mánadagur 28. september 2015síða 22

Mánadagur 28. september 2015 · Nr. 111 22 Sosialurin Hugskot og viðmerkingar – send sms til 225000 ítróttur Tórður stendur eftir við Svarta-Per Mest óvæntaða skiftið higartil, er eitt skifti, sum tá alt kom til alt ikki bleiv til eitt skifti. Tórður Thomsen hevði sáttmala við KÍ, men endaði við at standa eftir við ongum. Nú hava bæði B36 og KÍ málverja, og Tórður hevur ongan sáttmála Tróndur Arge Tórður Thomsen skuldi av røttum skifta til KÍ kom­ andi ár. Sum skilst, so var sáttmálin undirskrivaður og tað heila. Úr B36 bleiv boðað frá, at felagið takkaði mál­ verj­anum fyri trý tey farnu kapp­ingarárini. Nú skuldi Trygvi Askham fáa møgu­ leikan sum fyrsti málverji. Triði aktørurin var NSÍ, sum er barndómsfelagið hjá Tórði. Teir boðaðu frá, at Símun Rógvi Hansen verður nýggjur málverji í felagnum. Vendin Alt tóktist klárt, tá tíðindi brádliga komu úr Klaksvík, at skiftið ikki bleiv av nøkr­ um. Tórður ynskti ikki at skifta hóast alt. Nú ljóð­aði, at Kristian Joensen kom til felag­ið, meðan B36 hevði lovað Trygva Askham møgu­leik­an sum fyrsta málverja. So tá Tórður Thomsen vendi sær aftur til KÍ, tí pláss­ið í B36 var lovað Trygva Askham, var plássið hjá honum longu tikið av Kristiani Joensen. Nú hava øll feløgini í ovaru hálvu málverja til kom­andi kappingarár. Vík­ ing­ur sigst halda fram við Geza Turi og Elias Rasmus­ sen, og HB longdi við Teit M. Gests­son. Sostatt sær út til, at Tórður Thomsen stendur eftir við Svarta Per í hesum spæl­inum. Akkurát hvat er hent vita vit ikki, tí høvðus­persónurin, Tórður Thomsen, ikki vil gera við­ merk­ing­ar til málið. Toppskjútin í AB til B36 Jógvan Skeel Nolsøe, sum hevur skotið níggju mál í ár, spælir komandi kappingarár við B36. Hann er uppvaksin í HB, men hevur seinastu tvey árini spælt á Argjum. Í ár hevur 23 ára gamli fram­herjin verið ein av drúgv­astu spælarunum inni í Vika. Hann hevur skotið átta mál í landskappingini og eitt í steypakappingini. Hann hevur verið partur av fleiri dystum enn nakar av hinum spælarum. Seinastu dystir­nar hevur hann tó sitið á bonkinum. Í B36 hava teir í eitt hálvt ár leitað eftir einum nýggj­um framherja, eftir at Ibrahima Camara bleiv valdur frá. Nú er so líkt til, at tað verður ein HB’ari úr AB, sum skal skjóta mál fyri B36. Trygvi gevst í NSÍ Trygvi Mortensen segði í gjár við Rás2, at hann ikki heldur fram sum venjari hjá NSÍ. HAnn boðaði tó samstundis frá, at hann er sinnaður at taka aðrar venjarauppgávur á seg. – Kann onkur annar brúka Trygva Mortensen sum venj­ara, so eri eg til reið­ar til tað, sigur Trygvi Morten­sen. Hann heldur, at tíðin er komin til, at onkur annar tekur yvir í NSÍ. – Eg haldi tað er snildari, at onkur annar uttanfyri felagið kemur at taka yvir. Eg haldi, at eg havi gjørt eitt gott arbeiði seinastu tvey árini, sigur Trygvi Morten­ sen. Hann leggur afturat, at felagið hevur gott til­ feingið og nýggi venj­ arin, hvør hann so verður, fær eina spenn­andi upp­ gávu. Trý venjaranøvn upp á tal í HB HB skal hava nýggjan venj­ ara til komandi ár. Higartil hevur verið torført at fáa nakað at vita, u hvør tann venj­arin kann verða. For­ mað­urin, Finnbogi Arge, hev­ ur sagt at hann er væl nøgdur við Milan Cimburovic og Jan Dam. So tað er ein møguleiki. Annars ljóðar, at tveir fyrrverandi venjarar í felagnum eru nevndir. Teir eru Sigfríður Clementsen og Oddbjørn Joensen. Báðir mundu verða sera vón­brotn­ ir, tá teir ikki fingu nýggj­an sáttmála. Sigfríður Clement­ sen eftir kappingar­árið í 2012, og Oddbjørn Joensen í kapp­ ingarárið í 2013. Hans Pauli uppá pláss í Víkingi Tað kemur ikki sum nøkur bumba, tá Víkingur eina ferð almannakunnger Hans Paula fótbóltur