hósdagur 24. september 2015síða 61

Vinnublaðið hjá miðlahúsinum September 2015 29 6 vinnutíðargrein Tað ER alneyðugt at seta stóra orku og fokus á at fáa eina nýggja og betri handilsavtalu við ES, um­ framt at fáa fríhandilsavtalu við Kina og Rusland – og um møguligt eisini eina TIFA avtalu við USA, so at vit kunnu útflyta lidnar fiskavørur heldur enn rávørur og hálvfabrikata, tí harvið kunnu vit fáa økt útflutningsvirðið mun­andi, ja kanska tvífaldað tað. Eg ivist ikki í, at nýggi vinnu- og uttanríkisráðharrin fer at hava stórt fokus á just hetta økið. Og min vón er eisini, at hann ikki fer at ganga í ov smáum nationalum skóm og einans nýta okkara egnu sendistovur, men gagnnýta sendistovurnar í ríkinum til gagns fyri útflutning okkara og vinnu­møguleikar generelt. Tað fer at gagna Føroyum og hevði givið hon­ um ein eyka fjøður í hattin. Sendistovurnar eiga at verða nýttar nógv meira aktivt at skapa sam­bond og formidla, og tí haldi eg, at ein kunningar- og marknaðar­ førings­átaksætlan í útheimi fyri før­ oyskt vinnulív eigur at verða sett á skrá saman við vinnuni sum skjót­ ast, og tí er tað eisini gott, at man nú hevur samanlagt uttanrikis/handils­ liga partin saman við Vinnumálum, tí harvið ivist eg ikki í, at vit fáa betur gagn­nýtslu og nyttu. Her má eg eisini nevna, at Heilsu­ frøðisliga Starvsstovan spælir ein vitalan leiklut í samband við út­flutn­ ing okkara og er við til at tryggja, at allar veterinerar forðingar verða hand­farnar og avtalaðar, og tað hava tey verið fyrimyndarlig til í farnum ár­ um og fara eisini framyvir at verða ein týdningarmikil viðspælari fyri vinn­una mótvegis útlandinum. Kappast við restina av heiminum Og tí er tað umráðandi alla tiðina at hava fyri eygað at varðveita kapp­ ingar­førið fyri útflutningsvinnu okk­ ara. Tað er eisini umráðandi, áðrenn stórar broytingar verða gjørdar ella drastisk stig verða tikin við­víkj­ andi kørmum at virka undir, sum til dømis gjøldum av ymsum slag ella broytingum í partafelags- og kapital­vinnings­skattalógum okk­ara. At hugt verður eftir, hvussu okk­ ara kappingarneytar eru reguleraðir bæði við gjøldum og skattum, áðrenn nakað verður framt hjá okkum, sum kann skeikla kapp­ ingar­støðuna hjá okkara egnu fram­ leið­arum til vansa – heldur enn fyri­ munar fyri okkara vinnu. Fiskivinnunýskipanin 2018 eitt must Tá alt omanfyri er sagt, so má eg eis­ ini gera vart við, at tað sum sett er út í samgonguskjalið viðvíkjandi fiski­ vinnu­nýskipan er umráðandi at fáa semju um sum skjótast, so vinnan veit, hvat hon hevur at fyrihalda seg til eftir 1. januar 2018. Tað er umráðandi at fáa eina breiða semju, sum øll politiska skipan­in kann standa inni fyri, so skipanin ikki verður broytt, tá onnur sam­gonga kemur framat aftur. Her er eis­ini umráðandi, at man endaliga liðugt­gerð og effektuerar umsitingar- og endurreisingarætlana, sum skjøtil bleiv settur á av minniluta­sam­gong­ uni í 2011 – so ein greið ætlan er gjørd; hvussu farast skal fram fyri teir fiska­stovnanar sum eru Í vanda. Orkupolitikkurin er vitalur Orkupolitikkurin er vitalur, og vóni eg eisini, at hesin framyvir fær høga raðfesting – tí orkorkuveiting um­ framt at verða sjálvt hjarta í sam­ felag­num, eisini sær út til at kunna blíva ein framtiðar vinna við stórum møgu­leikum. Tí er eisini neyð­ ugt fram­haldandi samsvarandi elvetingar­lógini, politiskt at tryggja – at ikki bert ein aktørur fær møguleika at verða el/orkuveitari og hava fram­ hald­andi monopol. Nýhugsan skal fáa pláss, og arðir aktørar skulu eisini fáa møgu­leikan at veita elorku til sam­felag okkara. Upp á sikt kunnu vit eis­ini fara at útflyta orku, um ein kaðal til meginlandið verður veruleiki eina­ferð i næstu framtið – hvat hann iva­leyst verður. Tí má eisini hugsast lang­siktað innan hetta økið. Samskiftisvinnan sera spennandi Innan samskiftisøkið hevur Føroyar ein gyltan møguleika eisini at verða eitt samfelag, sum verður í fremstu tøkniligu røð at gagnýta nýggjastu tøkn­ina, sum áhaldandi mennist og harvið verða eitt av fremstu sam­feløg­um innan gagnnýtslu av teim­um møguleikum, sum verða at koma við framtíðar tøkinini til enda­ brúk­aran. Just tað at vit eru eitt lítið sam­ felag ger hetta gjørligt, at vit hava møgu­leikan at nýta nýggjastu tøkn­ ina frá veitarunum. Hetta kunnaði forstjórin í Føroya Tele m.a. eisini um var við í nýggju av­taluni, sum gjørd um nýtt mobilnet hjá teimum. At enda vil eg meta, at vinnu­ politikk­urin sum seinast bleiv gjørd­ ur fyri um 10 árum síðani eigur at dag­førast, tí alt broytist skjótt kring okk­um og nýggjar vinnur og vinnu­ møgu­leikar er dagligur kostur, sum vit eis­ini mugu verða við í og partur av, har vit meta tað møguligt. So havandi allir hesar skaptu møgu­leikar í huga, so er min vón, at nýggja samgongan leggur í vaðið og dregur flundruna – vit í sein­astu sam­gongu engdu fyri og fingu á – inn um stokkin í hesum val­skeið­ num. post@sosialurin.fo Vinnupolitikkurin eigur at dagførast Johan Dahl, fyrrverandi landsstýrismaður í vinnumálum, áveg úr Tinganesi. Mynd: Álvur Haraldsen