. danjal@sosialurin.fo »Eg vóni, at vit sleppa undan, at hava loyniligt telefon­nummar heima og at heimið kann vera eitt frístað fyri okkum øll fimm« – Eg hevði aldrin kunna fyrigivið mær sjálvari, um eg bremsaði hansara dreymum, og eg ivist ikki í, at hann heldur ikki vil forða mær at náa mínum dreymum, sigur Katrin Didriksen Apol, kona Aksel V. Johannesen Mynd: Sigmar Mørkøre