hósdagur 24. september 2015síða 49

Vinnublaðið hjá miðlahúsinum September 2015 17 6 Eyðfinn Reyðberg Úrslitið áðrenn skatt var 19 prosent betri í 2014, enn tað var í 2013. Hetta er status hjá bilasøluni Auto Service P/f, sum felagið RS47 P/f eigur. Tað er Reyni familjan, ið eigur íløgu­felagið RS47, sum umframt bilasøluna Auto Service eisini eigur bilasøluna Reyni Service, sum selur Toyota í Føroyum. Taka vit hesar báðar bilasølurnar, ið eru í sama samtaki, so vóru tær saman­lagt størsti føroyski bilseljarin í 2014. 526 bilar seldu Auto Service og Reyni Service samanlagt, og hetta er 33 prosent av samlaðu føroysku bila­søluni. Tað vil siga at triðji hvør nýggi bilur á føroysku vegunum í 2014 var ein bilur frá samtakinum RS47. Tá Waag & Co. seldi 25,8 prosent av nýggju bilunum, merkir hetta at tveir eigarar umboða 59 prosent av øllum seldum bilum í Føroyum, með­ an hinir tríggir eigararnir umboða 41 prosent av seldum bilunum. Keyptu Auto Service Tað var við árslok 2005, at Reyni Service keypti Auto Service. Ognar­ part­urin var seinni lagdur í móðir­ felagið RS47, sum nu eigur báðar bila­sølurnar. Tað gekk væl fyrstu tvey árini í 2006 og 2007 við góð­um úrslitum, men eins og fyri flestu bilasølurnar, so rakti krepp­an, og árini 2008, 2009 og 2010 hevði bilasølan hall. Í 2011 kom vend í, og síðan hevur felagið havt betri úrslit ár undan ári. Í 2014 hevði Auto Service eitt avlop áðrenn skatt uppá 3,3 milljónir krónur móti 2,8 milljónir krónur í 2013. Samanlagt hevur Auto Service havt eitt avlop eftir skatt sein­astu trý árini uppá 7 milljónir krónur. Óbroytt starvsfólkatal Starvsfólkatalið hjá Auto Service hevur øll hesi seinastu árini ligið um 25 starvsfólk og haruppímóti. Starvsfólkakostnaðurin var í 2014 9 milljónir krónur, sum var ein hálv milljón krónur meir enn í 2013. Hetta gev­ur eina meðal ársløn til tey 24 starvs­fólkini uppá 376.000 krónur. Rentuberandi skuldin hjá fel­ag­num í dag er góðar 41 milljón­ir krón­ur, sum er 8,0 ferðir EBITDA. Nissan selur best Eins og hjá hinum bilasølunum, ið hava fleiri bilmerki at selja, so er tað serstakliga eitt bilmerki, ið togar størra helmingin av søluni inn. Hjá Auto Service er tað bilmerkið Nissan, sum bila­sølan seldi 131 av í 2014. Nissan stóð soleiðis fyri 58 pro­sent av seldu bilunum hjá Auto Service. Nissan gjørdist sostatt tað bilmerki, sum fjórðflest bilar vóru seldir av í 2014, næst eftir Toyota, Citroen og Ford. Harumframt seldi Auto Service 51 bilar av slagnum Peugeot og 42 av slagnum Opel. Nýggjur stjóri Stjóri á bilasøluni Auto Service er Pól Jákup Poulsen, sum tók við sum stjóri í felagnum í apríl 2013. Hann tók við eftir Árna Tór Rasmussen, sum tá fór í starv sum stjóri hjá íløgu­felagnum Tjaldur. Árni hevur tó varðveitt sambandið við gamla ar­ beiðs­pláss sítt, har hann var stjóri hjá bæði Reyni Service og Auto Service, hann er í dag nevndar­for­maður í bæði Reyni Service og Auto Service um­framt at hann eisini er nevndar­ for­maður í ognarfelagnum RS47, sum eigur báðar bilasølunar. Ein av marknaðarfyrimununum hjá Auto Service er Gullpakkin, ið er avtala, ið bilkeypari ger við bila­ søl­una, har bileigarin við at keypa Gull­pakkan sleppur undan øllum út­ reiðsl­um av bilinum fyrstu trý árini, ella til bilurin hevur koyrt 90.000 km. Hetta umfatar at skifta olju, perur, viskarabløð o.a., arbeiðsløn av hesum og annars annað viðlíkahald av bilinum tey fyrstu trý árini. post@sosialurin.fo Auto Service Úrslitini góð seinastu árini Vaksandi avlop og betri rakstur eru lyklaorð, tá hugt verður eftir roknskaparliga úrslitinum hjá Auto Service P/f. Bilasølan hevur í dag 14 prosent av marknaðinum av nýggjum bilum, ið verður seldir í Føroyum. Reyni Service keypti Auto Service við árslok 2005 Auto Service P/f 2014 2013 Broyting Bruttovinningur 14.133 12.810 10% Starvsfólkakostnaður 9.033 8.495 6% EBITDA 5.100 4.315 18% Avskrivingar 1.707 1.408 21% Fíggjarpostar netto -69 -113 -39% Úrslit áðrenn skatt 3.324 2.794 19% Skattur 764 503 52% Ársúrslit 2.560 2.291 12% Støðisogn 36.047 30.917 17% Ogn í umferð 27.005 25.285 7% Ogn tilsamans 63.052 56.202 12% Eginpeningur 6.196 7.636 -19% Skuld 56.856 48.566 17% Skyldur tilsamans 63.052 56.202 12% Rentuberandi skuld 40.914 33.804 21% Rentuberandi skuld/EBITDA 8,0 7,8 2% Starvsfólk - - - Poul Jákup Poulsen, stjóri í Auto Service, kann gleðast um hækkandi úrslit síðan hann tók við sum stjóri í bilasøluni í apríl 2013.. Mynd: Álvur Haraldsen Auto Service P/f selur trý ymisk bilsløg. Av hesum stóð Nissan fyri 58 prosent av seldu bilunum í 2014. Kelda: vinnuvitan.biz Høvuðstølini hjá Auto Service P/f seinastu tvey árini. Ársúrslitið var 19 prosent betri í 2014 enn í 2013. 131 ; 58% 51 ; 23% 42 ; 19% Nissan Peugeot Opel Søla av bilum hjá Auto Service P/f í 2014 býtt á bilsløg