hósdagur 17. september 2015síða 21

Fríggjadagur 18. september 2015 sosialurin 107 21 FYRILESTUR Vit og Asia Norðurlandahúsið og Fróðskaparsetur Føroya hava gjørt eitt nýtt samstarv um at skipa fyri almennum fyrilestrum, ið viðgera akademisk evni. Ætlanin er at fáa granskarar og aðrar serfrøðin- gar at kunna um ymisk tíðar hóskandi og viðkomandi evni. Byrjað verður í september við fyrilestri hjá Geir Helgesen. Geir Helgesen er Asiagranskari og spyr í fyrlestri sínum: Eru vit á veg inn í eina nýggja heimsskipan? Kina, Korea og Japan eru áhugað í Arktis og harvið í okkara parti av heiminum. Bræðingin av ísinum og atgongd til nýggjar siglingarleiðir, nýggj ráevni, fi sk og eina órørda náttúru draga fíggjarligu risarnar úr Asiu og eisini nógv av fólkinum úr hesum fjølbygda heimsparti, sum mennist skjótt. Týsdagin 22. sept. kl.19.30 í Skálanum. Fyrilestrarøðin heldur fram uml. einaferð um mánaðin til mai 2016. Ókeypis atgongd. KONSERT Ármann Helgason (IS), klarinett og Jóhannes Andreasen (FO), klaver Ármann Helgason er kendur íslendskur klarinett leikari. Hann er útbúgvin á Royal Northern College of Music í Manchester, hevur spælt konsertir víða um lond og hevur m.a. tikið klarinettkonsertirnar hjá Mozart og Copland upp saman við íslendska symfoniorkestrinum. Til hesa konsertina spælir hann saman við føroyska klaverúrmælinginum Jóhannesi Andreasen. Umframt frá- líkan norðurlendskan tónleik eftir tónaskøld sum Þorkell Sigurbjörnsson, Kára Bæk og Einojuhani Rautavaara fara Ármann og Jóhannes at spæla romantisku sonatuna í Ess-dur eftir Johannes Brahms. Sunnudagin 27. september kl 16.00 í Klingruni . Atgongumerki 100 kr. TÓNLEIKUR SJÓNLEIKUR MENTAN í Føroya heitasta húsi SJÓNLEIKUR Veitslan Eftir Thomas Vinterberg og Mogens Rukow. So verður Veitslan endiliga hildin í Føroyum. Helgi Dýrindal-Joensen fyllir 65 og heldur sjálvandi stóra veitslu. Elsti sonurin heldur røðu og biður pápan velja millum ta gulu og ta grønu røðuna. Og so koma loyndarmálini fram í ljósið. Danski klassikarin er broyttur til heimlig viðurskifti, og er ein stór norðurlendsk verkætlan við luttakarum úr Íslandi, Grønlandi, Danmark, Noregi og Føroyum. Kristianna Winther Poulsen, framleiðari, og Marita S. Dalsgaard, leikstjóri, hava tikið stig til verkætlanina. 19.–23. september kl. 20.00 (umframt 20. september kl. 16.00) í Høllini. Atgongumerki 240 kr. FRAMSÝNING Eyes as Big as Plates Eyes as Big as Plates er ein verkætlan, ið Riitta Ikonen úr Finnlandi og Karoline Hjort úr Noregi hava gjørt í samstarvi við eldri fólk úr øllum Norður- londum. Pensjóneraðir bøndur, djóra frøðingar, blikksmiðir, operatónleikarar og 90 ára gamlir fall- skíggjaleyparar vórðu latnir í hugfl oygdar búnar úr nátturutilfari og síðani fotograferaðir úti í náttúruni. 4. september – 4.oktober í Dansistovuni. Ókeypis atgongd Norðurlandahúsið