mánadagur 21. september 2015síða 18

Mánadagur 21. september 2015 · Nr. 108 18 Sosialurin Hugskot og viðmerkingar – send sms til 225000 Heri Mohr Prestahjúnini í Leirum í Hvalba, Johan Henrik Sam–uelsen Weyhe og Anna Jacobsdatter, áttu eina dóttir, Armgard Marie, fødd 21. juni 1735 og doyði 30. oktober 1828. Armgard Marie fór til Keypmannahavnar. Har giftist hon 31. juli 1753 18 ára gomul í Sankt Nicolai kirkju við einum 12 ár eldri hattamakara Niels Sørensen Egholm. Tey fingu tveir synir og eina dóttir. Annar sonurin, Samuel Egholm, 1761-1796, var skipari og druknaði í Miðjarðarhavinum. Kona hansara æt Helene Christine Lund. Hon var dóttir kongaliga handilsforvaltaran í Føroyum, Ulrich Lund og Armgard Marie Hammershaimb, dóttir fútan Jørgen Frantz de Hammershaimb, 1688-1765. Tey bæði, Samuel og Helene Christine, fingu eina dóttir, sum æt Armgard Marie Egholm, uppkallað eftir ommuni úr Hvalba. Hendan Armgard Marie Egholm, fødd 8. oktober 1791 doyði 11. januar 1888 í Lyderslev, Stevns, var gift við fútanum Jørgen Frantz de Hammershaimb, 1688-1765. Tey bæði vóru omma og abbi V. U. Hamm– ershaimb. Hann var sum kunnugt føddur 25. mars 1819 á Steig í Sandavági og doyði 8. apríl 1909 í Ryesgade 110 í Keypmannahavn. Umrødda prestadóttur úr Hvalba, Armgard Marie Weyhe gift Egholm, 1735- 1828, var fyrsta ættkoma til ta lívsmáttugu Egholm-Hammerhaimb-ættina í Føroyum. Eitt sindur um Hammers– haimb-ættina Í Schlesia í tí týska ríkinum búði ein maður, Georg Smendein, sum í 1642 varð gjørdur bøhmiskur aðalsmaður og fekk navnið von Hammershaimb. Sonur hansara, Vencelaus Franciscus, flutti til Hamborg og haðani seinni til Keypmannahavnar. Einans barn hansara, Jørgen Frantz Hammershaimb, var skrivari hjá gehejmeraad (fúrsti) Carl von Gabel. Hetta er fyrstu ferð, ein Hammershaimb ber við nakað føroyskt, tí Gabel var lensharri Føroya. 1723 var J. F. Hammershaimb settur fúti í Føroyum. Hetta skrivaði Edward Mortansson (Mitens) í tí lítlu bókini um V. U. Hammers– haimb, sum hann gav út í 1916. Hann skrivaði eisini, »Móðir V. U. Hamm– ershaims var Armgard Maria. Foreldir hennara vóru Armgard Marie. Foreldir hennara vóru Egholm, ein hattamakari í Keypmannahavn og Armgard Maria Weyhe, slektað úr Hvalbæ.« Hetta er skeivt. Jørgen Frantz de Hammershaimb var langabbi og Armgard Marie Egholm var mamma V. U. Hammershaimb. Hendan Arm– gard Marie var dóttir Samuel Egholm. Ættartalvan hjá V.U.H. sær soleiðis út: Langabbar og langommur: 1: Niels Sørensen Egholm, 1723-1770, Armgard Marie Egholm, úr Hvalba, fødd Weyhe, 1735-1828. 2: Jørgen Frantz de Hammershaimb, 1688- 1765, Elisabeth Kristine Hammershaimb, fødd Weyhe, 1712-1776. Abbar og ommur: 1: Samuel Egholm, 1761-1796. Helene Kristine Egholm, fødd Lund, 1734-1781. 2: Wencelaus de Hammershaimb, 1744-1828. Armgard Marie Svabo, 1739-1798. (Systur Jens Chr. Svabo.) Foreldur: Pápin: Jørgen Frantz de Hammershaimb, 1767-1820. Mamman: Armgard Marie Hammershaimb,úr Havn, fødd Egholm, 1791-1888. Í 1723 setti Gabel, lensharri, Jørgen Frantz de Hammershaimb, 1688-1765, í fútaembætið í Føroyum. Einkjumaður við tveimum børnum giftist hann við 15 ára(!) gomlu Elisabeth Christine Samuelsdatter Weyhe, systur prestadóttrini í Hvalba, Armgard Marie. Tey fingu 13 børn. Tá ið hann doyði, varð ein av teirra synum, Wencelaus de Hammershaimb, 1744-1828, fúti. Hann giftist við Armgard Marie Svabo. Tey fingu 6 børn. Seinasti Hammershaimb í fútarøðini var sonur teirra, Jørgen Frantz de Hammers– haimb, 1767-1820. Hann var eisini løgmaður frá 1806 til 1816, giftist við tí 15 ár yngri Armgard Marie Egholm, fødd 8. oktober 1791, doyði 11. januar 1888. Hon var sum longu sagt dóttur Samuel Egholm og omma V. U. Hammershaimb. Sum løgmanseinkja búði hon við tveimum smábørnum nøkur ár hjá mammuni, Helene Christine, í Nýggjustovu í Havn. Tá ið hon doyði, flutti løgmanseinkjan og bæði børnini til Danmarkar. Í 1880 búði hon saman við soninum, V.U.H., í Lyderslev í Stevns, har hon doyði 1888; einkja í 68 ár. Hennara gravsteinur er har í kirkjugarðinum. Meðan pápi V. U. H., Jørgen Frantz de Hammershaimb, fúti og amtmaður, og Løbner ráddu fyri borgum, vórðu Havnar skansi og handilshúsini úti á Tinganesi hertikin av Baugh og »Brillimanninum«. Sambært Suðurstreymoyar kirkjubók giftust foreldur V. U. Hammershaimbs 23. september 1813: »Jørgen Frantz Hammers– haimb, konstitueret Laugmand og Jomfrue Armgard Maria Egholm. Forlovere efter Landfoged Hammershaimb og Examinatus juris Hans Debes. Vaksineattest fra Kirurg Amysen (ægte viet).« Hendan jomfru Armgard Maria Egholm, var dóttur Samuel Egholm og Helene Kristine Lund, og ikki slektað úr Hvalbæ og ikki móðir V. U. Hammerhaimb, sum Mitens vildi vera við í bokini frá 1916. Tann Armgard Maria, sum Mitens skrivar um, var langomma VUH. Hin sonur Niels Egholm og Armgard Marie Egholm, Johan Henrich Egholm, 1756-1820, føddur í Raadhus Stræde, Helligaand sogn, København, kom til Føroya 1783 og giftist við tí ríku einkjuni Anna Elisabedt Jensdatter, sum hevði arvað kongsfesti og jørð í Hvalvík frá manninum, sorenskrivaranum Peder HUGLEIÐINGAR Retrospektiv rætt- Egholm huset Armgard Maria Egholm Armgard Maria Weyhe