mánadagur 21. september 2015síða 12

Mánadagur 21. september 2015 · Nr. 108 12 Sosialurin Hugskot og viðmerkingar – send sms til 225000 Dagfinn Olsen Føroya virknasti klovnur er í hesum døgum á ferð á søguligum gøtum. Bubu er nevniliga á ferð í Ísrael í hesum døgum. Har ger hann tað, ið hann altíð ger: hann spælir klovn. Bubu er ikki einsamallur. Við sær hevur hann eitt ferðalið, tí upptøkur skulu gerast til ein film, og til adventsløtur. Gamalt hugskot Í fjør kom filmur við Bubu út. Og síðani er eittnú eisini bók at lita, og sangirbók við akkordum, komin. – Vit vóru óroyndir og vistu onki. Vit hava síðani gjørt okkum royndir, sigur maðurin handan Bubu maskuna, Finn Johannessen, ið sum heild er væl nøgdur við ta framgongd, sum hev– ur verið Bubu fyri, síðani trilvandi byrjanina. – Fyri nøkrum árum síðani búðu Niclas Heri Jákupsson eitt skifti her í Vági, greiðir Finn Johannes– sen frá, og sostatt vóru teir tveir klaksvíkingar í Vági. – Vit vóru nógv saman, og nógv varð prátað. Millum annað um hetta við at verða trúgvur mótvegis sær sjálvum, og teimum virðum, ið ein stendur fyri. Eg hevði tá bestan hug at gevast við klovnarínum, men Niclas Heri eggjaði mær til, sigur Finn. – Og hann segði enntá, at tað skuldi ikki undra hann, um eg fór at taka upp í Ísrael, tá eg einaferð fór at gera film, minnist Finn Johannessen. Einaferð klovn, altíð klovn Finn byrjaði aftur, og Bubu var við á Summar– festivalinum fyri trimum árum síðani. Og síðani hevur bert gingið framá, og Finn er sera nøgdur við gongdina, ið millum annað hevur havt sið sær samstarv við donsku Sigurd Barret og Pjerrot, og so filmin, sum kom í oktober í fjør. Og nú hevur Finn fleiri samstarvsfelagar afturat sær, tá sangir, ljóð og myndir skulu framleiðast. Ein teirra er Eyðbjørn Jacobsen. – Og ein dagin sigur Eyðbjørn so við meg, at vit burdu farið til Ísraels, og gjørt upptøkur har. Men eg var ikki so vísur í hesum, sigur Finn Johannessen. Men hugskotið var ikki gloymt, og støðugt kom Finn í samband vð fólk, ið hildu Bubu hava ment seg, og við fólk, ið spurdu eftir tilfari til undirvísing í kristni. Og í práti við eittnú Birnu og Terja Vestergaard, og við Jógvan Zachariassen, samkomuleiðara, mentist hugskotið, og ein ætlan byrjaði spakuliga at síggja dagsins ljós. Ferðamaðurin ordnaði alt Fyrst vóru tað Eyðbjørn, Finn og Jógvan, men í hesum døgum eru tey eini 8 fólk, ið eru í Ísrael sum partur av ætlanini, har Bubu sigur bíbliusøgur, og vitjar kendu støðini úr Bíbliuni. Tilvildin vildi tó, at verk– ætlanin fekk eitt spark rætta vegin, tá ein ferðamaður úr Ísrael stakk innar á gólvið hjá Finn Johannessen í Vági. Hesin frætti um ætlanina um at fara til Ísrael. Og eftir hálvtalað orð hevði hann lovað at taka sær av ferðaliðnum hjá Bubu, og øllum praktiskum, so sum gisting og øðrum. Og so var bara at halda avstað. Gera okkurt rætt – Hetta hevur verið lang– tíðarætlan, og so kostar hetta eisini pengar. Men vit hava fingið góðan stuðul frá fyritøkum, kommunum og einstaklingum, sigur Finn Johannessen. – Og eg haldi vit fáa ábendingar um, at vit gera okkurt rætt. Vit stovnaðu BUBU Á FERÐ Í HEI Í hesum døgum er klovnurin Bubu í Ísrael, har filmsupptøkur eru á skránni. Hugskotið hevur verið frammi fleiri ferðir millum ár og dag, tó at høvuðspersónurin ikki altíð hevur trúð uppá tað. Men alt byrjaði av álvara, tá ein ferðamaður úr Ísrael stakk innar á gólvið í Vági. FILMUR