hósdagur 24. september 2015síða 53

Vinnublaðið hjá miðlahúsinum September 2015 21 6 Eyðfinn Reyðberg Tá Gunnar Justinussen keypti Wen­ zel á heysti 2006, mundi hann ikki hugsa, at stór niðurgongd í før­oy­sku bila­søluni skuldi gera seg gald­andi stutt eftir. Wenzel hevði ár­ini undan 2006 ikki havt nøktandi úrs­lit og einki avlop. Hetta broyttist beinanvegin í 2007, tá P/f Wenzel hevði eitt avlop áðrenn skatt uppá 4,1 milljón krónur, men so minkaði bilasølan niður í lítið og einki árini 2008 og 2009, og hetta merkti gongdina hjá Wenzel. Í fimm ár tjenti P/f Wenzel ongar peng­ar, og samlaða úrslitið fyri árini frá 2008 til og við 2012 var eitt hall uppá 4,6 milljónir krónur. Hetta hallið er nú vunnið væl og virðil­iga inn aftur, tí í 2013 og 2014 var samlaða avlopið hjá P/f Wenzel 9 milljónir krónur áðrenn skatt. Sølan av bilunum, sum Wenzel um­boðar, er eisini farin upp. Ford ligg­ur nú á einum triðjaplássi yvir best seldu bilsløg í Føroyum í 2014, og hitt bilmerkið hjá Wenzel Volvo, ligg­ur á einum áttandaplássi. Tilsamans seldi Wenzel 213 bilar í 2014, 138 Ford bilar og 75 Volvo bilar. Wenzel stendur nú fyri einum mark­naðarparti av nýseldum bilum uppá 13,1 prosent í 2014. Millum bestu úrslitini Hóast marknaðarparturin hjá Wenzel var 13,1 prosent í 2014 av nýseldum bil­um, so er úrslitið so mikið gott, at avlopið uppá 5,1 milljón krónur áðr­ enn skatt, stendur fyri 22,2 prosent av samlaða úrslitinum hjá teimum átta føroysku bilasølunum. Tað var eisini framgongd í 2014, tá sæð verður í mun til 2013, tí brutto­ vinningurin hækkaði við 11 pro­sent, og endaliga ársúrslitið gjørdist heili 29 prosent betri í 2014 enn undan­ farna árið. Eginognin hjá Wenzel er nú kom­ in uppá góðar 10 milljónir krónur, og svarar hetta til ein soliditet uppá 27 pro­sent. Rentuberandi skuldin er í dag 20,5 milljónir krónur. Tá hon var hægst var hon 24,7 milljón krónur í 2011, so hesi seinastu trý árini, er skuldin niðurgoldin við góðum 4 milljón­um krónur. Lágur lønarkostnaður Hørðu árini frá 2008 hava gjørt, at lønarkostnaðurin er hildin stramt niðri, og er hetta ein av frá­greið­ing­ unum til góða úrslitið hjá Wenzel. Lønarkostnaðurin í 2014 var 6,8 milljónir krónur, og er hetta bert 48 prosent av bruttovinninginum. Saman við Waag & Co. er Wenzel ein­asta bilasølan, ið megnar at hava ein lønarkostnað, ið er minni enn 50 pro­sent av bruttovinninginum. Hesar báð­ar bila­søl­urnar liggja báðar við ein­um lønarkostnaði sum liggur á 48-49 prosent. Saman við Bilasøluni Nú somu eigarar í stóran mun eru mill­um Wenzel og Bilasøluna, gevur hetta eisini nakrar møguleikar at fáa ein enn betri rakstur í felagið. Sum tað sæst við øðrum bilasølum, ið eru undir sama eigaraskapi, so ber til at nýta somu ressoursir á fleiri økj­um, sum á leiðslu- fíggjar og rakstrar­økinum. Tá innkeyp verða gjørd, kann hetta samankoyrast, og møguleikar eru fyri at hava færri peng­ar bundnar í goymslu og áogn. Jógvan Debes Højgaard er stjóri á Wen­zel, tað hevur hann verið øll árini síð­an 2006, tá Gunnar Justinussen keypti bilasøluna. Gunnar er nevndar­for­maður, meðan Jógvan Emil Nielsen og Rúni Jákupsson Lind­berg eru nevndarlimir. post@sosialurin.fo Wenzel P/f: Hart tiltrongt við góðum úrslitum seinastu tvey árini Síðan nýggir eigarar yvirtóku P/f Wenzel á heysti 2006 hevur fyritøkan havt trupult við at náa nøktandi úrslit, men seinastu tvey árini hava broytt alt, har Wenzel hevur ligið á einum triðjaplássi millum bilasølurnar tá talan er um bestu inntjening Wenzel P/f 2014 2013 Broyting Bruttovinningur 14.159 12.754 11% Starvsfólkakostnaður 6.799 6.387 6% EBITDA 7.360 6.367 16% Avskrivingar 1.075 848 27% Fíggjarpostar netto -1.220 -1.582 -23% Úrslit áðrenn skatt 5.065 3.937 29% Skattur 914 719 27% Ársúrslit 4.151 3.218 29% Støðisogn 18.303 18.270 0% Ogn í umferð 19.057 19.493 -2% Ogn tilsamans 37.360 37.763 -1% Eginpeningur 10.187 7.035 45% Skuld 27.173 30.728 -12% Skyldur tilsamans 37.360 37.763 -1% Rentuberandi skuld 20.500 21.677 -5% Rentuberandi skuld/EBITDA 2,8 3,4 -18% Starvsfólk 16 16 - Auto Service P/f selur trý ymisk bilsløg. Av hesum stóð Nissan fyri 58 prosent av seldu bilunum í 2014. Kelda: vinnuvitan.biz Høvuðstølini hjá Wenzel P/f seinastu tvey árini. Bruttovinningurin hækkaði við 11 prosent, og endaliga úrslitið gjørdist ein vøkstur uppá 29 prosent. 138 ; 65% 75 ; 35% FORD VOLVO Søla av bilum hjá Wenzel P/f í 2014 býtt á bilsløg