mánadagur 21. september 2015síða 10

Mánadagur 21. september 2015 · Nr. 108 10 Sosialurin Hugskot og viðmerkingar – send sms til 225000 Eirikur Lindenskov Í morgin er ein vika síðani, at 17 fólk í trimum flokkum skipaðu nýggja samgongu, sum skuldi »endurskapa álit­ið á politisku skipanina«. Men ongantíð áður hevur so stórt rumbul verið í so stutta tíð hjá eini so nýggjari sam­ gongu. Tað er ein undarliga støða – fyri ikki at siga ein pín­lig støða, sum tær báðar, Annika Olsen og Sonja Jógvans­ dóttir, hava sett ta polit­isku skipanina í. Fyrst var tað Annika Olsen, sum 9 dagar eftir valið boðaði frá, at hon tók seg úr Fólka­flokkinum. Har var hon so illa viðfarin í sambandi við for­mans­valið fyri fýra ásum síðani, segði hon – hóast hon hevur um­ boð­að flokkin í lands­stýri­ num síðan –  og sambært Jørg­en Niclasen hevur for­ mað politisku valskránna í sam­bandi við løgtingsvalið. Beinanvegin varð gitt, at hon fór upp í Framsókn. Men fyri ta tíð, var tað Sonja Jógvans­dóttir, sum stjól mynd­ina við at melda seg úr Javnað­ar­flokkinum – sama dag, sum løgtingið hevði valt Aksel V. Johannesen til løg­mann, og sama dag sum hann hevði tilnevnt sær sjey lands­stýrisfólk. Tað sigst, at Sonja Jógvans­dóttir gav floks­for­ manni­num boðini umvegis eini sms-boð 10 minuttir áðr­ enn tíðindafundin, har sam­ gonguskjalið skuldi undir­ skriv­ast. Tað ljóðar ógvuliga óbúgv­ið –  men tað sum er hent síðan bendir á, at tilgongdin í hesum málinum hevur verið stak óbúgvin og sera illa umhugsað hjá Sonju Jógvans­dóttir, sum hevur handl­að í óðum verki uttan at hugsa um avleiðingarnar, tað kann fáa fyri tey mál, sum hon bjóðaði seg fram at verja. 96 tímar í nýggjum flokki Á fyrsta tingfundi, sum varð hildin eftir at nýggja sam­ gongan varð skipað, boð­aði Annika Olsen frá, at hon nú ikki longur var uttan­ flokkatingfólk, men part­ur av tingmanningini hjá Fram­ sókn. Hetta var 17. september. Men tíðin hjá Anniku Olsen í Framsókn var ikki drúgv, tí longu fýra dagar seinni – í gjárkvøldið, boðaði hon frá, at hon nú ikki longur er part­ ur av Framsókn. Tá hon seinast skifti flokk – altso fyri 12 døg­um síðani – sløkti hon tele­fon­ ina og krógvaði seg fyri fjølmiðlunum. Hesa seinnu ferðina hon skift­ir flokk biður hon í tíð­inda­skrivi um frið fyri fjøl­miðlu­ num. Hetta ber boð um, at hon eisini hevur handl­ að í óðum verkum –  helst báðu ferðirnar. Tá hon ikki setir seg føra fyri at greiða almenninginum frá fløkju­ ni, hon hevur koyrt alla ta politisku skipanina út í, so er støðan ikki góð. Vit kenna ikki tað trýst, ið hev­ur ligið á henni. Men tað man uttan iva vera trýst frá fyrrverandi floks­feløgum í Fólka­flokki­ num. Tí sambært Poul Michel­sen hevur einki stríð verið um ella við hana, teir 96 tímarnar, hon var partur av Framsókn. Aksel fekk meiriluta Hósdagin kundi Aksel V. Johannesen smílast á ting­ fundinum, tá flytingin hjá Anniku Olsen hevði við sær, at samgongan aftur var heil, eftir at Sonja Jógvansdóttir legði fyrstu torpedoina undir sam­gonguna. Soleiðis sum talv­ið hevur ligið seinastu fýra dagarnar, so hevði Sonja Jógvansdóttir telvað seg út í ein myrkan krók í løg­ tinginum, har hon als onga ávirkan fær yvirhvøur. Hon sigur, at hon fer at gera vart við síni hjartamál. Men uttan mandat í samgonguni, so er tað einki vert. Tá kundi hon tað sama sitið saman við fak­ felagsleiðarum og rópað var­ skó uttanfyri, tí tann støðan, hon kom í hósdagin, er einki verd í einum politiskum saman­hangi. Aksel misti meirilutan Men hetta er nú eisini broytt nú. Aksel V. Johannesen og Javnaðarflokkurin taka uttan iva glaðbeint ímóti hen­ni, um hon biður lova sær inn í hitan aftur. Tí tey hava brúk fyri hennara atkvøðu. Álit­ið á hana verður so sum so. Hon skal prógva rættiliga nógv, um hon skal takast fyri fult aftur. Men tann støðan, hon nú er í sum 17. atkvøðan í sam­gonguni kann brúkast til at gera tað gott aftur millum hana og Javnaðarflokkin. Sonja offrar hjúnabandslógina Alternativ eru sjálvandi. Eitt er at fáa Nýggja Sjálvstýrið upp í samgonguna. Har eru helst ov stórar ósemjur um fiskivinnunýskipan  – og so málið um at broyta hjúna­ bands­lógina, so samkynd kunnu giftast borgarliga. Tað hevði helst farið í vaskið í eini slíkari samgongu – og so kundu tey samkyndu takk­ að Sonju Jógvansdóttir fyri bragd­ið. Hin møguleikin er, at ein breið samgongu nú verð­ur skipað saman við Sam­bands­ flokkinum. Men tá má helst eitt nýtt sam­gongu­grund­ar­ lag gerast, og tað verður ein størri kollvelting. Men ikki ómøgu­ligt. Pínligar kvinnur Tað er í øllum førum ein keðilig støða, sum Aksel V. Johanne­sen er komin í – eisini fyri alla ta politisku skipan­ina. Men fyri tær báðar Anniku Olsen og Sonju Jógvans­dóttir er tað bein­ leiðis pínligt. Eitt er, at tær svíkja sínar 2000 veljarar. Men tær – ella serliga Sonja Jógvans­dóttir – snýta eisini øll, sum hildu, at hesi 17 fólk­ ini, sum vildu broytingar í Før­oy­um – sum søgdu seg vilja, at valdið og virðini skul­du út til fólkið, og sum søgdu seg vilja skapa einar sterk­ar, samhaldsfastar og sjálv­bjarg­nar Føroyar. Tað stendur á gomlum nøgl­um, tí at tann politiska skipan­in stedur og fellir við trú­virðinum hjá tveimum kvinnum, sum báðar hava svik­ið sínar veljarar og sínar flokkar. Spurningurin er, um polit­iska skipanin kann liva í óviss­uni, nú tær hvør sína ferð hava rykt teppið undan sam­gonguni. Tá tær sjálvar hava brotið nið­ur sítt egna trúvirði so skjótt og effektivt, hvussu kann eitt heilt land so stóla upp á tær? Ber tað til at stýra Føroyum við tveimum óstýriligum løgtingskvinnum sum avgerandi grundarlag? GREINING Fakta: 1. september: Løgtingsval 9. september: Annika Olsen boðar frá, at hon tekur seg úr Fólkaflokkinum 15. september: Sonja Jógvansdóttir boðar frá, at hon meldar seg úr Javnaðarflokkinum 17. september: Annika Olsen boðar frá, at hon er partur av Framsókn 20. september: Annika Olsen boðar frá, at hon hevur meldað seg úr Framsókn og farin í farloyvi úr løgtingum Nú stendur á gomlum nøglum hjá Akseli